Levhitika 10:6 - Xitsonga (Bibele)

⁶ Muxe a ku eka Aroni na Eliyazara na Itamara, vana va Aroni: “Mi nga tshuki mi funungula tinhloko ta n'wina ni ku handzula tinguvu ta n'wina, mi nga ta fa, Yehovha a nga tshuki a karihela nhlengeletano hinkwayo. Vamakwenu, va yindlu hinkwayo ya Israele hi vona lava nga ta rila hikwalaho ka ritshwa leri hisiweke i Yehovha.

BIBELE Mahungu Lamanene

⁶ Kutani Muxe a byela Aroni ni vana va yena Eliyazara na Itamara, a ku: “Mi nga tshuki mi rila nkosi lowu; mi nga tshiki misisi ya n'wina yi hangalaka, kumbe ku handzulela swiambalo swa n'wina. Loko mo endla sweswo, mi ta fa, mi tlhela mi endla leswaku HOSI Xikwembu xi hlundzukela ntshungu hinkwawo. Loko va ri Vaisraele lavan'wana, vona va nga rila nkosi wa lava dlayiweke hi ndzilo lowu humaka eka HOSI Xikwembu.

Levhitika 10:6 Referans Kwoze

Yoxuwa 22:18

Kambe n'wina mi fularhela Yehovha namuntlha! Kungakuloko mi pfukela Yehovha namuntlha, mundzuku u ta karihela nhlengeletano hinkwayo ya Israele.

Yoxuwa 7:1

Vana va Israele va tilavele nandzu hikwalaho ka anathema (leswo yila); Akani, n'wana Karimi, n'wana Zabidi, n'wana Zera, wa nyimba ya Yuda, a teka leswi yirisiweke kutani Yehovha a karihela vana va Israele.

Tinhlayo 16:22

Kavaloko va wa ehansi hi mimombo, va ku: “Oho! Xikwembu, Xikwembu xa mimoya ya tinyama hinkwato! Munhu un'we u dyohile, kambe u karihela nhlengeletano hinkwayo!”

Tinhlayo 1:53

Kambe Valevhi va ta gova ekusuhi ni yindlu ya vumbhoni, va yi rhendzela, leswaku vukari bya mina byi nga tshuki byi pfurhela nhlengeletano ya vana va Israele; kutani Valevhi va ta langutela yindlu ya vumbhoni.”

2 SAMIELE 24:1

Vukari bya Yehovha byi pfurhela kambe Vaisraele, kutani a va pfuka hi Davhida loko a ku: “Yana, u hlaya Vaisraele ni va Yuda.”

Yoxuwa 22:20

Xana Akani, n'wana Zera, a nga dyohanga emhakeni ya leswo yila? Kutani ku kariha a ku ri ehenhla ka nhlengeletano hinkwayo ya Israele; kambe a nga felangi xidyoho xa yena a ri yena ntsena xana?’ ”

Levhitika 13:45

“Wa nhlokonho la nga ni vuvabyi lebyi, u ta ambala tinguvu leti handzuriweke, a nga funengeti nhloko; a tisirhelela malebvu, kutani u ta tshama a huwelela: ‘La yilaka, la yilaka!’

Tinhlayo 18:5

Mi ta hlayisa swibya swa vukwetsimelo ni swa alitari leswaku vukari byi nga ha vi kona ehenhla ka vana va Israele.

Mikiya 1:16

Tsemela misisi ya wena, u byewula nhloko hikwalaho ka vana va wena lava rhandzekaka! Anamisa mpandhla wa wena wu kula, hikuva va yisiwa evukhumbini, ekule na wena.

Yeremiya 7:29

“ ‘Byewula misisi, u yi cukumeta, kutani u endla nkosi eswitsungeni leswi tlakukeke, hikuva Yehovha u cukumetile rixaka rero a ri kariheleke, u ri sandzile.’

Yoxuwa 7:11

Israele u dyohile, u tlurile ntwanano wa mina lowu ndzi va leriseke wona kambe va tekile leswo yila, va swi yivile va va, va swi fihla etinhundzwini ta vona.

Duteronoma 33:9

La nga te henhla ka tata wa yena ni mana wa yena: A ndzi va vonanga! La nga tivangiki vamakwavo, La nga tiviki vana va yena, Hikuva va hlayisa rito ra wena, Va chivirikela ntwanano wa wena,

Tinhlayo 14:6

Kutani Yoxuwa, n'wana Nuni, na Kalebe n'wana Yefune va ri va lava kambeke tiko, va tihandzulela tinguvu,

Tinhlayo 5:18

Muprista u ta yimisa wansati emahlweni ka Yehovha, kutani u ta funungula nhloko ya wansati, kutani a veka eswandleni swa yena nyiko ya xitsundzuxo, leyi nga nyiko ya rilondzo, kutani muprista u ta tamela evokweni ra yena mati yo dzunga lama nga ni ndzhukano.

Eksoda 33:5

Kambe Yehovha u byerile Muxe, a ku: “U nge eka vana va Israele: ‘Mi vanhu va tinhamu leti nonon'hwaka; loko ndzi famba na n'wina ku nga ri kungani, ndzi nga mi lovisa. Kutani sweswi, susa leswi u bombaka ha swona, ndzi ta tiva leswi ndzi nga ta swi endla.’ ”

Eksoda 6:23

Aroni a teka Elixeba, n'wana wa Aminadaba, makwavo wa Nahaxoni, a n'wi velekela Nadabu na Abihu, na Eliyazara na Itamara.

Tinhlayo 20:25

U ta teka Aroni ni n'wana wa yena Eliyazara, u va khandziyisa entshaveni ya Hori.

Ezra 7:5

n'wana Abixuwa, n'wana Finiyasi, n'wana Eliyazara, n'wana Aroni, muprista lonkulu,