Levhitika 13:1 - Xitsonga (Bibele)

¹ Yehovha a byela Muxe na Aroni, a ku:

BIBELE Mahungu Lamanene

¹ HOSI Xikwembu xi vulavula na Muxe na Aroni, xi ku ka vona:

Levhitika 13:1 Referans Kwoze

Levhitika 12:8

Kambe kutakuloko a nga swi koti ku humesa xinyimpfana, u ta teka matuva mambirhi, kumbe mavondlo mambirhi ya swigugurwana, yin'wana ya gandzelo leri hisiwaka, yin'wana ya gandzelo ra nandzu. Muprista u ta n'wi phahlela mhamba, kutani u ta va a basile.’ ”

Levhitika 13:2

“Kutakuloko munhu a vona enhlongeni ya miri wa yena tshumba, kumbe xilondza, kumbe xivati lexi lavaka ku hundzuka vuvabyi bya nhlokonho enhlongeni ya miri wa yena, va ta n'wi tisa eka Aroni, muprista, kumbe eka un'wana wa vana va yena va vaprista.

Duteronoma 24:8

“Tilangutele emhakeni ya nhlokonho, ku yingisa swinene ni ku endla hinkwaswo hilaha mi nga ta lerisiwa hakona hi vaprista va Valevhi; mi ta endla hilaha ndzi va leriseke hakona.

Levhitika 15:1

Yehovha a byela Muxe na Aroni, a ku:

Marka 1:40

Munhu wa nhlokonho a ta eka yena, a n'wi khongela, a khinsama hi matsolo emahlweni ka yena, a ku: “Loko u swi rhandza, u nga ndzi basisa.”

Luka 5:12

Kakuloko a ri emutini wun'wana wanuna la teleke nhlokonho, loko a vona Yesu, a tiwisa ehansi emombyeni, a n'wi khongela, a ku: “Hosi, loko u swi rhandza, u nga ndzi basisa.”

Luka 17:14

Kuteloko a va vonile, a ku eka vona: “Fambani mi ya tikomba eka vaprista.” Kutani loko va ri karhi va famba, va basisiwa.