Levhitika 16:21 - Xitsonga (Bibele)

²¹ Aroni u ta tlhandlekela mavoko ya yena enhlokweni ya xiphongo lexi hanyaka, kutani u ta vula ehenhla ka xona ku dyoha hinkwako ka vana va Israele, ni milandzu hinkwayo ya vona, hambi swi ri swidyoho swihi ni swihi a swi veka enhlokweni ya xiphongo kutani xi ta yisiwa emananga hi munhu la hlawuleriweke ntirho lowo.

BIBELE Mahungu Lamanene

²¹ ú ta tlhandleka mavoko enhlokweni ya xiphongho xexo, a ri karhi a longoloxa mintirho hinkwayo leyo biha ya Vaisraele, ni ku tiarisa ka vona, ni swidyoho swa vona hinkwaswo; loko a swi vekile enhlokweni ya xiphongho, ú ta xi rhumela emananga, xi khayimiwa hi wanuna loyi a tilunghiseleke ntirho lowu.

Levhitika 16:21 Referans Kwoze

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

Esaya 53:6

Hinkwerhu a hi pepetseka tanihi tinyimpfu, a hi famba un'wana ni un'wana endleleni ya yena, kutani Yehovha u n'wi rhwexile ku dyoha ka hina hinkwerhu.

Pisalema 51:3

Hikuva ndzi tivisisa xidyoho xa mina, Ni xivi xa mina xi le mahlweni ka mina hi masiku hinkwawo.

Ezra 10:1

Ezra a ku a ha khongela, a tivula, a ri karhi a rila, a khinsamile emahlweni ka yindlu ya Xikwembu, ku hlengeletana eka yena nhlengeleto leyikulu ngopfu, ya Vaisraele, vavanuna, ni vavasati, ni vana; kambe tiko ri rila hi ku vaviseka lokukulu.

Varhoma 10:10

Hikuva munhu u kuma ku lulama hi ku pfumela hi mbilu, kutani u kuma ku ponisiwa hi ku vula hi nomu.

Swivuriso 28:13

La fihlaka swidyoho swa yena, a nga ka a nga kateki, Kambe la swi vulaka, a tshika, u ta kuma tintswalo.

Pisalema 32:5

Ndzi ku tivisile xidyoho xa nga, A ndzi fihlanga ku homboloka ka nga; Ndzi te: “Ndzi ta tivula ka Yehovha ku dyoha ka mina,” Kutani u hlangurile nandzu wa xidyoho xanga.

Levhitika 26:40

“ ‘Kutakuloko va tivula swidyoho swa vona, ni swidyoho swa vatata wa vona eku dyoheni loku va ndzi dyoheleke hakona;

Eksoda 29:10

“Kutani u ta tshineta xinkuzana emahlweni ka Tabernakela ya nhlengeletano, kutani Aroni ni vana va yena va ta tlhandleka mavoko enhlokweni ya xona.

Levhitika 5:5

Munhu loyi a nga ni nandzu lowo tano, u ta tivula nandzu wa yena;

Levhitika 1:4

U ta tlhandleka voko ra yena enhlokweni ya holokosta kutani yi ta amukeriwa; u ta endleriwa mhamba ha yona.

Levhitika 16:20

“Kuteloko a hetile ku phahlela vukwetsimelo mhamba, ni tabernakela ya nhlengeletano, ni alitari, u ta tshineta xiphongo lexi hanyaka.

Levhitika 16:22

Xiphongo xi ta rhwala ehenhla ka xona ku dyoha hinkwako ka vona emananga; kutani munhu loyi u ta tshiketa xiphongo emananga.