Levhitika 11:7 - Xitsonga (Bibele)

⁷ ni khumba, hikuva hambi ri ri ni swinyondzwana swimbirhi, a ri hlampfunhi, ra yila eka n'wina.

BIBELE Mahungu Lamanene

⁷ ni nguluve; yi ni swinyondzwana leswi avaneke hi le xikarhi, kambe eka n'wina a yi ve leyi nga tengangiki, hikuva a yi gayeli.

Levhitika 11:7 Referans Kwoze

Esaya 66:17

“Lava tihlawulaka, lava tibasisaka ku ya emitangeni, va ri karhi va etisa loyi a va fambisaka, lava dyaka nyama ya nguluve, ni swilo swa manyala, ni makondlo, valavo hinkwavo va ta lova,” ku vula Yehovha.

Esaya 66:3

La tlhavaka homu, a kotisa loyi a dlayaka munhu, la gandzelaka hi nyimpfu, a kotisa loyi a tlhavaka mbyana; la humesaka nhlengo, a kotisa la humesaka ngati ya nguluve, la hisaka mirhi ya risuna, a fana ni la katekisaka swifaniso swa swikwembu. Valavo hinkwavo va titsakela etindleleni ta vona, kutani moya wa vona wu tsakela manyala ya vona.

Esaya 65:4

hi ku tshama emasirheni, hi ku peta vusiku emabakweni, hi ku dya nyama ya nguluve, ni swakudya leswi nyameke eswibyeni swa vona;

Duteronoma 14:8

ni nguluve, hikuva min'wala ya yona yi avanyisiwile kambe a yi hlampfunhi; yi ta va leyi nga tengangiki eka n'wina. Mi nga tshuki mi dya nyama ya swona, ni ku khumba mitsumbu ya swona.

Luka 15:15

Kutani a ya a ya namarhela munhu wa tiko rero; yeloyi a n'wi rhuma enhoveni ku risa tinguluve.

Luka 8:33

Kavaloko mademona ma huma emunhwini yeloyi, ma nghena etingulubyeni kutani ntlhambi wu tsutsuma wu ya tihoxa exidziveni xa lwandle, wu nwela kona.

Matewu 7:6

“Mi nga tshuki mi hoxela timbyana swilo leswi hlawuriweke, na kona mi nga tshuki mi cukumeta tidayimani ta n'wina emahlweni ka tinguluve, swi nga ri leswaku ti nga ti kandziyela hi milenge, ti hundzukela eka n'wina, ti mi kawutlula hi meno.

Levhitika 11:3

Leswi hanyaka hinkwaswo leswi nga ni swinyondzwana, ni leswi hlampfunhaka, mi ta dya swona.

Levhitika 11:6

ni mpfundla lowu hlampfunhaka, kambe a wu na swinyondzwana, wa yila eka n'wina:

Levhitika 11:8

Mi nga tshuki mi dya nyama ya swona, ni ku khumba mitsumbu ya swona; swi ta va leswi yilaka eka n'wina.