Levhitika 13:4 - Xitsonga (Bibele)

⁴ Kambe kungakuloko enhlongeni ya munhu ku voniwa xivati lexo basa, lexi nga laviki ku nghena enhlongeni, ni loko voya byi nga hundzukanga lebyo basa, muprista u ta pfalela la vabyaka hitlhelo hi masiku ya ntlhanu na mambirhi.

BIBELE Mahungu Lamanene

⁴ Kambe loko xilondza xi ri ni muhlovo wo basa, xi tikomba xi nga entanga, ni loko voya byi nga kwalalanga, muprista ú ta lerisa muvabyi ku tshama masiku ya 7, a nga famba-fambi.

Levhitika 13:4 Referans Kwoze

Tinhlayo 12:15

Kutani Meriyamu a pfaleriwa hi masiku ya ntlhanu na mambirhi ehandle ka mixaxa; kambe tiko a ri sukanga Meriyamu a ko a amukeriwa.

1 Timotiya 5:24

Vudyoho bya vanhu van'wana byi le rivaleni, byi va rhangela emahlweni eku avanyiseni; kambe bya van'wana byi va landza endzhaku.

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

Ezekiele 44:10

“Swi tsandza ni Valevhi va ndzi fularheleke siku Vaisraele va hambukaka va hambuka ku ya landzela swikwembu swa vona swa tingana, va ta rhwala ku homboloka ka vona.

Duteronoma 13:14

u ta lavisa timhaka, u vutisisa swinene. Kutani waswivo! Loko mhaka hi yoleyo, yi tiyisiwile, leswo biha leswi, swi endliwile exikarhi ka wena;

Levhitika 13:3

Kuteloko muprista u vonile vuvabyi lebyi nge enhlongeni ya nyama ya yena, ni loko voya bya xirho lexi vabyaka byi hundzuke lebyo basa, kutani xilondza xi lava ku nghena enhlongeni, i nhlokonho, muprista kuteloko a swi vonile, u ta n'wi vula la nga tengangiki.

Levhitika 13:5

Hi siku ra ntlhanu na mambirhi, muprista u ta n'wi kamba, kutani, kutakuloko a ringanisa leswaku xilondza xi yimile, xi nga anamanga enhlongeni, muprista u ta n'wi pfalela ra vumbirhi hi masiku ya ntlhanu na mambirhi.

Levhitika 13:11

i nhlokonho leyi ngheneke enyameni ya yena; muprista u ta n'wi vula la nga tengangiki; a nga ka a nga n'wi pfaleri, hikuva wa yila.

Levhitika 13:31

Kambe, kuteloko muprista a langutisile xivavi, kutani a vona leswaku xivati xa mbanga a xi nghenangi enhlongeni, hambiloko mavoya ya ntima ma nga ri kona, u ta pfalela la nga ni ntshansi hi masiku ya ntlhanu na mambirhi.

Levhitika 13:25

loko muprista a swi kambile, kutani a vona leswaku voya byi hundzuke lebyo basa exivatini, ni loko swi nghene enyameni; nhlokonho, yi humelele laha ku tshweke. Muprista u ta vula munhu loyi, la nga tengangiki; u ni nhlokonho.

Levhitika 13:26

Kambe muprista, loko a nga vonangi mavoya layo basa exivatini, ni loko xi nga nghenanga enyameni, kambe xi basilenyana, muprista u ta pfalela munhu loyi hi masiku ya ntlhanu na mambirhi.

Levhitika 13:50

Muprista u ta kamba xivati, kutani u ta pfalela xilo lexi yileke hi masiku ya ntlhanu na mambirhi.

Levhitika 14:38

muprista u ta huma endlwini, a yima enyangweni ya yindlu, kutani a pfala yindlu hi masiku ya ntlhanu na mambirhi.

Tinhlayo 12:14

Yehovha a ku eka Muxe: “Kungakuloko tata wa yena a n'wi tshwutele hi marhi emahlweni, xana a nga faneli ku va ni tingana hi masiku ya ntlhanu na mambirhi xana? U ta pfaleriwa masiku ya ntlhanu na mambirhi ehandle ka mixaxa, kutani a ta tlhela a amukeriwa kona.”