Levhitika 10:14 - Xitsonga (Bibele)

¹⁴ Loko xi ri xifuva lexi ndziwitiweke, ni voko leri pamburiweke, u ta swi dya exivandleni lexi tengeke, wena ni vana va wena va xinuna ni va xisati, hikuva mi nyikiwile swona; i ku averiwa ka wena ni ka vana va wena, swi huma etimhambeni ta ku khensa ta vana va Israele.

BIBELE Mahungu Lamanene

¹⁴ Kambe loko xi ri xifuva lexi widzeriweke HOSI Xikwembu ni nenge lowu wu humesiweke wu va nyiko, mi nga swi dyela endhawini yin'wana ni yin'wana leyi tengeke, wena ni vana va wena, hikuva swona i xiphemu lexi mi nyikiwaka xona, xi huma eka magandzelo ya xinakulobye ya Vaisraele.

Levhitika 10:14 Referans Kwoze

Tinhlayo 18:11

“Kambe leswi nga ta va swa wena hi leswi: leswi pamburiweke emihlengweni ya vona, ni hinkwaswo leswi ndziwitiweke swa vana va Israele; ndzi ku nyika swona ni vana va wena va xinuna ni va xisati, hi ku lerisa loku nga heriki. Un'wana ni un'wana la tengeke endlwini ya wena, u ta swi dya.

Yohane 4:34

Yesu a ku eka vona: “Swakudya swa mina i ku endla ku rhandza ka la ndzi rhumeke, ni ku heta ntirho wa yena.

Levhitika 9:21

Loko swi ri swifuva ni voko ra xinene, Aroni a swi ndziwita emahlweni ka Yehovha yi va nyiko leyi ndziwitiweke, hilaha Muxe a leriseke hakona.

Eksoda 29:33

Va ta dya swilo leswi va gandzeleke ha swona loko va vekiwa, ni loko va hlawuleriwa ntirho. Swi nga tshuki swi dyiwa hi munhu un'wana, hikuva i swilo leswi hlawuriweke.

Levhitika 10:13

Mi swi dya evukwetsimelweni, hikuva i ku averiwa ka wena ni ka vana va wena swi huma etimhambeni leti hiseriwaka Yehovha, hikuva ndzi lerisiwile sweswo.

Tinhlayo 5:9

Hinkwaswo leswi pamburiweke eka swilo leswi hlawuriweke, leswi vana va Israele va swi tisaka eka muprista, swi ta va swa yena.

Ezekiele 42:13

Kutani a ku eka mina “Makamara ya tlhelo ra n'walungu ni makamara ya le dzongeni, lama xaxameleke ni xivandla xo pfariwa, i makamara ya vukwetsimelo, laha vaprista lava tshinelelaka Yehovha va nga ta dyela swilo swo kwetsimisisa ngopfu kona; hilaha va nga ta veka kona swilo swo kwetsimisisa, tinyiko ni magandzelo ya swidyoho, ni ya milandzu. Xivandla xi kwetsimile.

Levhitika 22:13

kambe n'wana wa muprista la nga noni, hambi a ri la tshikiweke a nga ri na vana, la tlheleleke endlwini ya tata wa yena a tshama kona kukotisa evuntshweni bya yena, u ta dya swakudya swa tata wa yena; kambe muluveri a nga ka a nga dyi swona.