Levhitika 13:2 - Xitsonga (Bibele)

² “Kutakuloko munhu a vona enhlongeni ya miri wa yena tshumba, kumbe xilondza, kumbe xivati lexi lavaka ku hundzuka vuvabyi bya nhlokonho enhlongeni ya miri wa yena, va ta n'wi tisa eka Aroni, muprista, kumbe eka un'wana wa vana va yena va vaprista.

BIBELE Mahungu Lamanene

² “Loko munhu a tshuka a va ni laha ku pfimbeke emirini wa yena, kumbe a huma xilondza kumbe xirhumbana, kutani swi vonaka onge o va ni vuvabyi bya nhlokonho, munhu loyi ú fanele ku yisiwa eka muprista Aroni kumbe eka un'wana wa vana va yena, va nga vaprista.

Levhitika 13:2 Referans Kwoze

Duteronoma 24:8

“Tilangutele emhakeni ya nhlokonho, ku yingisa swinene ni ku endla hinkwaswo hilaha mi nga ta lerisiwa hakona hi vaprista va Valevhi; mi ta endla hilaha ndzi va leriseke hakona.

Levhitika 14:56

ni matshumba, ni swilondza, ni swivati,

Levhitika 14:3

“Va ta n'wi tisa eka muprista, muprista u ta huma emixaxeni, a ta vonisisa leswaku wa nhlokonho a horile nhlokonhweni ya yena,

Luka 17:14

Kuteloko a va vonile, a ku eka vona: “Fambani mi ya tikomba eka vaprista.” Kutani loko va ri karhi va famba, va basisiwa.

Luka 5:14

Kutani a n'wi lerisa, a ku: “U nga tshuki u byela munhu, kambe famba u ya tikombisa eka muprista, u khensa ku basisiwa ka wena hilaha Muxe a leriseke hakona, byi ta va vumbhoni eka vona.”

Marka 1:44

“U nga tshuki u byela munhu nchumu, kambe famba u tikombisa ka muprista, u tlangela ku horisiwa ka wena hi leswi lerisiweke hi Muxe, xi ta va xikombiso eka vona.”

Matewu 8:4

Kutani Yesu a ku eka yena: “U nga tshuki u byela munhu; kambe u ya tikomba eka muprista, kutani u humesa mhamba leyi nga lerisiwa hi Muxe, byi ta va vumbhoni eka vona.”

Malakiya 2:7

Hikuva milomu ya muprista yi fanekela ku hlayisa ku tiva, nawu wu ta laviwa enon'wini wa yena, hikuva i ntsumi ya Yehovha wa mavandla.

Esaya 3:17

Hosi yi ta byewula tinhloko ta vanhwana va Siyoni ti endla mpandhla, Yehovha u ta funungula tingana ta vona.”

Esaya 1:6

Ku suka emikondzweni, ku yisa enhlokweni, a ku na laha ku lulameke, i timbanga ntsena, ni mafelangati, ni swilondza leswi nyukaka, leswi nga siki tshunguriwaka ni ku boheleriwa, hambi ku ri ku olovisiwa hi mafurha.

2 TIHOSI 5:27

Nhlokonho ya Naamani yi ta ku namarhela wena, ni vana va wena hi laha ku nga heriki.” Kutani Gehazi a huma emahlweni ka yena, a tele nhlokonho leyi fanaka ni gamboko.

2 TIHOSI 5:1

Naamani ndhuna ya nyimpi ya hosi ya Siriya, a a ri munhu lonkulu emahlweni ka hosi ya yena, a a dzunisiwa, hikuva Yehovha a a ponisile Vasiriya ha yena. Kambe wanuna loyi, wa nhenha, a a ri ni nhlokonho.

2 SAMIELE 3:29

a yi ve enhlokweni ya Yowabu ni le ndlwini hinkwayo ya tata wa yena. Ku nga pfumariwi ni siku ni rin'we endlwini ya Yowabu munhu la nga ni ngati, hambi wa nhlokonho, hambi la xongotelaka hi nhonga, hambi la waka hi tlhari, hambi la pfumalaka vuswa.”

Duteronoma 28:27

“Yehovha u ta ku ba hi swilondza swa Egipta, ni marhumba, ni tinhlalu, ni muna, swilo leswi, u nga ka u nga holi eka swona.

Tinhlayo 12:10

Kutani, maswivo, Meriyamu a hundzuka a basile hi nhlokonho leyi fanaka ni gamboko; yena Aroni, kakuloko a n'wi hundzukela, a n'wi vona a ri wa nhlokonho.

Levhitika 14:35

n'wini wa yindlu u ta ya tivisa muprista, a ku: ‘Ndzi vonile lexi fanaka ni xivati xa nhlokonho endlwini ya mina.’

Tinhlayo 12:12

Yo! A nga tshuki a kotisa n'wana wa rixixwa loyi i ngi nyama ya yena yi borile loko a hume ekhwirini ra mana wa yena!”

Levhitika 13:1

Yehovha a byela Muxe na Aroni, a ku:

Levhitika 13:3

Kuteloko muprista u vonile vuvabyi lebyi nge enhlongeni ya nyama ya yena, ni loko voya bya xirho lexi vabyaka byi hundzuke lebyo basa, kutani xilondza xi lava ku nghena enhlongeni, i nhlokonho, muprista kuteloko a swi vonile, u ta n'wi vula la nga tengangiki.

Levhitika 13:8

Kutani muprista loko a vona leswaku xilondza lexi xi anamile enhlongeni, muprista u ta n'wi vula la nga tengangiki; i nhlokonho.