Levhitika 10:1 - Xitsonga (Bibele)

¹ Vana va Aroni, Nadabu na Abihu, va teka un'wana ni un'wana mbita ya yena ya mirhi ya risuna, va okela ndzilo eka tona, va veka ehenhla ka wona mirhi ya risuna, kutani va humesa emahlweni ka Yehovha ndzilo wa xiri, va endla lexi va nga xi lerisiwangiki.

BIBELE Mahungu Lamanene

¹ Siku rin'wana, Nadabu na Abihu, vana va Aroni, va teka swimbitana swa vona, va oka ndzilo, va chela ni murhi wa risuna, va humesela HOSI Xikwembu magandzelo; ndzilo lowu, a wu nga ri wona lowu HOSI Xikwembu xi va leriseke wona.

Levhitika 10:1 Referans Kwoze

Tinhlayo 26:61

Nadabu na Abihu va file loko va humesela emahlweni ka Yehovha ndzilo wa xiri.

Levhitika 16:12

Kutani u ta teka nhlambeto leyi teleke hi makala lama vombeke lama humaka ealitarini, emahlweni ka Yehovha, ni swandla swimbirhi swa mapa ya mirhi ya risuna: u ta tisa swilo leswi endzeni ka nguvu ya xisirhelo,

Duteronoma 12:32

“Timhaka hinkwato leti ndzi mi lerisaka tona, mi ta ti hlayisa mi endla ha tona; u nga tshuki u ti engetela hi nchumu, kambe u nga tshuki u hunguta nchumu eka tona.

Tinhlayo 16:46

kutani Muxe a ku eka Aroni: “Teka nhlambeto, u nghenisa eka yona ndzilo wa alitari u vekela kona ni mirhi ya risuna, u swi yisa sweswi exikarhi ka nhlengeletano, u va phahlela mhamba; hikuva vukari byi humile emahlweni ka Yehovha, ni ntungu wu sungurile.”

Eksoda 24:1

Xikwembu xi ku eka Muxe: “Tlhandlukela eka Yehovha, wena na Aroni, na Nadabu, na Abihu, ni vakulukumba va Israele va ntlhanu wa makume ni makume mambirhi, mi ta khinsama ma ha ri ekule.

Eksoda 6:23

Aroni a teka Elixeba, n'wana wa Aminadaba, makwavo wa Nahaxoni, a n'wi velekela Nadabu na Abihu, na Eliyazara na Itamara.

Pisalema 141:2

Xikhongelo xa mina a xi tlhandlukele eka wena tani hi mirhi ya risuna, Ni ku tlakuka ka mavoko ya mina a ku fane ni gandzelo ra madyambu!

Levhitika 22:9

“ ‘Va ta hlayisa milawu ya mina, leswaku va nga tirhwexi nandzu etimhakeni leti, va nga tshuki va fa hikwalaho ka ku onha ka vona: hi mina Yehovha loyi a va kwetsimisaka.

Eksoda 28:1

“U ta tshineta Aroni, makwenu, ni vana va yena, va ta hlawuriwa exikarhi ka vana va Israele leswaku va tirha ntirho wa vuprista emahlweni ka mina: U ta va yena Aroni, ni vana va yena, Nadabu, na Abihu, na Eliyazara, na Itamara.

Eksoda 24:9

Kutani Muxe na Aroni, na Nadabu na Abihu, ni vakulukumba va Israele va ntlhanu wa makume ni makume mambirhi, va tlhandluka, va vona Xikwembu xa Israele;

Levhitika 16:1

Yehovha a vulavula na Muxe endzhaku ka rifu ra vana vambirhi va Aroni lava feke siku va tshineleke emahlweni ka Yehovha.

Levhitika 9:24

Ndzilo wu huma emahlweni ka Yehovha, wu hisa holokosta, ni mafurha ealitarini; tiko hinkwaro ri wu vona, kutani va huwelela hi ku tsaka, va tiwisa ehansi hi mimombo ya vona.

Eksoda 27:3

U ta yi endlela ni swimbitana swa ku ola nkuma, ni tifoxolo, ni mindzheko, ni tintlhavo, ni timbita ta makala; mitirho hinkwayo ya yona u ta yi endla hi koporo.

Vaheveru 9:4

leyi a yi ri ni mbita ya nsuku ya mirhi ya risuna, ni areka ya ntwanano leyi namekiweke hinkwako hi nsuku; endzeni ka yona, a ku ri ni mbita ya nsuku leyi ngi yi ri ni manna ni nhonga ya Aroni leyi balekeke swiluva, ni maribye ya ntwanano.

Yeremiya 44:15

Kutani vavanuna hinkwavo lava nga tiva leswaku vasati va vona va hisele swikwembu swimbe mirhi ya risuna, ni vavasati hinkwavo lava nga yima kona, yi ri nhlengeletano leyikulu, ni tiko hinkwaro leri akeke etikweni ra Egipta, ePatroso, va hlamula Yeremiya, va ku:

Yeremiya 44:8

Mi ndzi pfukela yini hi ku endla ka mavoko ya n'wina, hi ku hisela; swikwembu swimbe timhamba etikweni ra Egipta, laha mi teke ku aka kona leswaku mi susiwa, mi va ndzhukano, ni xisolo, exikarhi ka matiko hinkwawo ya misava?

Yeremiya 32:35

Va akele Baali swivandla leswi tlakukeke eriweni ra n'wana Hinomu, va ta hisela Moloko vana va vona va xinuna ni va xisati, swi nga leswi ndzi nga va byelangiki swona, kambe a swi humangi embilwini ya mina leswaku va endla manyala layo tano ku dyohisa Yuda.

Yeremiya 19:5

kutani va akele Baali swivandla leswi tlakukeke ku hisa kona vana va vona endzilweni yi va holokosta ya Baali, swi nga leswi ndzi nga va lerisangiki, ndzi nga va byelangiki swona, leswi swi nga ka swi nga humi embilwini ya mina.

Yeremiya 7:31

Kambe va akile exivandleni lexi tlakukeke xa Tofete, enkoveni wa n'wana Hinomu, va hisa hi ndzilo vana va vona va xinuna ni vi xisati, swi nga leswi ndzi nga ka ndzi nga va lerisanga swona, kambe a swi humanga embilwini ya mina.

Duteronoma 17:3

loko a gandzela swikwembu swin'wana, a va a khinsama emahlweni ka swona, emahlweni ka dyambu ni n'weti, hambi ku ri emahlweni ka vandla hinkwaro ra matilo, yi ri mhaka leyi ndzi nga yi lerisangiki,

Duteronoma 4:2

Mi nga tshuki mi engetela nchumu eka leswi ndzi mi lerisaka swona, kambe mi nga tshuki mi hunguta nchumu eka swona; mi ta hlayisa milawu ya Yehovha, Xikwembu xa n'wina, leyi ndzi mi lerisaka yona.

Eksoda 40:27

a hisa mirhi ya risuna, hilaha Yehovha a nga lerisa Muxe hakona.

Eksoda 38:3

A endla ni swibya hinkwaswo swa alitari; a ti ri timbita, ni tifoxolo, ni mindzheko, ni tintlhavo, ni timbita ta makala; a endle swibya leswi hinkwaswo hi koporo.

Eksoda 37:29

A endla na wona mafurha yo hlawuleka ya ku tola, ni murhi wa risuna lowu tengeke a swi endla hi mukhuva wa lava tlhariheke ha swona.

Eksoda 31:11

ni mafurha ya ku tola, ni mirhi ya risuna ya vukwetsimelo. Va ta endla hinkwaswo hilaha ndzi ku leriseke hakona.”

1 TIHOSI 18:38

Kavaloko ndzilo wa Yehovha wu wa, wu heta holokosta, ni tihunyi, ni maribye, ni misava; wu phyisa ni mati ya khele.

Eksoda 8:27

Hi ta famba mpfhuka wa masiku manharhu emananga, hi kona hi nga ta gandzela Yehovha, Xikwembu xa hina, hilaha a nga ta hi byela hakona.”

Tinhlayo 4:18

“Chavani leswaku nyimba ya tindlu ta va Kohata yi susiwa exikarhi ka Valevhi;