Levhitika 13:40 - Xitsonga (Bibele)

⁴⁰ “Kungakuloko misisi ya munhu yi kundzumukile enhlokweni, i rihandla, u tengile.

BIBELE Mahungu Lamanene

⁴⁰ “Loko munhu a tshuka a suke misisi, a sala a ri ni mpandla, ú ta va a ha tengile.

Levhitika 13:40 Referans Kwoze

Vagalatiya 4:13

kambe ma swi tiva leswaku loko ndzi sungule ku mi byela Evhangeli, a ndzi ri ku tsaneni enyameni;

Varhoma 8:10

Kambe Kriste, loko a ri eka n'wina, miri wu file hikwalaho ka vudyoho, kambe moya wa hanya hikwalaho ka ku lulama.

Varhoma 6:19

Ndzi vula hi mukhuva wa vanhu, hikwalaho ka ku tsana ka nyama ya n'wina, ndzi ri: Kukota leswi ingi mi nyiketile swirho swa n'wina ku va makhumbi ya thyaka ni ya ku homboloka, mi yisiwa hakona eku hombolokeni, hi mukhuva wolowo sweswi, nyiketani swirho swa n'wina, ma va makhumbi ya ku lulama, mi fika hakona eku kwetsimeni.

Varhoma 6:12

Kutani sweswi vudyoho byi nga tshuki byi fuma emirini wa n'wina lowu faka, leswaku mi nga byi yingisi eku naveleni ka byona.

Amosi 8:10

Ndzi ta hundzula mikhuvo ya n'wina mikosi, ni tinsimu hinkwato to tsaka, ndzi ti hundzula mahlomulo; ndzi ta ambexa swisuti hinkwaswo hi tinguvu to khwaxa, ndzi endla tinhloko hinkwato mimpandhla; e xirilo ndzi xi endla lexi fanaka ni xirilo lexi endleriwaka n'wana la nga swakwe, ku hetelela ka xona ku fana ni siku lero vava.

Esaya 15:2

Va tlhandlukela etempeleni, ni le Diboni, ni le switsungeni leswi tlakukeke va ya rila kona. Mowabu wa rila ehenhla ka Nebo na Medeba: nhloko yin'wana ni yin'wana yi byewuriwile, ni malebvu hinkwawo ma byewuriwile.

Risimu ra Tinsimu 5:11

Nhloko ya yena yi fana ni nsuku lowo saseka ngopfu, Xihluthu xa yena xa lengalenga, Hi lexa ntima ku fana ni wukuwuku.

2 TIHOSI 2:23

A suka kona, a ya eBetele, kutani kakuloko a tlhandluka hi ndlela, varisanyana va huma emutini, va n'wi hleka, va ku: “Tlhandluka, wee mpandhla! Tlhandluka wee mpandhla!”

Levhitika 13:41

Loko nhloko yi hava misisi tlhelo ra mombo, i tinhlohla, u tengile.

Levhitika 13:39

muprista u ta n'wi kamba, kutakuloko swivati swa nhlonge ya miri wa yena swi basilenyana, i xilondza ntsena lexi humeke enhlongeni; u tengile.