Levhitika 1:14 - Xitsonga (Bibele)

¹⁴ “ ‘Loko nhlengo wa yena eka Yehovha, wu ri holokosta ya tinyanyana, u ta humesa nhlengo wa matuva kumbe wa magugurhwana.

BIBELE Mahungu Lamanene

¹⁴ “Loko munhu a lava ku humesela HOSI Xikwembu yin'wana ya tinyanyana, a endla ha yona magandzelo lama hisiwaka, ú fanele ku humesa matuva kumbe mavondlo ya matuva.

Levhitika 1:14 Referans Kwoze

Luka 2:24

va ya humesa mhamba leyi lerisiweke hi nawu wa Hosi: “ma nga matuva mambirhi, kumbe mavondlo mambirhi ya matuva.”

Levhitika 5:7

“ ‘Kungakuloko a pfumala nyimpfu, kumbe mbuti, u ta humesela Yehovha hikwalaho ka nandzu wa yena, matuva mambirhi, kumbe mavondlo mambirhi ya magugurhwana, rin'wana ra mhamba yo susa nandzu, rin'wana ra gandzelo leri hisiwaka.

Levhitika 12:8

Kambe kutakuloko a nga swi koti ku humesa xinyimpfana, u ta teka matuva mambirhi, kumbe mavondlo mambirhi ya swigugurwana, yin'wana ya gandzelo leri hisiwaka, yin'wana ya gandzelo ra nandzu. Muprista u ta n'wi phahlela mhamba, kutani u ta va a basile.’ ”

Vaheveru 7:26

Hikuva a hi faneriwa hi muprista lonkulu lowo tano, la hlawuriweke, la nga riki na leswo biha, ni loko xi ri xivati, la tihlawuleke eka vadyohi, a nga ehenhla ka matilo,

2 Vakorinto 8:12

Hikuva ku rhandza ka mbilu loko ku ri kona, munhu u ta tsakisa Xikwembu hi leswi a nga na swona, ku nga ri hi leswi a swi pfumalaka.

Matewu 11:29

Rhwalani joko ra mina, mi dyondza eka mina, hikuva ndzi ni vunene ni mbilu ya tintswalo, kutani mi ta kumela mimoya ya n'wina ku wisa;

Genesa 15:9

Kutani Yehovha a ku: “Ndzi tisele thokazi ra malembe manharhu, ni mbuti ya malembe manharhu, ni khuna ra malembe manharhu, ni tuva, ni gugurhwana.”

Matewu 21:12

Kutani Yesu a nghena etempeleni ya Xikwembu, a hlongolela ehandle hinkwavo lava xavisaka, ni lava xavaka etempeleni, a susumeta matafula ya lava bindzulaka hi mali, ni switshamo swa lava xavisaka matuva,

Levhitika 5:10

Hi nyanyana leya vumbirhi, u ta endla gandzelo leri hisiwaka hi nawu wa kona. Hi mukhuva wolowo, muprista u ta phahlela munhu loyi, mhamba, hikwalaho ka nandzu wa yena, kutani u ta rivaleriwa.

Levhitika 5:11

“ ‘Loko a pfumala matuva mambirhi hambi mavondlo mambirhi ya magugurhwana, u ta humesela nandzu wa yena ku avanyisa ka vukhume ka efa ya mapa layo basa, yi ta va mhamba ya nandzu. A nga tshuki a chela mafurha ehenhla ka wona, hambi yi ri mirhi ya risuna, hikuva i mhamba ya nandzu.