Levhitika 15:5 - Xitsonga (Bibele)

⁵ La khumbeke xilawu xa yena, u ta hlantswa tinguvu ta yena a hlamba ematini, kambe u ta va la yilaka ku fika nimadyambu.

BIBELE Mahungu Lamanene

⁵ Munhu un'wana ni un'wana loyi a khumbaka mubedo wa kona, ú fanele ku hlantswa swiambalo swa yena, a tlhela a hlamba ni miri; hambiswiritano, siku rero ú ta va a nga tenganga, dyambu ri ko ri pela.

Levhitika 15:5 Referans Kwoze

Levhitika 11:25

kutani mani na mani la rhwaleke mitsumbu ya swona, u ta hlantswa tinguvu ta yena, kambe u ta va la nga tengangiki ku fika nimadyambu.

Levhitika 17:15

“ ‘Munhu un'wana ni un'wana la velekiweke etikweni, hambi a ri wa matiko, la dyeke xiharhi lexi feke kumbe leswi handzuriweke, u ta hlantswa tinguvu ta yena, a hlamba ematini; u ta va la yilaka ku fika nimadyambu, kutani u ta tenga.

Levhitika 16:26

“Loko a ri la yiseke xiphongo xa Azazele, u ta hlantswa tinguvu ta yena, a hlamba ematini; u ta nghena emixaxeni kutani.

Nhlavutelo 7:14

Kutani ndzi ku eka yena: “Swo tiva hi wena, Hosi yanga!” A ku eka mina: “Hi lava humeke enhlomulweni lowukulu, va hlantswile tinguvu ta vona va ti basisile hi ngati ya Xinyimpfana.

Yakobo 4:8

Tshinelelani Xikwembu, kutani xi ta mi tshinelela. Hlambani mandla, n'wina vadyohi; na n'wina va timbilu timbirhi hlantswani timbilu ta n'wina.

Vaheveru 10:22

a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

Vaheveru 9:26

hikuva loko a swi nga ri tano, a a fanele ku twa ku vaviseka kanyingi, ka hari mpfhuka misava yi tumbuluka; kambe sweswi, kuteloko mikarhi yi hetisekile, u humelele kan'we ku herisa ku dyoha hi ku tiendla gandzelo.

Vaheveru 9:14

ngopfungopfu ngati ya Kriste la tihumeseke eka Xikwembu hi Moya lowu nga heriki, a ri mhamba leyi nga riki na xivati, yi ta hlantswa mapfalo ya n'wina emitirhweni leyi feke, leswaku mi tirhela Xikwembu lexi hanyaka!

Ezekiele 36:29

Ndzi ta mi lwela eka mathyaka ya n'wina hinkwawo; ndzi ta vitana koro, ndzi yi andzisa, ndzi nga ka ndzi nga ha wisi ndlala eka n'wina.

Ezekiele 36:25

ndzi ta mi xuva hi mati layo basa, mi ta tenga; ndzi ta mi basisa eka mathyaka ya n'wina hinkwawo ni ka swifaniso swa n'wina hinkwaswo.

Esaya 22:14

Yehovha wa tinyimpi u ndzi hleverile, a ku: “Hakunene, ku dyoha loku mi nga ka mi nga ku khomeriwi, mi ta ondza mi fa, ku vula Hosi, Yehovha wa tinyimpi.”

Esaya 1:16

Hlambani, mi tibasisa; susani emahlweni ka mina mitirho leyo biha ya n'wina; tshikani ku endla swo biha.

Pisalema 51:7

Ndzi basise hi hisopa, hi kona ndzi nga ta tenga; Ndzi hlantswe kutani ndzi ta basa ku tlula gamboko.

Pisalema 51:2

Ndzi hlantswe kunene, u susa ku homboloka ka mina, U ndzi basisa hi ku susa swivi swa mina,

Pisalema 26:6

Ndzi hlamba swandla swa mina eku lulameni, Kutani ndzi yima ekusuhi ni alitari ya wena, Yehovha!

Tinhlayo 19:22

Hinkwaswo leswi khumbeke la yilaka swi ta va leswi yilaka; ni loyi a n'wi khumbeke u ta va la yilaka ku fika nimadyambu.’ ”

Tinhlayo 19:10

La oleleke nkuma wa homu, u ta hlantswa tinguvu ta yena, kutani u ta va la nga tengangiki ku fika nimadyambu. Ku ta va ku lerisa loku nga heriki ka vana va Israele, ni ka muluveri la luvelaka exikarhi ka vona.

Levhitika 16:28

Loyi a swi hiseke u ta hlantswa tinguvu ta yena a hlamba miri ematini, a ta tlhela a nghena emixaxeni kutani.

Levhitika 14:27

kutani u ta xuva kantlhanu ni kambirhi emahlweni ka Yehovha hi mafurha lama nga exandleni xa ximatsi xa yena, a xi endla hi ritiho ra voko ra yena ra xinene.

Levhitika 13:34

Kutani, hi siku ra ntlhanu na mambirhi, muprista u ta langutisa ntshansi; kutakuloko ri nga yangi emahlweni, ni loko ti nga lavanga ku nghena enhlongeni, muprista u ta n'wi vula la tengeke: u ta hlantswa tinguvu ta yena, kutani u ta tenga.

Levhitika 13:6

Muprista u ta n'wi kamba ra vumbirhi, hi siku ra ntlhanu na mambirhi; kutani, kutakuloko xilondza lexi xi nga ha kwetsimi, xi nga anamanga enhlongeni, muprista u ta vula munhu loyi la tengeke; i ntshansi. U ta hlantswa tinguvu ta yena, kutani a ta va la tengeke.

Levhitika 11:32

Kutakuloko swi wela eswilweni, swi ta va leswi yilaka, hambi swi ri swibya swa tindyelo, kumbe nguvu, kumbe dzovo, kumbe nkwama hambi xi ri xihi lexi va tirhaka ha xona xi ta hlantswiwa ematini, kambe xi ta va lexi yilaka ku fika nimadyambu; kavaloko xi ta va xi tengile.

Levhitika 11:28

un'wana ni un'wana la khumbeke mitsumbu ya swona, u ta hlantswa tinguvu ta yena, kambe u ta va la nga tengangiki ku fika nimadyambu; swiharhi leswi swi ta va leswi yilaka eka n'wina.

Eksoda 19:10

Yehovha a ku eka Muxe: “Yana eka tiko, u ri basisa namuntlha ni mundzuku, va hlantswa tinguvu ta vona;

Levhitika 15:4

Swilawu hinkwaswo leswi loyi a nga ni ndzundzwana a etleleke eka swona, swi yirile, ni swilo hinkwaswo leswi a tshamiseke eka swona, swi yirile.

Levhitika 15:6

La tshamisaka ehenhla ka nchumu lowu munhu, a nga ni ndzundzwana a tshamiseke eka wona, u ta hlantswa tinguvu ta yena, a hlamba ematini kambe u ta va la yilaka ku fika nimadyambu.

1 SAMIELE 20:26

Sawulo a nga vulangi nchumu siku lero hikuva a a ku: “A humelele hi nchumu, a nga tengangi; kunene a nga tengangi.”

Levhitika 11:24

“ ‘Na swona leswi swi ta mi nyamisa, mani na mani la khumbeke ntsumbu wa swona u ta va la nga tengangiki ku fika nimadyambu;

Levhitika 15:18

Loko a ri nsati la etleleke ni nuna loyi, u ta yila na yena, un'wana ni un'wana u ta hlamba ematini, kambe va ta va lava yilaka ku fika nimadyambu.