Levhitika 14:13 - Xitsonga (Bibele)

¹³ Kutani u ta tlhava xinyimpfana exivandleni lexi va tlhavaka eka xona mhamba ya nandzu ni holokosta, exivandleni lexi hlawuriweke hikuva mhamba ya ku riha yi ri ya muprista kukotisa mhamba ya nandzu; i xilo lexi hlawuriweke ngopfu.

BIBELE Mahungu Lamanene

¹³ Xinyimpfana lexi, ú fanele ku xi tlhavela exivandleni lexo hlawuleka laha va tlhavelaka kona swifuwo swa mhamba yo susa swidyoho ni swa magandzelo lama hisiwaka. Nyama ya xifuwo xa magandzelo yo riha milandzu, a yi hambananga ni ya mhamba yo susa swidyoho, na yona yi hlawulekile swinene, kutani i ya vaprista.

Levhitika 14:13 Referans Kwoze

Levhitika 4:24

Yi ta tlhandleka voko ra yona enhlokweni ya xiphongo, va ta xi tlhava exivandleni lexi va tlhavaka holokosta eka xona, emahlweni ka Yehovha: i gandzelo ra nandzu.

Levhitika 1:11

Va ta yi tlhavela tlhelo ra n'walungu ra alitari, emahlweni ka Yehovha, kutani vaprista, vana va Aroni va ta halatela ngati ealitarini, ematlhelweni hinkwawo.

Eksoda 29:11

Kutani u ta xi tlhava emahlweni ka Yehovha enyangweni ya Tabernakela ya nhlengeletano.

Levhitika 4:4

U ta tisa nkunzi enyangweni ya tabernakela ya nhlengeletano, emahlweni ka Yehovha; u ta tlhandleka voko ra yena enhlokweni ya nkunzi, kutani va ta yi tlhava emahlweni ka Yehovha.

Levhitika 2:3

Leswi seleke swa nyiko, i swa Aroni ni vana va yena: i xilo lexi hlawuriweke ngopfu exikarhi ka timhamba leti hiseriwaka Yehovha.

Levhitika 21:22

U ta dya kunene vuswa bya Xikwembu xa yena, ni ku averiwa ka yena ka swilo leswi hlawuriweke ngopfu, ni leswi kwetsimisiweke;

Levhitika 10:17

“A mi dyanga ha yini gandzelo ra nandzu evukwetsimelweni? Hikuva i xilo lexi kwetsimaka ngopfu; mi nyikiwile xona leswaku mi rhwala nandzu wa nhlengeletano mi va phahlela mhamba emahlweni ka Yehovha.

Levhitika 1:5

Va ta tlhava nkunzi emahlweni ka Yehovha, kutani vaprista, vana va Aroni va ta humesa ngati, va yi halatela ematlhelweni hinkwawo, ehenhla ka alitari leyi nga enyangweni ya tabernakela ya nhlengeletano.

Ezekiele 42:13

Kutani a ku eka mina “Makamara ya tlhelo ra n'walungu ni makamara ya le dzongeni, lama xaxameleke ni xivandla xo pfariwa, i makamara ya vukwetsimelo, laha vaprista lava tshinelelaka Yehovha va nga ta dyela swilo swo kwetsimisisa ngopfu kona; hilaha va nga ta veka kona swilo swo kwetsimisisa, tinyiko ni magandzelo ya swidyoho, ni ya milandzu. Xivandla xi kwetsimile.

Levhitika 2:10

Leswi seleke swa nyiko, i swa Aroni ni vana va yena; i xilo lexi kwetsimaka ngopfu exikarhi ka timhamba leti hiseriwaka Yehovha.

Levhitika 7:2

Exivandleni lexi va tlhavaka timhamba leti hisiwaka, hi kona ku nga ta tlhaviwa xifuwo xa mhamba ya ku riha; va ta xuva ematlhelo ya alitari hi ngati ya yona,