Levhitika 10:19 - Xitsonga (Bibele)

¹⁹ Kutani Aroni a ku eka Muxe: “Waswivo, namuntlha va humesile gandzelo ra nandzu wa vona, ni holokosta ya vona emahlweni ka Yehovha; kutani leswi ndzi humeleriweke hi mhaka leyi namuntlha, ndzi nga dyisa ku yini gandzelo ra nandzu, xana yi ta va mhaka leyinene emahlweni ka Yehovha, xana?”

BIBELE Mahungu Lamanene

¹⁹ Aroni a hlamula Muxe, a ku: “Vona, namuntlha va humesile mhamba ya vona yo susa swidyoho, ni magandzelo ya vona lama hisiwaka emahlweni ka HOSI Xikwembu, kambe sweswo a swi sivelanga khombo leri ri ndzi humeleleke. Xana loko a ndzi lo dya nyama ya mhamba yo susa swidyoho namuntlha, a swi ta va swi tsakisile HOSI Xikwembu xana?”

Levhitika 10:19 Referans Kwoze

Levhitika 9:12

Kutani a tlhava xifuwo xa holokosta. Vana va Aroni va n'wi tisela ngati, a yi xuva ealitarini, ematlhelweni hinkwawo.

Levhitika 9:8

Aroni a tshinela ealitarini, a tlhava rhole ra gandzelo ra nandzu leri humeseriweke yena.

Malakiya 2:13

Kambe leswi mi engetaka mi swi endla hi leswi: Mi tata alitari ya Yehovha hi mihloti, ni swirilo ni ku rila, kutani a nga ha amukeri switlhavelo swa n'wina, a nga tsakisiwi hi lexi humaka emavokweni ya n'wina.

Malakiya 1:13

Kutani mi ri: ‘Languta, a hi ku karhata ka xona!’ Mi vuya mi xi sola, ku vula Yehovha wa mavandla; mi tisa lexi yiviweke, ni lexi khwitaka, ni lexi vabyaka, mi endla gandzelo ha swona! Xana ndzi ta swi amukela emavokweni ya n'wina xana? Ku vula Yehovha.

Malakiya 1:10

“I mani exikarhi ka n'wina la nga ta pfala tinyangwa, leswaku mi nga ha tshuki mi tshivela ndzilo wa alitari ya mina ha nchumu? A ndzi tsakisiwi ha n'wina, ku vula Yehovha wa mavandla, ndzi nga ka ndzi nga amukeri gandzelo leri tisiwaka hi mavoko ya n'wina.

Hosiya 9:4

A va nga ha cheleri Yehovha vhinyo, kutani magandzelo ya vona a ma nga ha n'wi tsakisi; swakudya swa vona swi ta va eka vona kukotisa swakudya swa nkosi, hinkwavo lava swi dyaka va hundzuka thyaka, hikuva swakudya swa vona swi ta va swa vona ntsena, swi nga ka swi nga ngheni endlwini ya Yehovha.

Yeremiya 14:12

Hambi va nga titsona swakudya, ndzi nga ka ndzi nga yingisi ku huwelela ka vona; ni loko va ndzi humesela tiholokosta ni mihlengo, ndzi nga ka ndzi nga swi amukeri; kamba ndzi ta va heta hi tlhari, ni ndlala, ni ntungu.”

Yeremiya 6:20

Mirhi ya risuna leyi humaka eXeba yi nga va yini ka mina ni rihlanga leri nun'hwelaka ra matiko ya le kule, ndzi nga ri endla yini? Tiholokosta ta n'wina a ti ndzi tsakisi, ni magandzelo ya n'wina a ma ndzi nandziheri.”

Esaya 1:15

Loko mi tshambuluta mavoko ya n'wina, ndzi mi sirhelela mahlo ya mina; loko mi andzisa mikhongelo ya n'wina, a ndzi yingisi; mavoko ya n'wina ma tele ngati.

Vaheveru 9:8

Moya lowo Kwetsima wu ri karhi wu hi kombisa hi sweswo leswaku ndlela ya xikwetsimisiso a yi nga si pfuriwa loko tabernakela yo rhanga ya ha yimile,

Vaheveru 7:27

la nga faneriki hi masiku hinkwawo kukotisa vaprista lavakulu, ku rhanga a humesa magandzelo hikwalaho ka vudyoho bya yena, a tlhela a humesa ni ya vudyoho bya tiko, hikuva leswi, u swi endlile kan'we, a ri yena mhamba.

Vafilipiya 4:4

Titsakeleni eHosini hi masiku; ndzi tlhela ndzi vurisa sweswo, ndzi ri: Titsakelani.

Esaya 1:11

“Ndzi ni mhaka yihi ni vunyingi bya magandzelo ya n'wina?” ku vula Yehovha. Ndzi korwile hi swiphongo leswi hisiwaka, ni mafurha ya marhole; a ndzi tsakeri ngati ya tinkunzi, ni ya timbuti ni ya tinyimpfu.

Duteronoma 26:14

A ndzi dyangi swilo leswi enhlomulweni wa mina, a ndzi swi hungutanga ndzi ri la nga tengangiki, a ndzi nyikanga nchumu wa swona hikwalaho ka mufi; ndzi yingisile rito ra Yehovha, Xikwembu xa mina, kambe ndzi endlile hinkwaswo hilaha u ndzi leriseke hakona.

Duteronoma 12:7

Mi ta dya kona emahlweni ka Yehovha, Xikwembu xa n'wina, mi titsakela, mi ri ni mindyangu ya n'wina, eswilweni hinkwaswo leswi mi nga ta swi endla, leswi Yehovha, Xikwembu xa wena, a ku katekiseke ha swona.

Levhitika 10:20

Muxe, kuteloko a twile marito lawa, a khensa.