Levhitika 16:23 - Xitsonga (Bibele)

²³ “Aroni u ta nghena etabernakeleni ya nhlengeletano, kutani u ta hluvula tinguvu ta ntsembyana leti a ti ambaleke ku nghena evukwetsimelweni, a ti veka kona.

BIBELE Mahungu Lamanene

²³ “Kutani Aroni ú ta tlhela a nghena eka Ntsonga lowo Hlawuleka, a hluvula swiambalo swa ntsembyani leswi a swi ambaleke loko a ya exivandleni lexo hlawuleka ngopfu, a swi siya kwalaho.

Levhitika 16:23 Referans Kwoze

Ezekiele 44:19

Kutakuloko va humela erivaleni ra le handle va ya hlangana ni tiko, va ta susa tinguvu ta vona leti va tirhaka ha tona, va ti veka emakamareni ya vukwetsimelo, va ambala tin'wana leswaku va nga tshuki va tisa swo kwetsima kusuhi ni tiko.

Ezekiele 42:14

Loko vaprista va nghenile a va nga humi evukwetsimelweni ku nghena erivaleni ra le handle va nga si veka kona tinguvu leti va nga endla ha tona mitirho; hikuva hi leti kwetsimaka; va ta ambala tin'wanyana, kutani va ta tshinelela tiko.”

Varhoma 8:3

Hikuva leswi ngi swi tsandza nawu hikwalaho ka nyama, Xikwembu xi swi endlile, xi avanyisile vudyoho enyameni, loko xi rhumile N'wana wa xona enyameni leyi fanaka ni ya vadyohi, hikwalaho ka vudyoho;

Levhitika 16:4

U ta ambala hembe leyi hlawuriweke ya ntsembyana, a ambala ni buruku ra ntsembyana ku funengeta vuhava bya yena, a tikhama hi vamba ra ntsembyana, a tifunengeta nhloko hi xihuku xa ntsembyana. Hi tona tinguvu leti hlawulekeke; u ta rhanga a hlamba ematini, kutani u ta ti ambala.

Vaheveru 9:28

hi mukhuva wolowo, na yena Kriste, kuteloko a tiendlile mhamba kan'we ku susa ku dyoha ka lavo tala, a ta humelela ra vumbirhi a nga ha ri na swidyoho, eka lava n'wi languteleke leswaku a va hanyisa.

Levhitika 16:22

Xiphongo xi ta rhwala ehenhla ka xona ku dyoha hinkwako ka vona emananga; kutani munhu loyi u ta tshiketa xiphongo emananga.

Levhitika 6:11

U ta susa tinguvu ta yena, a ambala tin'wana, hi kona a nga ta yisa nkuma ehandle ka mixaxa, exivandleni lexi tengeke.