Levhitika 14:11 - Xitsonga (Bibele)

¹¹ Muprista la basisaka, u ta yisa munhu la tibasisaka swin'we ni swilo leswi emahlweni ka Yehovha, enyangweni ya tabernakela ya nhlengeletano.

BIBELE Mahungu Lamanene

¹¹ Muprista loyi a nga ku basiseni ka munhu loyi, ú ta n'wi teka, swin'we ni swilo leswi, a n'wi yisa emahlweni ka HOSI Xikwembu enyangweni ya Ntsonga lowo Hlawuleka.

Levhitika 14:11 Referans Kwoze

Yuda 1:24

Eka loyi a nga ni matimba ya ku mi hlayisa mi nga khunguvanyeki, ni ku mi yimisa mi nga ri na xivati emahlweni ka yena, eku kwetsimeni ni le ku tsakeni;

Tinhlayo 8:21

Valevhi va tibasisa, va hlantswa tinguvu ta vona; Aroni a va humesa, wu va nhlengo lowu ndziwitiweke emahlweni ka Yehovha, kutani a va phahlela mhamba ku va basisa.

Levhitika 8:3

kutani u vitana nhlengeletano hinkwayo enyangweni ya tabernakela ya nhlengeletano.”

Levhitika 14:10

“Hi siku ra ntlhanu na manharhu, u ta teka swinyimpfana swimbirhi leswi nga riki na xivati, ni nyimpfu ya lembe rin'we leyi nga riki na xivati, ni ku avanyisa ka vukhume loku hlayiwaka kanharhu ka efa ya mapa layo saseka, lama pfuviweke hi mafurha, wu va nhlengo, ni loga yin'we ya mafurha.

Levhitika 14:12

Kutani muprista u ta teka xin'wana xa swinyimpfana, a xi humesa ku phahla mhamba ya ku riha ni loga ya mafurha; a swi ndziwita yi va nyiko leyi ndziwitiweke emahlweni ka Yehovha.

Levhitika 14:23

U ta swi tisa eka muprista hi siku ra ntlhanu na manharhu, enyangweni ya tabernakela ya nhlengeletano emahlweni ka Yehovha, swi ta va swa ku tibasisa ka yena.