Levhitika 12:5 - Xitsonga (Bibele)

⁵ Loko a velekile wanhwanyana u ta va la nga tengangiki hi mavhiki mambirhi, kukotisa emasikwini ya tin'hweti ta yena, kutani u ta tshama ekaya hi masiku ya 66, hikwalaho ka ngati ya yena, a ri karhi a hlamba.

BIBELE Mahungu Lamanene

⁵ Kasi loko wansati a veleka n'wana wa nhwanyana, ú ta va a nga tenganga ku ringana mavhiki mambirhi; swi fana ni loko a nga tenganga emasikwini ya yena ya n'hweti. Wansati loyi ú ta tshama masiku ya 66, a tibasisa hikwalaho ka ngati ya yena leyi humeke.

Levhitika 12:5 Referans Kwoze

Levhitika 12:4

kutani hi masiku ya makume manharhu, wansati u ta tshama ekaya hikwalaho ka ngati ya yena, a ri karhi a hlamba; a nga tshuki a khumba xilo lexi kwetsimeke, a nga ka a nga yi evukwetsimelweni ku ko ku hela masiku ya ku tibasisa ka yena.

Levhitika 12:2

“Byela vana va Israele, u ku: ‘Kutakuloko wansati a velekile n'wana wa wanuna a ta va la nga tengangiki hi masiku ya ntlhanu na mambirhi; u ta yila kukotisa emasikwini ya tin'hweti ta yena.

Genesa 3:13

Yehovha Xikwembu a ku eka wansati: “U swi endlele yini xana?” Wansati a ku: “I nyoka leyi nga ndzi kanganyisa, kutani ndzi dya.”

Levhitika 12:6

“ ‘Kutakuloko masiku ya ku hlamba ka yena ma herile, hambi ma ri ya n'wana wa wanuna, kumbe ya wanhwanyana, u ta tisa eka muprista, enyangweni ya tabernakela ya nhlengeletano, xinyimpfana xa lembe rin'we, xi ri xa gandzelo leri hisiwaka, ni vondlo, kumbe tuva, ku endla gandzelo ra nandzu ha swona.