Hosiya 9:7 - Xitsonga (Bibele)

⁷ Masiku ya xikambelo ma fikile; masiku yo rihisela ma fikile! Israele u ta swi tiva! Muprofeta u hundzukile xihunguki, munhu wa moya u hlanya hikwalaho ka vukulu bya ku dyoha ka wena, ni hikwalaho ka vulala bya wena lebyikulu.

BIBELE Mahungu Lamanene

⁷ Nkarhi wa ku biwa wu fikile, un'wana ni un'wana ú ta kuma hakelo ya yena. N'wina va tiko ra Israele mi ta swi tiva. Eka n'wina, muprofeta wa hlanya, wanuna loyi a nga ni Moya wa Xikwembu, eka n'wina ú ni rihuhe! Swi tano hi mhaka ya swidyoho swa n'wina leswo tala, ni rivengo ra n'wina lerikulu.

Hosiya 9:7 Referans Kwoze

Mikiya 7:4

La tlulaka van'wana hi vunene u kotisa xigatlu, ni loyi a va tlulaka hi ku lulama u fana ni xihlahla xa mitwa. Ku biwa ka wena ku ta humelela hi siku leri vuriwaka hi malandza ya wena, hikwalaho va ta khomiwa hi tingana.

2 TIHOSI 9:11

Yehu a huma eka malandza ya hosi ya yena, kutani ma ku eka yena: “Ku lulamile xana? Munhu loyi wa rihuhu u tele yini eka wena xana?” A va hlamula, a ku: “Ma tiva swinene munhu loyi ni mavulela ya yena.”

Marka 3:21

Varikwavo, loko va twa sweswo, va huma ku ya n'wi khoma, hikuva a va ku: “U hlangane nhloko.”

Ezekiele 13:3

Ku vula Hosi Yehovha: Va ni khombo vaprofeta va mavunwa, lava landzaka miehleketo ya timbilu ta vona, kasi a va voni nchumu!

Swirilo 2:14

Vaprofeta va wena va ku vonele mavunwa ni matlangwana, Kutani a va ku funungulelanga ku homboloka ka wena hinkwako, Leswaku va ta hambukisa vukhumbi bya wena; Kambe va ku komba swikombiso swa vunwa ni ku xisa.

Yeremiya 10:15

Swilo sweswo i vuhava, i mitirho ya ku kanganyisa; siku swi tshinyiwaka swi ta hela.

Esaya 10:3

Mi ta endla yini hi siku ra ku kambiwa ni loko ku lova loku humaka ekule ku ta mi wela ehenhla? Mi ta tsutsumela eka mani ku pfuniwa? Mi ta veka kwihi xuma xa n'wina xana?

2 Vakorinto 5:13

Hikuva loko hi ri handle ka hina, hi le ka Xikwembu; kutani loko hi tlhariha, hi tlhariha hikwalaho ka n'wina.

Luka 21:22

Hikuva masiku walawo, i masiku ya ku rihisa, leswaku hinkwaswo leswi tsariweke swi hetiseka.

Mikiya 2:11

Loko munhu a ri kona la fambelaka swahava, u xisa, a ku: “Ndzi ta ku bvumbhela vhinyo ni byalwa!” Muprofeta loyi a nga va yena la lulamelaka tiko leri.

Ezekiele 13:10

Hinkwaswo leswi, swi ta humelela, hikuva va hambukisa tiko ra mina, loko va ku: ‘Ku rhula ku kona,’ kasi ku rhula a ku kona. Tiko ra mina ri aka khumbi, kutani va ri phama hi ndzhope.

Yeremiya 29:26

‘Yehovha u ku vekile muprista ematshan'weni ya muprista Yehoyada leswaku u va mukamberi endlwini ya Yehovha eka munhu un'wana ni un'wana la hlanyaka, la tiendlaka muprofeta leswaku u n'wi pfalela, u n'wi nghenisa ni le khotsweni.

Nhlavutelo 16:19

Muti lowukulu wu avanyisiwa hi matlhelo manharhu; kutani miti ya matiko yi hirimuka; kambe Xikwembu xi anakanya Babilona lowukulu ku wu nwisa xinwelo xa vhinyo ya vukari lebyi hisaka bya xona.

Sofoniya 3:4

Vaprofeta va wona i vatikurisi, vavanuna va mavunwa; vaprista va wona va nyamise xivandla lexi kwetsimaka, va hombolokisa nawu.

Amosi 8:2

A ku eka mina: “U vona yini Amosi?” Ndzi ku: “Ndzi vona xirhundzu lexi teleke mihandzu leyi vupfeke.” Kutani Yehovha a ku eka mina: “Ku hela ka tiko ra mina ra Israele ku fikile, a ndzi nga ha tshami ndzi va rivalela.

Hosiya 9:8

Efrayimi u tumbelele Xikwembu xa mina. Muprofeta, i xirimbana xa muhloti, xi le tindleleni ta yena hinkwato; ni vulala endlwini ya Xikwembu xa yena.

Ezekiele 38:23

Kutani ndzi ta titwarisa ni ku tikwetsimisa, ndzi ta titivisa emahlweni ka matiko lamanyingi, ma ta tiva leswaku hi mina Yehovha.

Ezekiele 25:17

Ndzi ta va endla hi ku rihisa lokukulu, ni ku tshinya ka vukari; va ta swi tiva leswaku hi mina Yehovha, siku ndzi vekaka ku rihisa ka mina ehenhla ka vona.”

Yeremiya 46:21

Langutani vatatisi va yena va kotisa marhole lama nonisiweke, hikuva na vona va rhendzeleka, va baleka swin'we, a va yimi siku ra vona ra makhombo ri va tela, siku ro holoveriwa ra vona.

Yeremiya 16:18

Kambe, eku sunguleni, ndzi ta va rihisela kambirhi ku homboloka ka vona ni ku dyoha ka vona, hikuva va nyamisile tiko ra mina hi manyala ya vona, kambe va tatile ndzhaka ya mina hi mitsumbu ya swikwembu swa vona leswi sandzekaka.”

Yeremiya 11:23

Ku nga ka ku nga phonyoki na un'we wa vona, hikuva ndzi ta vangela vanhu va Anatoto khombo hi lembe ra ku biwa ka vona.’ ”

Yeremiya 8:11

Kutani va ongola hi ku olova mbanga ya n'wana wa tiko ra mina, loko va ku: ‘Ku rhurile, ku rhurile!’ Kasi a ku na ku rhula.

Yeremiya 6:14

Kutani va ongola hi ku vevuka mbanga ya n'wana wa tiko ra mina. Va ku: ‘Ku rhurile, ku rhurile!’ Kasi a ku na ku rhula.

Esaya 44:25

Ndzi endle ku bvumbha ka vangoma xilo xa hava, ndzi hlanyisa va bvumbhi, ndzi tlherisele ndzhaku tintlhari, ndzi hundzula vutlhari bya tona vuphukuphuku.

Esaya 34:8

Hikuva Yehovha u vekile siku ro rihisa ni lembe ro rihisa, leri a nga ta rihisa Siyoni ha rona.

Esaya 26:11

Yehovha, voko ra wena ri ni matimba, kambe a va ri voni. Va ta vona ku hiseka ka wena loku u hisekelaka tiko ra wena hakona, kutani va ta va ni tingana. Ndzilo wu ta hisa lava nga valala eka wena.

Yeremiya 23:13

“Ndzi tshama ndzi vona vuphukuphuku bya vaprofeta va Samariya, a va profeta ha Baali, a va hambukisa tiko ra mina ra Israele.

Yeremiya 25:14

Hikuva, na vona va ta vekiwa ehansi ka matiko lamakulu, ni tihosi letikulu, kutani ndzi ta tlherisela eka vona hi ku endla ka vona ni mitirho ya mavoko ya vona.”

Ezekiele 9:10

Na mina ndzi nga ka ndzi nga va tsetseleri, ndzi nga ka ndzi nga va tweli vusiwana, ndzi ta va rihisa mitirho ya vona etinhlokweni ta vona.”

Hosiya 8:13

Va ri va endla magandzelo, swi va switlhavelo swa mina; e-e, va tlhavela ku dya nyama ntsena; Yehovha a nga tsakisiwi hi vona. Sweswi, u ta tsundzuka ku homboloka ka vona, a avanyisa swidyoho swa vona; vona va ta tlhelela eEgipta.

Hosiya 14:1

Israele, tlhelela eka Yehovha, Xikwembu xa wena, hikuva u wile hikwalaho ka ku dyoha ka wena.

Hosiya 5:9

Efrayimi u ta hundzuka mananga esikwini ra ku biwa; exikarhi ka tinyimba ta Israele ndzi tivisa mhaka leyi tiyeke.