Levhitika 11:8 - Xitsonga (Bibele)

⁸ Mi nga tshuki mi dya nyama ya swona, ni ku khumba mitsumbu ya swona; swi ta va leswi yilaka eka n'wina.

BIBELE Mahungu Lamanene

⁸ Mi nga tshuki mi dya nyama ya swiharhi leswi, ni loko swi file, mi nga tshuki mi swi khumba; eka n'wina a swi ve leswi nga tengangiki.

Levhitika 11:8 Referans Kwoze

Vaheveru 9:10

yi nga milawu ya misava ntsena, leyi lerisaka swakudya, ni swakunwa, ni swa ku hlantswa leswo tala, ku ko ku fika nkarhi wa ku pfuxeta hinkwaswo.

Vakolosa 2:16

Hikwalaho, munhu a nga tshuki a mi sola emhakeni ya ku dya ni ya ku nwa, hambi ku ri emhakeni ya mikhuvo, ni ya tin'weti letintshwa ni ya Tisavata;

Hosiya 9:3

Va nga ka va nga hlweri etikweni ra Yehovha; Efrayimi u ta tlhelela eEgipta, ni le tikweni ra Asiriya, va ta dya leswa thyaka.

Esaya 52:11

Sukani! Sukani! Humani kona! Mi nga khumbi nchumu wa leswi yilaka, humani exikarhi ka wona. Tibasiseni, n'wina lava mi rhwalaka timbita ta Yehovha!

Levhitika 5:2

Kumbe loko munhu a khumba a nga swi tivi, xilo lexi yilaka, kukotisa ntsumbu wa xiharhi, hambi wu ri ntsumbu wa xifuwo, hambi wu ri ntsumbu wa xikokovi, u tinyamisile, u ni nandzu.

Vaefesa 5:11

kambe mi nga tshuki mi va ni mhaka emitirhweni ya munyama leyo-ke mihandzu, kambe mi yi sandza:

Vaefesa 5:7

Hikwalaho mi nga tshuki mi va ni mhaka na vona.

2 Vakorinto 6:17

Hikwalaho, humani exikarhi ka vona, mi tihlawula, ku vurisa sweswo Hosi; mi nga tshuki mi khumba swa thyaka, kutani ndzi ta mi amukela.

1 Vakorinto 8:8

Kambe swakudya a hi swilo leswi hi nga tsakisaka Xikwembu ha swona; hikuva hambiloko hi dya, a hi engeteriwi nchumu; ni loko hi nga dyi, a hi pfumari nchumu.

Varhoma 14:21

Swi sasekile loko ku nga dyiwi nyama ku nga nwiwi vhinyo, ni loko ku nga endliwi xilo xihi ni xihi lexi nga khunguvanyisaka makwenu, ni ku n'wi wisa, ni ku n'wi tsanisa.

Timhaka 15:29

ku nga ku chava leswi tlhaveriweke swifaniso, ni ngati, ni leswi feke hi xihluku, ni vuoswi; loko mi titsona swilo leswi, mi ta va mi endle swinene. “Salani hi ku tsaka!”

Timhaka 10:28

Kutani a ku eka vona: “Ma swi tiva leswaku Muyuda a nga pfumeleriwi ku hlangana ni wamatiko, hambi ku ri ku nghena ekaya ka yena; kambe Xikwembu xi ndzi kombisile leswaku ndzi nga tshuki ndzi vula munhu, hambi a ri mani na mani, leswaku u ni thyaka, kumbe u nyamile.

Marka 7:18

Kutani a ku eka vona: “Hi leswaku na n'wina ma ha pfumala ku twisisa-ke? A mi swi tivi leswaku hinkwaswo leswi nga ehandle, loko swi nghena eka munhu, swi nga ka swi nga n'wi nyamisi,

Marka 7:15

A ku na nchumu ehandle ka munhu lowu kotaka ku n'wi nyamisa loko wu nghene eka yena, kambe leswi humaka eka munhu, hi swona leswi n'wi nyamisaka.

Marka 7:2

kutani va vona vadyondzisiwa va yena van'wana va dya xinkwa hi mavoko ya thyaka, hi leswaku lama nga hlantswiwangiki, va va sola.

Matewu 15:20

hi swona leswi bihisaka munhu, kambe loko ku ri ku dya hi mavoko lama nga hlambiwangiki, a hi xilo lexi bihisaka munhu.”

Matewu 15:11

Leswi nghenaka enon'wini, a hi swona leswi bihisaka munhu, kambe leswi humaka enon'wini, hi swona leswi bihisaka munhu.”

Levhitika 11:7

ni khumba, hikuva hambi ri ri ni swinyondzwana swimbirhi, a ri hlampfunhi, ra yila eka n'wina.

Levhitika 11:9

“ ‘Hi swona hinkwaswo leswi mi nga ta swi dya swa le matini. Mi ta dya leswi nga ni swicapila ni tihakatimba leswi nga ematini ni le lwandle, ni le milambyeni;