Levhitika 10:3 - Xitsonga (Bibele)

³ Muxe a ku eka Aroni: “Hi lexi Yehovha a xi leriseke, loko a ku: ‘Ndzi ta kwetsimisiwa hi lava ndzi tirhelaka, ndzi dzunisiwa emahlweni ka tiko hinkwaro.’ ” Kambe Aroni a miyela.

BIBELE Mahungu Lamanene

³ Kutani Muxe a ku ka Aroni: “Leswi hi swona HOSI Xikwembu a xi vula swona loko xi ku: ‘Lava va tshinelaka kusuhi na mina, va fanele ku ndzi chava, Vaisraele hinkwavo va fanele ku ndzi dzunisa.’ ” Loko a ri Aroni, a tikhoma a miyela.

Levhitika 10:3 Referans Kwoze

Eksoda 19:22

Hambi va ri vaprista lava tshinelelaka Yehovha, va fanele ku tikwetsimisa na vona, leswaku Yehovha a nga va dlayi.”

Esaya 49:3

u endle ha mina nseve lowo kariha; u ndzi fihlile egadzini ra yena. U te eka mina: “U nandza wa mina, Israele loyi ndzi nga ta tidzunisa ha yena.”

Levhitika 21:6

Va ta tihlawulela Xikwembu xa vona, hikuva va tshama va humesela Yehovha magandzelo lama hisiwaka, swi ri swakudya swa Xikwembu xa vona: va ta va lava hlawuriweke.

Tinhlayo 20:12

Kambe Yehovha a ku eka Muxe na Aroni: “Leswi mi nga pfumelangiki eka mina ku ndzi hlawula emahlweni ka vana va Israele, mi nga ka mi nga nghenisi nhlengeletano leyi etikweni leri ndzi va nyikeke rona.”

1 SAMIELE 2:30

Hikwalaho-ke Yehovha, Xikwembu xa Israele, u vula sweswo, a ku: ‘A ndzi vurile leswaku yindlu ya wena ni yindlu ya tata wa wena yi ta famba emahlweni ka mina hilaha ku nga heriki,’ kambe sweswi, Yehovha u vurisa, a ku: ‘A swi ve kule na mina! Hikuva ndzi ta dzunisa lava ndzi dzunisaka, kambe lava ndzi sandzaka va ta tsongahatiwa.

Duteronoma 32:51

hikuva mi ndzi dyohele xikarhi ka vana va Israele emhakeni ya mati ya Meriba wa Kadexe, emananga ya Sini; hikuva a mi ndzi kwetsimisanga xikarhi ka vana va Israele.

Esaya 52:11

Sukani! Sukani! Humani kona! Mi nga khumbi nchumu wa leswi yilaka, humani exikarhi ka wona. Tibasiseni, n'wina lava mi rhwalaka timbita ta Yehovha!

Pisalema 89:7

Xikwembu xa chavisa enhlengeletanweni leyikulu ya vakwetsimi, Xi chaviwa hi ku tlurisa hi lava xi rhendzeleke.

1 SAMIELE 6:20

Va Beta-Xemexe va ku: “I mani la tivaka ku yima emahlweni ka Yehovha, Xikwembu lexo kwetsima xana? Areka yi ta tlhandlukela eka mani loko yi suka ka hina-ke?”

Levhitika 21:21

Munhu un'wana ni un'wana wa rixaka ra Aroni, muprista, la nga ni vulema, a nga tshuki a tshinela ku humesa magandzelo lama hiseriwaka Yehovha, u ni vulema, a nga ka a nga tshineleli ku humesa swakudya swa Xikwembu xa yena.

Levhitika 8:35

Mi ta tshama masiku ya ntlhanu na mambirhi enyangweni ya tabernakela ya nhlengeletano, nhlekanhi ni vusiku, mi endla leswi Yehovha a mi leriseke swona, mi nga ti fa; hikuva ku lerisiwile sweswo.”

Ezekiele 20:41

Ndzi ta mi amukela, ni magandzelo ya n'wina layo nun'hwela, loko ndzi mi humesile eka vanhu, ndzi mi hlengeleta ematikweni lawa mi hangalasiweke eka wona, ndzi ta hlawuleka ha n'wina emahlweni ka matiko;

Levhitika 22:9

“ ‘Va ta hlayisa milawu ya mina, leswaku va nga tirhwexi nandzu etimhakeni leti, va nga tshuki va fa hikwalaho ka ku onha ka vona: hi mina Yehovha loyi a va kwetsimisaka.

Levhitika 21:17

“Byela Aroni, u ku eka yena: ‘Munhu un'wana ni un'wana wa rixaka ra wena ni wa vatukulu va wena, la nga ni vulema, a nga tshuki a tshinelela ku humesa swakudya swa Xikwembu xa yena;

Levhitika 21:15

A nga tshuki a khomisa xivongo xa yena tingana etikweni ra yena; hikuva hi mina Yehovha la n'wi hlawulaka.’ ”

Levhitika 21:8

U ta n'wi vula la hlawuriweke, hikuva hi yena la humesaka swakudya swa Xikwembu xa wena, hikuva ndzi hlawulekile, mina Yehovha la mi hlawulaka.

Ezekiele 42:13

Kutani a ku eka mina “Makamara ya tlhelo ra n'walungu ni makamara ya le dzongeni, lama xaxameleke ni xivandla xo pfariwa, i makamara ya vukwetsimelo, laha vaprista lava tshinelelaka Yehovha va nga ta dyela swilo swo kwetsimisisa ngopfu kona; hilaha va nga ta veka kona swilo swo kwetsimisisa, tinyiko ni magandzelo ya swidyoho, ni ya milandzu. Xivandla xi kwetsimile.

Pisalema 39:9

Ndzi miyerile, ndzi nga ahlamisi nomu, Hikuva hi wena la tirhaka.

1 Petro 4:17

Hikuva nkarhi wa ta, lowu ku avanyisa ku nga ta sungula hi yindlu ya Xikwembu; kutani loko ku ta sungula hi hina, makumu ya lava nga pfumeriki Evhangeli ya Xikwembu, ma ta va lawo yini-ke?

Matewu 10:37

La rhandzaka tata wa yena, hambi a ri mana wa yena ku tlula mina, a nga ndzi faneli, ni la rhandzaka n'wana wa yena wa wanuna, hambi a ri wa wanhwana ku tlula mina, a nga ndzi faneli.

Ezekiele 28:22

u ku: Hosi Yehovha u ri: Vona, ndzi le ka wena, Sidoni; ndzi ta dzunisiwa exikarhi ka wena. Va ta swi tiva leswaku hi mina Yehovha, siku ndzi n'wi humeselaka ku avanyisa, ndzi tiendlaka la hlawulekeke eka yena.

Ntirho 2:10

Yobo a ku eka yena: “U vulavula kukotisa xihunguki loko xi vulavula. Xana hi ta amukela leswo saseka emavokweni ya Xikwembu, hi nga amukeri swo biha-ke?” Etimhakeni toleto hinkwato Yobo a nga dyohanga hi nomu wa yena.

Yohane 12:28

Tatana, dzunisa vito ra wena!” Kwalaho rito ri fika, ri huma etilweni, ri ku: “Ndzi ri dzunisile, ndzi ta engeta ndzi ri dzunisa.”

1 SAMIELE 3:18

Kavaloko Samiele a n'wi byela hinkwaswo, a nga n'wi fihlelanga nchumu, Kutani Heli a ku: “Yehovha; a a endle hi ku twisisa ka yena.”

Eksoda 14:4

Ndzi ta nonon'hwisa mbilu ya Faro, u ta va landza; kambe ndzi ta tidzunisa ha Faro ni nyimpi ya yena hinkwayo; Vaegipta va ta tiva leswaku hi mina Yehovha.” Kutani va endlisa sweswo.

Genesa 18:25

A swi ve kule na wena ku lovisa la lulameke swin'we ni la hombolokeke, swi va leswaku la lulameke a endliwa leswo nge u hombolokile! A swi ve kule na wena! Loyi a avanyisaka misava hinkwayo, a nga ka a nga avanyisi hi ku lulama xana?”

2 Vatesalonika 1:10

loko a ta ta ku ta dzunisiwa enkarhini wolowo hi vakwetsimi va yena, ni ku tlangeriwa hi hinkwavo lava pfumeleke; hikuva vumbhoni bya hina exikarhi ka n'wina byi amukeriwile.

Yohane 14:13

Hinkwaswo leswi mi nga ta swi kombela hi vito ra mina, ndzi ta swi endla, leswaku Tatana a dzunisiwa eka N'wana.

Pisalema 119:120

Miri wa mina wu rhurhumela hi ku chava wena, Ndzi chava ku avanyisa ka wena.

Pisalema 46:10

“Yimani, mi tiva leswaku ndzi Xikwembu; Ndzi tlakukile henhla ka matiko, ndzi tlakukile emisaveni!”

Esaya 39:8

Hezekiya a ku eka Esaya: “Rito ra Yehovha leri u ri vuleke, ri nene!” A engeta a ku: “Hikuva ku rhula ku ta va kona ni ku etlela ka tiko eku hanyeni ka mina.”

Eksoda 14:17

Kambe mina ndzi ta nonon'hwisa timbilu ta Vaegipta, va ta mi landzela; kutani ndzi ta tidzunisa ha Faro ni nyimpi ya yena hinkwayo, ni makalichi ya yena, ni 12 va khandziyaka tihanci.

Eksoda 30:30

Kutani u ta tota Aroni ni vana va yena u va hlawula leswaku va tirha vuprista emahlweni ka mina,

Tinhlayo 16:5

Kutani a byela Kora ni vandla ra yena, a ku: “Mundzuku Yehovha u ta tivisa loyi a nga wa yena, ni la hlawuriweke ku tshinela ekusuhi na yena; kutani loyi Yehovha a nga ta n'wi hlawula, u ta n'wi tshinetela eka yena.

Pisalema 148:14

U tiyisa rimhondzo ra tiko ra yena; U ta dzunisiwa hi hinkwavo lava n'wi rhandzaka, Va nga vana va Israele, tiko leri nga ekusuhi na yena. Dzunisani Yehovha!

Ezekiele 38:16

Kutani u ta khandziya u ya lwa ni tiko ra mina ra Israele, u kotisa papa leri lavaka ku funengeta misava. Emikarhini ya makumu, hilaha ndzi nga ta ku rhuma hakona ku lwa ni tiko ra mina, leswaku matiko ma ta ndzi tiva loko ndzi ta tikwetsimisa ha wena emahlweni ka vona, wena Gogo!

Ezekiele 40:46

Makamara lawa langutaka tlhelo ra n'walungu, i ya vaprista lava tirhelaka swa alitari: i vana va Sadoki, va nga vona exikarhi ka vana va Levhi, lava tshinelelaka Yehovha ku n'wi tirhela.”

Eksoda 19:24

Kutani Yehovha a ku eka yena: “Rhelela, u ta khandziya na Aroni kambe vaprista ni tiko va nga tshuki va ringeta ku tlhandlukela eka Yehovha; va nga ti dlawa.”

Pisalema 39:10

Tshika ku ndzi ba! Ndzi herile hikwalaho ka matimba ya voko ra wena.

Pisalema 93:5

Vumbhoni bya wena bya tshembeka ngopfu; Ku kwetsima ku fanele yindlu ya wena, Oho Yehovha! Hi laha ku nga heriki.