Levhitika 14:10 - Xitsonga (Bibele)

¹⁰ “Hi siku ra ntlhanu na manharhu, u ta teka swinyimpfana swimbirhi leswi nga riki na xivati, ni nyimpfu ya lembe rin'we leyi nga riki na xivati, ni ku avanyisa ka vukhume loku hlayiwaka kanharhu ka efa ya mapa layo saseka, lama pfuviweke hi mafurha, wu va nhlengo, ni loga yin'we ya mafurha.

BIBELE Mahungu Lamanene

¹⁰ “Hi siku ra vu-8, munhu loyi ú ta ta ni swinyimpfana swimbirhi swa makhuna leswi nga solekiki, ni xinyimpfana xa thokazi xa lembe rin'we lexi nga solekiki, ni xitshatshana xin'we xa mapa lamanene, ma nga mapa ya magandzelo ya swa le masin'wini lama pfanganyisiweke ni mafurha; naswona ú ta ta ni xikhudzanyana xin'we xa mafurha man'wana.

Levhitika 14:10 Referans Kwoze

Levhitika 2:1

“ ‘Loko munhu a humesela Yehovha nhlengo wa nyiko, nhlengo wa yena wu ta va wa mapa layo saseka; u ta chela mafurha ni mirhi ya risuna ehenhla ka wona.

Luka 5:14

Kutani a n'wi lerisa, a ku: “U nga tshuki u byela munhu, kambe famba u ya tikombisa eka muprista, u khensa ku basisiwa ka wena hilaha Muxe a leriseke hakona, byi ta va vumbhoni eka vona.”

Marka 1:44

“U nga tshuki u byela munhu nchumu, kambe famba u tikombisa ka muprista, u tlangela ku horisiwa ka wena hi leswi lerisiweke hi Muxe, xi ta va xikombiso eka vona.”

Matewu 8:4

Kutani Yesu a ku eka yena: “U nga tshuki u byela munhu; kambe u ya tikomba eka muprista, kutani u humesa mhamba leyi nga lerisiwa hi Muxe, byi ta va vumbhoni eka vona.”

Levhitika 14:21

“Kungakuloko xi ri xisiwana, ni loko swa yena swi nga ringani, u ta teka xinyimpfana xin'we lexi nga ta humesiwa ku endla gandzelo ra nandzu, yi va nyiko leyi ndziwitiwaka ku n'wi phahlela mhamba; u ta teka ni ku pambula ka vukhume bya efa ya mapa layo saseka, lama pfuviweke hi mafurha yi va nyiko, a teka ni loga ya mafurha,

Levhitika 14:15

Kavaloko muprista u ta teka loga ya mafurha a yi chela exandleni xa yena xa ximatsi.

Levhitika 14:12

Kutani muprista u ta teka xin'wana xa swinyimpfana, a xi humesa ku phahla mhamba ya ku riha ni loga ya mafurha; a swi ndziwita yi va nyiko leyi ndziwitiweke emahlweni ka Yehovha.

1 Petro 1:19

ku nga ri hi leswi bolaka, hi silivhere, kumbe nsuku, kambe ku va hi ngati leyi pfumariwaka ya xinyimpfana, lexi nga riki na xivati ni xisandzu, a nga Kriste;

Yohane 6:51

Hi mina vuswa lebyi hanyaka lebyi xikeke hi le tilweni; kungakuloko munhu a dya vuswa lebyi, u ta hanya hi masiku; kutani vuswa lebyi ndzi nga ta byi nyika, i nyama ya mina, leyi ndzi nga ta yi nyika misava, leswaku yi hanya.”

Yohane 6:33

Hikuva vuswa bya Xikwembu hi lebyi xikaka hi le tilweni, lebyi nyikaka misava vutomi.”

Yohane 1:29

Siku leri tlhandlamaka, Yohane loko a vona Yesu a ta eka yena, a ku: “Vonani Xinyimpfana xa Xikwembu, lexi susaka xidyoho xa misava.

Tinhlayo 28:20

nyiko ya swona ma ta va mapa layo saseka lama pfuviweke hi mafurha; mi ta humesa ku avanyisa kanharhu ka vukhume hi nkunzi yin'wana ni yin'wana; ni ku avanyisa kambirhi ka vukhume hi khuna rin'wana ni rin'wana;

Tinhlayo 6:14

kutani u ta humesela Yehovha nyiko ya yena, xi va xinyimpfana xa lembe rin'we, lexi nga riki na xivati, xi va xa holokosta, ni nyimpfu ya lembe leyi nga riki na xivati, yi va ya gandzelo ra xidyoho ni khuna leri nga riki na xivati, ri va ra gandzelo ra ku khensa.

Levhitika 23:13

Mi ta yi engetela hi nhlengo wa mipimo mimbirhi ya vukhume bya efa ya mapa layo saseka lama pfuviweke hi mafurha; swi ta humesiwa yi ri mhamba leyi hisiwaka leyi nga ni risuna eka Yehovha; mi ta chela ku avanyisa ka vumune bya hino ya vhinyo.

Levhitika 9:1

Siku ra ntlhanu na manharhu, Muxe a vitana Aroni ni vana va yena, ni vakulukumba va Israele,

Levhitika 4:32

“ ‘Loko a humese xinyimpfana yi va mhamba ya nandzu wa yena, u ta humesa xa ntswele lexi nga riki na xivati.

Levhitika 2:13

U ta lunga hi munyu mihlengo hinkwayo ya wena; munyu wa ntwanano wa Xikwembu xa wena wu nga tshuki wu pfumaleka enhlengweni wa wena: u ta lunga hi munyu mihlengo hinkwayo ya wena.

Levhitika 2:11

“ ‘Nhlengo wun'wana ni wun'wana lowu mi wu humeselaka Yehovha, wu nga tshuki wu va wa swinkwa leswi nga ni comela, hikuva mi nga tshuki mi hisela Yehovha comela ni vulombe egandzelweni.

Levhitika 1:10

“ ‘Loko nhlengo wa yena wu ri wa swifuwo leswitsongo, ti nga tinyimpfu kumbe timbuti, ti va ta holokosta, u ta humesa ya xinuna leyi nga riki na xivati.

Eksoda 29:40

u ta swi humesa ni mpin'wanyana wa mapa lama hleriweke, lama pfuviweke hi hafunyana ya hini ya mafurha yo tenga, ni hafunyana ya hini ya vhinyo: i swa xinyimpfana xo rhanga.

Levhitika 14:11

Muprista la basisaka, u ta yisa munhu la tibasisaka swin'we ni swilo leswi emahlweni ka Yehovha, enyangweni ya tabernakela ya nhlengeletano.

Tinhlayo 7:43

Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo, mikamba leyimbirhi yi tele hi mapa layo saseka lama pfuviweke hi mafurha, ma va ya nyiko;

Levhitika 1:3

“ ‘Loko nhlengo wa yena yi ri holokosta ya xifuwo lexikulu, u ta humesa nkunzi leyi nga riki na xivati; u ta yi humesa enyangweni ya tabernakela ya nhlengeletano, yi ta amukeriwa emahlweni ka Yehovha.