Levhitika 16:34 - Xitsonga (Bibele)

³⁴ Leswi swi ta va ka n'wina ku lerisa loku nga heriki, hileswaku kan'we hi lembe, vana va Israele va ta phahleriwa mhamba, leswaku va rhuliwa swidyoho hinkwaswo swa vona.” Ku endliwa hilaha Yehovha a leriseke Muxe hakona.

BIBELE Mahungu Lamanene

³⁴ Milawu leyi yi ta tirha hilaha ku nga heriki. Kan'we hi lembe, Vaisraele va ta basisiwa hikwalaho ka swidyoho swa vona hinkwaswo.” Kutani Muxe a endla hilaha HOSI Xikwembu xi n'wi leriseke hakona.

Levhitika 16:34 Referans Kwoze

Vaheveru 9:7

kambe loko ku ri etabernakeleni ya vumbirhi, ku nghena eka yona muprista lonkulu ntsena, a nghena kan'we hi lembe, kambe a nga ngheni loko a nga ri na ngati leyi a yi humesaka hikwalaho ka yena, ni ka ku dyoha ka tiko.

Vaheveru 9:25

swi nga ri leswaku a tiendla kangani mhamba kukotisa muprista lonkulu, loko a nghena evukwetsimelweni hi lembe rin'wana ni rin'wana, a tamele ngati leyi nga riki ya yena,

Eksoda 30:10

Aroni u ta endla mhamba etimhondzweni ta alitari siku rin'we hi lembe hi ngati ya gandzelo ra xidyoho. Kan'we hi lembe, u ta endla ealitarini mhamba etinxakeni ta tinxaka. Alitari leyi, yi ta va leyi hlawuriweke ngopfu emahlweni ka Yehovha.”

Vaheveru 10:14

Hikuva hi ku humesa mhamba kan'we, u hetisile hilaha ku nga heriki lava basisiweke.

Vaheveru 10:3

Kambe emagandzelweni walowo, ku anakanyiwa vudyoho hi lembe rin'wana ni rin'wana;

Tinhlayo 29:7

“Hi siku ra khume ra n'hweti leyi ya 7, mi ta va ni nhlengeletano leyi hlawuriweke, mi ta tsongahata mimoya ya n'wina, mi nga tshuki mi tirha ntirho ni wun'we;

Levhitika 23:31

Mi nga tshuki mi tirha ntirho ni wun'we. I nawu lowu nga heriki wa vatukulu va n'wina ematikweni hinkwawo laha mi nga ta aka kona.

Eksoda 27:21

Aroni ni vana va yena va ta ti lunghisa eTabernakeleni, ehandle ka nguvu leyi nga emahlweni ka vumbhoni, leswaku ti voninga emahlweni ka Yehovha, ku sungula nimadyambu, ku fika nimixo. I ku lerisa loku nga heriki etinxakeni ta vana va Israele.”

Levhitika 17:1

Yehovha a byela Muxe, a ku:

Levhitika 23:28

Mi nga tshuki mi tirha ntirho ni wun'we hi siku lero, hikuva i siku ra magandzelo ya ku riha, leri ku riha ka n'wina ku humesiwaka ha rona emahlweni ka Yehovha, Xikwembu xa n'wina.

Eksoda 39:43

Kutani Muxe a vona ntirho hinkwawo, kutani maswivo, a va wu endlile hilaha Yehovha a nga lerisa hakona, va wu hetisile sweswo. Kutani Muxe a va katekisa.

Levhitika 3:17

Hi ku lerisa loku nga heriki etinxakeni ta n'wina, hinkwako laha mi nga ta aka kona: mi nga tshuki mi dya mafurha, hambi yi ri ngati.’ ”

Levhitika 16:2

Yehovha a ku eka Muxe: “Byela Aroni, makwenu, a nga tshuki a nghena hi mikarhi hinkwayo evukwetsimelweni, endzeni ka nguvu ya xisirhelo emahlweni ka vukhongelelo lebyi nga earekeni, a nga ta tshuka a fa; hikuva ndzi ta tikombisa epapeni ehenhla ka vukhongelelo.

Levhitika 24:23

Kavaloko Muxe a byela vana va Israele timhaka leti, kutani va humesa ehandle ka mixaxa la sandzeke, va n'wi dlaya hi maribye. Vana va Israele va endla hi laha Yehovha a leriseke Muxe hakona.