Levhitika 12:7 - Xitsonga (Bibele)

⁷ Muprista u ta swi humesa emahlweni ka Yehovha, a n'wi phahlela mhamba, kutani u ta basisiwa hikwalaho ka ngati ya yena. Hi wona nawu wa lava velekeke, hambi n'wana wa wanuna, hambi wanhwanyana.

BIBELE Mahungu Lamanene

⁷ Muprista ú ta fika a swi humesa emahlweni ka HOSI Xikwembu, a basisa wansati loyi ha swona; kutani wansati ú ta va a tengile, endzhaku ka ku lahlekeriwa hi ngati. Lowu hi wona nawu hi tlhelo ra wansati loyi a kumaka n'wana wa mufana kumbe wa nhwanyana.

Levhitika 12:7 Referans Kwoze

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

1 Vakorinto 7:14

Hikuva nuna la nga pfumeriki u kwetsimisiwa hi nsati, ni nsati la nga pfumeriki u kwetsimisiwa hi nuna; loko swi nga ri tano vana va n'wina va ta va vana va thyaka, kasi sweswi, va kwetsimile.

Varhoma 3:26

a swi ri leswaku xi kombisa ku lulama ka xona emikarhini ya sweswi, leswaku xi va lexi lulameke loko xi ri karhi xi khanisa la nga ni ku pfumela eka Yesu.

Varhoma 3:23

a ku na ku hambana kwalaho hikuva hinkwavo va dyohile, kutani a va faneriwi hi ku kwetsima ka Xikwembu,

Ntirho 14:4

Xana ku nga huma munhu la baseke eka munhu wa thyaka? Ku nga ka ku nga humi na un'we.

Ntirho 1:5

Kuteloko va hetile mikhuvo ya vona, Yobo a a va vitana ku ta va basisa, a pfuka nimixo, a tlhava magandzelo yo hisiwa lama ringanaka ntsengo wa vona hinkwavo, hikuva Yobo a a ku: “Kumbe vana va mina va dyohile; va rivele Xikwembu etimbilwini ta vona.” Yobo a a tshama a endlisa sweswo hi masiku hinkwawo.

Levhitika 4:35

U ta susa mafurha hinkwawo hi mukhuva lowu va susaka ha wona mafurha ya xinyimpfana xa gandzelo ra ku khensa, kutani muprista u ta ma hisa ealitarini, ehenhla ka magandzelo lama hiseriwaka Yehovha. Muprista u ta endlela munhu loyi, mhamba, hikwalaho ka nandzu wa yena, kutani u ta rivaleriwa.

Levhitika 4:31

Muprista u ta susa mafurha hinkwawo hi mukhuva lowu va susaka mafurha ya magandzelo ya ku khensa kutani a ma hisa ealitarini, ri va risuna eka Yehovha. Muprista u ta phahlela munhu loyi mhamba, kutani u ta rivaleriwa.

Levhitika 4:26

U ta hisa ealitarini mafurha hinkwawo, kukotisa mafurha ya gandzelo ra ku khensa. Muprista u ta phahlela hosana leyo mhamba hikokwalaho ka nandzu wa yona, kwalaho yi ta rivaleriwa.

Levhitika 4:20

Va ta endla hi nkunzi leyi, kukotisa leswi va swi endleke hi nkunzi ya nandzu; ku ta endlisiwa sweswo ha yona. Muprista u ta va phahlela mhamba, kutani va ta rivaleriwa.

Levhitika 1:4

U ta tlhandleka voko ra yena enhlokweni ya holokosta kutani yi ta amukeriwa; u ta endleriwa mhamba ha yona.

Levhitika 12:6

“ ‘Kutakuloko masiku ya ku hlamba ka yena ma herile, hambi ma ri ya n'wana wa wanuna, kumbe ya wanhwanyana, u ta tisa eka muprista, enyangweni ya tabernakela ya nhlengeletano, xinyimpfana xa lembe rin'we, xi ri xa gandzelo leri hisiwaka, ni vondlo, kumbe tuva, ku endla gandzelo ra nandzu ha swona.

Levhitika 12:8

Kambe kutakuloko a nga swi koti ku humesa xinyimpfana, u ta teka matuva mambirhi, kumbe mavondlo mambirhi ya swigugurwana, yin'wana ya gandzelo leri hisiwaka, yin'wana ya gandzelo ra nandzu. Muprista u ta n'wi phahlela mhamba, kutani u ta va a basile.’ ”

Levhitika 15:15

Muprista u ta ma humesa, rin'wana ri va gandzelo ra xidyoho, rin'wana yi va holokosta; kutani muprista u ta n'wi phahlela mhamba emahlweni ka Yehovha hikwalaho ka ndzundzwana wa yena.