Levhitika 1:13 - Xitsonga (Bibele)

¹³ Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

BIBELE Mahungu Lamanene

¹³ Loko swi ri swa le ndzeni ni manqina, swona ú fanele ku rhanga a swi hlantswa. Kutani muprista ú ta teka nyama hinkwayo a yi hisa ehenhla ka alitari. Lawa i magandzelo lama hisiwaka; hi yona mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

Levhitika 1:13 Referans Kwoze

Levhitika 1:9

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Levhitika 2:11

“ ‘Nhlengo wun'wana ni wun'wana lowu mi wu humeselaka Yehovha, wu nga tshuki wu va wa swinkwa leswi nga ni comela, hikuva mi nga tshuki mi hisela Yehovha comela ni vulombe egandzelweni.

Levhitika 4:31

Muprista u ta susa mafurha hinkwawo hi mukhuva lowu va susaka mafurha ya magandzelo ya ku khensa kutani a ma hisa ealitarini, ri va risuna eka Yehovha. Muprista u ta phahlela munhu loyi mhamba, kutani u ta rivaleriwa.

Tinhlayo 15:4

la nga ta humesela Yehovha nhlengo wa yena, u ta humesa nhlengo wa ku avanyisa ka vukhume bya mapa layo saseka, lama pfuviweke hi ku avanyisa ka vumune bya hini ya mafurha,

Tinhlayo 28:11

“Eku sunguleni ka tin'hweti ta n'wina, mi ta humesela Yehovha holokosta ya tinkunzi timbirhi, ni khuna, ni swinyimpfana swa 7 swa lembe rin'we, leswi nga riki na xivati;

Duteronoma 12:27

kutani u ta humesa tiholokosta ta wena, yi ri nyama ni ngati; loko ma ri magandzelo man'wana ya wena, ngati yi ta cheriwa ealitarini ya Yehovha, Xikwembu xa wena, kutani u ta dya nyama ya wona.

Genesa 8:21

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.

Levhitika 2:2

U ta swi yisa eka vaprista, vana va Aroni; kutani va ta teka xandla xa mapa layo saseka, lama cheriweke mafurha, ni mirhi ya risuna hinkwayo; kutani muprista u ta swi hisa ealitarini kukotisa xitsundzuxo, yi va mhamba leyi hisiwaka leyi nga ni risuna eka Yehovha.

Levhitika 3:5

Vana va Aroni va ta swi hisa ealitarini, ehenhla ka holokosta leyi vekiweke tihunyini leti va tshiveleke ndzilo ha tona, yi ta va mhamba leyi hisiwaka leyi nga ni risuna eka Yehovha.

Levhitika 6:14

“ ‘Hi wona nawu wa nhlengo: Vana va Aroni va ta wu tisa emahlweni ka Yehovha, emahlweni ka alitari.

Levhitika 8:21

Va hlantswa marhumbu ni masondzo ematini, kutani Muxe a hisa khuna hinkwaro ealitarini; a yi ri holokosta ya ku nun'hwela ku saseka; a ri ri gandzelo leri hiseriwaka Yehovha, hilaha Yehovha a leriseke Muxe ha kona.

Tinhlayo 15:3

loko mi humesela Yehovha gandzelo leri hisiwaka, hambi yi ri holokosta, hambi ri ri gandzelo ro tiyisa rito ra ku hlambanya, hambi yi ri nyiko ya ku tirhandzela ka n'wina, hambi ku ri emikhubyeni ya n'wina; loko mi rhandza ku humesela Yehovha risema leri nun'hwelaka, exikarhi ka swifuwo leswikulu kumbe leswitsongo:

Tinhlayo 28:8

U ta humesa xinyimpfana xa vumbirhi nimadyambu; xi ta humesiwa xi ri ni nyiko ni vucheleto kukotisa xa nimixo: i gandzelo leri hisiwaka, leri nga ni risuna leri nun'hwelaka eka Yehovha.

2 TIKRONIKA 4:6

A endla ni mikamba ya khume; a veka ntlhanu wa yona tlhelo ra xinene, ni ntlhanu tlhelo ra ximatsi; a va hlantswa kona mitirho ya holokosta; rona lwandle ri pfuna vaprista ku hlamba kona.

Ezekiele 40:38

Kamara a yi ri kona leyi nga ni nyangwa ya yona ekusuhi ni timhandze ta tinyangwa; hilaha ingi va hlantswa timhamba kona.