Levhitika 14:5 - Xitsonga (Bibele)

⁵ Muprista u ta va lerisa leswaku yin'wana ya tinyanyana yi tlhaveriwa embiteni ya vumba leyi cheriweke mati layo tenga.

BIBELE Mahungu Lamanene

⁵ Muprista ú ta tlhela a lerisa leswaku yin'wana ya tinyanyana ta kona yi dlayeriwa enkambanini lowu nga ni mati yo basa.

Levhitika 14:5 Referans Kwoze

Vaheveru 2:14

Hikwalaho; kukotisa leswi vana va averiwaka ngati ni nyama, hi mukhuva wolowo, na yena, u averiwile swona, leswaku a ta herisa hi rifu la nga ni matimba ya rifu, a nga Diyavulosi,

Levhitika 14:50

kutani u ta tlhava yin'wana ya tinyanyana embiteni ya vumba leyi nga ni mati yo tenga.

2 Vakorinto 13:4

Hikuva hambi a tshama a vambiwa eku tsaneni, sweswi wa hanya hi matimba ya Xikwembu; kutani na hina hi karhi ha tsana na yena, kambe hi ta hanya na yena hi matimba ya Xikwembu exikarhi ka n'wina.

2 Vakorinto 5:1

Kambe ha swi tiva leswaku siku yindlu leyi ya hina ya misava, lexi nga xintsonganyana, yi onhakaka, hi ni vuako ematilweni eka Xikwembu, yi nga yindlu leyi nga endliwangiki hi mavoko, kambe yi ri leyi nga heriki.

2 Vakorinto 4:7

Kambe xuma lexi hi nga na xona xi le timbiteni ta vumba, matimba walawo lamakulu ma ve ya Xikwembu, ma nga ri ya hina.

Tinhlayo 5:17

Muprista u ta teka mati lama hlawuriweke embiteni ya vumba, a teka ni ntshuri lowu nga ehansi endzeni ka yindlu, kutani a wu chela ematini.

Levhitika 14:4

kutani muprista u ta va lerisa ku tisela la fanelaka ku basisiwa, tinyanyana timbirhi leti hanyaka, leti tengeke, ni murhi wa kedari, ni karmesi, ni hisopa.

Levhitika 14:6

Kutani u ta teka nyanyana leyi hanyaka, ni murhi wa kedari, ni karmesi, ni hisopa, a swi peta swin'we ni nyanyana leyi hanyaka engatini ya nyanyana leyi tlhaveriweke ehenhla ka mati layo tenga.