Levhitika 13:6 - Xitsonga (Bibele)

⁶ Muprista u ta n'wi kamba ra vumbirhi, hi siku ra ntlhanu na mambirhi; kutani, kutakuloko xilondza lexi xi nga ha kwetsimi, xi nga anamanga enhlongeni, muprista u ta vula munhu loyi la tengeke; i ntshansi. U ta hlantswa tinguvu ta yena, kutani a ta va la tengeke.

BIBELE Mahungu Lamanene

⁶ Hi siku ra vu-7, muprista ú ta tlhela a n'wi kambela nakambe. Loko xilondza xi ri kusuhi ni ku hola, ni loko vuvabyi byi nga hangalakanga na miri, muprista ú ta tivisa leswaku muvabyi se ú tengile, a wo va ntungu ntsena. Hikokwalaho muvabyi ú fanele ku hlantswa swiambalo swa yena, kutani ú ta va a tengile.

Levhitika 13:6 Referans Kwoze

Levhitika 11:25

kutani mani na mani la rhwaleke mitsumbu ya swona, u ta hlantswa tinguvu ta yena, kambe u ta va la nga tengangiki ku fika nimadyambu.

Levhitika 14:8

La tibasisaka u ta hlantswa tinguvu ta yena, a byewula mavoya hinkwawo a va a hlamba, kutani u ta tenga, endzhaku ka swona, u ta nghena emixaxeni, kambe u ta tshama ehandle ka ntsonga wa yena hi masiku ya ntlhanu na mambirhi.

Yakobo 3:2

hikuva hinkwerhu ha hoxa eka leswo tala; kungakuloko un'wana a nga hoxi eku vulavuleni, loyi, i munhu la hetisekeke, la tivaka ku tifuma miri hinkwawo.

Vaheveru 10:22

a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

Vaheveru 9:10

yi nga milawu ya misava ntsena, leyi lerisaka swakudya, ni swakunwa, ni swa ku hlantswa leswo tala, ku ko ku fika nkarhi wa ku pfuxeta hinkwaswo.

2 Vakorinto 7:1

Sweswi, varhandziwa, loko hi ri ni ku tshembisiwa kuloko, a hi tihlantsweni thyaka hinkwaro ra miri ni ra moya, hi ri karhi hi hetisa ku hlawuleka ka hina exichabyeni xa Xikwembu.

Varhoma 14:1

Loko a ri la tsaneke eku pfumeleni, mi n'wi amukela, mi nga tengisani na yena etimhakeni.

Esaya 42:3

A nga ka a nga tshovi rihlanga leri khinyekeke, a nga ka a nga timi rivoninyana leri nge ketiketi. U ta dyondzisa swo lulama entiyisweni.

Eklesiasta 7:20

Kunene a ku na munhu wo tlhariha emisaveni la nga dyohiki ni siku ni rin'we.

Swivuriso 20:9

I mani la nga ta ku: “Ndzi tibasisile mbilu, Ndzi hlantswekile swo biha swa mina”?

Pisalema 19:12

I mani la tivaka ku hoxa ka yena xana? U ndzi khomela milandzu leyi ndzi yi rivaleke.

1 TIHOSI 8:45

Yingisa, u ri ematilweni, ku khongela ni ku kombela ka vona, u lulamisa timhaka ta vona.

1 TIHOSI 8:38

loko munhu, hambi a ri mani na mani, kumbe tiko ra wena hinkwaro ra Israele, a kombela a va a khongela, kutani un'wana ni un'wana a tivula xidyoho xa mbilu ya yena, a va a tlakusela mavoko ya yena etlhelo ra Yindlu leyi:

Duteronoma 32:5

Leswi va tionheke, a nga na nandzu ka vona, Tingana ti ni vana va yena, I rixaka ro homboloka ni ro hemba.

Levhitika 13:2

“Kutakuloko munhu a vona enhlongeni ya miri wa yena tshumba, kumbe xilondza, kumbe xivati lexi lavaka ku hundzuka vuvabyi bya nhlokonho enhlongeni ya miri wa yena, va ta n'wi tisa eka Aroni, muprista, kumbe eka un'wana wa vana va yena va vaprista.

Levhitika 11:40

La nga ta dya nyama ya ntsumbu wa xona, u ta hlantswa tinguvu ta yena, kambe u ta va la nga tengangiki ku fika nimadyambu; ni loyi a nga ta rhwala ntsumbu wa xona u ta va la nga tengangiki ku fika nimadyambu.

Levhitika 11:28

un'wana ni un'wana la khumbeke mitsumbu ya swona, u ta hlantswa tinguvu ta yena, kambe u ta va la nga tengangiki ku fika nimadyambu; swiharhi leswi swi ta va leswi yilaka eka n'wina.

Levhitika 13:5

Hi siku ra ntlhanu na mambirhi, muprista u ta n'wi kamba, kutani, kutakuloko a ringanisa leswaku xilondza xi yimile, xi nga anamanga enhlongeni, muprista u ta n'wi pfalela ra vumbirhi hi masiku ya ntlhanu na mambirhi.

Levhitika 13:7

Kambe kutakuloko a tikombisile eka muprista leswaku a n'wi vula la baseke, kutani xilondza loko xi anamile enhlongeni, a ta tikombisa ra vumbirhi eka muprista.