Hosiya 9:15 - Xitsonga (Bibele)

¹⁵ Vumbabva bya vona hinkwabyo byi le Giligala; hikuva hi kona ndzi va vengeke, Hikwalaho ka ku biha ka ku famba ka vona, ndzi ta va hlongola endlwini ya mina. A ndzi nga ha tshami ndzi va rhandza, tihosi ta vona hinkwato i vatiarisi.

BIBELE Mahungu Lamanene

¹⁵ Mintirho ya vona hinkwayo leyo biha yi kumeka eGiligala; hi laha ndzi sunguleke kona ku va venga. Kutani leswi va endleke swo homboloka, ndzi ta va hlongola va suka laha tikweni ra mina. A ndzi nga ha tlheri ndzi va rhandza; varhangeri va vona hinkwavo va tinonon'hwisa ngopfu.

Hosiya 9:15 Referans Kwoze

Hosiya 12:11

Ndzi vulavurile ni vaprofeta, ndzi andzisile swikombiso, kambe hi vaprofeta ndzi vulavurile swifaniso.

Hosiya 4:15

Loko ku oswana wena, Israele, Yuda yena a nga tshuki a tilavela nandzu! Mi nga tshuki mi ya Giligala, mi nga tlhandlukeli eBeta-Avene; mi nga tshuki mi hlambanya mi ku: “Ha Yehovha la hanyaka!”

Esaya 1:23

Tihosi ta wena ta tiarisa, ti kucetelana ni vayivi, hinkwato ti rhandza ngopfu ku nyikiwa, ti tsutsumela ku hakeriwa; a ti avanyiseli xisiwana, timhaka ta noni a ti fiki eka tona.

Amosi 5:5

“Mi nga tshuki mi lava Betele, mi nga tshuki mi ya eGiligala, mi nga tshuki mi hundzela eBerexeba; hikuva Giligala u ta yisiwa evukhumbini, Betele a endliwa swahava.”

1 SAMIELE 7:16

Lembe rin'wana ni rin'wana a a suka, a ya rhendzeleka hi Betele, na Giligala, na Mispa, a avanyisela Israele emitini hinkwayo leyi.

Sofoniya 3:3

Tihosi ta wona, i tinghala leti dzumadzumaka exikarhi ka wona; vaavanyisi va wona, i timhisi ta madyambu leti nga hlayiseriki nchumu swa mundzuku.

Mikiya 6:5

Tiko ranga, anakanya makungu lawa Balaka, hosi ya Mowabu ingi a ma lunghisile, ni leswi Balaama, n'wana Beyori, a n'wi hlamuleke swona, ni leswi humeleleke Xitimi ku ya fika eGiligala, u ta tiva ku endla ka Yehovha loku lulameke.”

Timhaka 4:27

Hikuva kunene Heroda na Pontiyo Pilato, ni vamatiko, ni tinxaka ta Israele va hlangene kun'we emutini lowo, ku lwa na Yesu, nandza wa wena la hlawuriweke, loyi u nga n'wi tota,

Zakariya 11:8

Ndzi lovisa varisi vanharhu hi n'hweti yin'we; ntsena moya wa mina wu herisiwa mbilu hi tinyimpfu; na tona, mimoya ya tona yi phiriwa hi mina.

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Amosi 5:27

Hikwalaho ndzi ta mi yisa evukhumbini, halahaya ka Damaska,” ku vula Yehovha, loyi vito ra yena a nga Xikwembu xa tinyimpi.

Amosi 4:4

“Yanani eBetele, mi dyoha, yanani eGiligala, mi andzisa ku dyoha kona! Humesani magandzelo ya n'wina nimixo siku rin'wana ni rin'wana, hi siku ra vunharhu mi humesa vukhume bya leswi mi swi fuweke.

Hosiya 9:17

Xikwembu xa mina xi ta va cukumeta, hikuva a va swi twanga, kutani va ta va vatsendzeleki exikarhi ka matiko.

Hosiya 9:3

Va nga ka va nga hlweri etikweni ra Yehovha; Efrayimi u ta tlhelela eEgipta, ni le tikweni ra Asiriya, va ta dya leswa thyaka.

Hosiya 7:2

Kutani etimbilwini ta vona a va vuri leswaku ndzi tsundzuka mona wa vona. Sweswi, swiendlo swa vona swi va rhendzerile; swi le mahlweni ka mombo wa mina.

Hosiya 4:9

Hikwalaho, tiko ri ta humelela hi mhaka yi ri yin'we ni muprista, kutani ndzi ta karihela mikhuva ya vona, ndzi va endla hi swiendlo swa vona.

Hosiya 3:4

Hikuva hi masiku lamanyingi, vana va Israele va ta tshama va nga ri na hosi ni tihosana, va nga ri na magandzelo ni xifaniso, va nga ri na efodi na “titerafi”.

Hosiya 1:9

hikuva a mi vanhu va mina; mina a ndzi nga ha vi Xikwembu xa n'wina.

Hosiya 1:6

Kutani a engeta a tika, a veleka wanhwanyana; kutani Yehovha a ku eka Hosiya: “N'wi thye vito ra Lo-Ruhama (la nga tsetseleriwangiki); hikuva a ndzi nga ha tsetseleli yindlu ya Israele hi ku yi rivalela.

Ezekiele 23:18

A kombisa vuoswi bya yena, a tlomula vuxeti bya yena, kutani moya wa mina wu hambana na yena, kukotisa leswi moya wa mina wu hambaneke ni makwavo.

Ezekiele 22:27

“Tihosana ta rona exikarhi ka rona ti fana ni timhisi leti handzulaka mbhari; ti halata ngati, ti lovisa mimoya ya vanhu leswaku ti andzisa rifuwo ra tona.

Yeremiya 11:15

“Murhandziwa wa mina wa ha ri ni mhaka yihi endlwini ya mina, loko va ri karhi va endla manyala lamanyingi kona xana? Kambe nyama leyi hlawulekeke yi ta susiwa eka wena. Kakuloko u endla ku biha, hi kona u tsakaka.”

Yeremiya 5:5

Ndzi ta ya eka vakulukumba, ndzi vulavula na vona, hikuva vona va tiva ndlela ya Yehovha, ni nawu wa Xikwembu xa vona. Kambe, na vona hinkwavo, va tshovile joko, va tshunxile mapindza.

Yeremiya 3:8

Hambi ndzi tshikile Israele muhundzuki, hikwalaho ka mikhuva ya yena hinkwayo ya vuoswi, kutani ndzi n'wi nyikile papila ra ku n'wi tshika, hambiloko swi ri tano Yuda, makwavo la nga tshembekangiki, a nga chavanga; na yena a famba, a ya oswa.

Pisalema 78:60

Xi tshika vuako bya Xilo, Ntsonga lowu ngi xi tshame eka wona exikarhi ka vanhu,

Yoxuwa 10:43

Kutani Yoxuwa ni Vaisraele hinkwavo va tlhelela emixaxeni, eGiligala.

Levhitika 26:30

Ndzi ta hlanhla swivandla leswi tlakukeke swa n'wina, ndzi wisa maribye lama yimiseriweke dyambu, kutani ndzi veka mitsumbu ya n'wina ehenhla ka mitsumbu ya swikwembu swa n'wina swa swifaniso, moya wa mina wu va wu mi nyenyetsa.

Timhaka 5:21

Kuteloko va twile sweswo, va nghena etempeleni loko ri xa, kutani va dyondzisa kona.

Yeremiya 12:8

Hikuva eka mina, ndzhaka ya mina yi kotisa nghala leyi nga exihlahleni, leyi ndzi dzumadzumelaka; ndzi yi vengile hakona.

Hosiya 12:2

Efrayimi u tixurhisa hi moya, u landzela moya wa le vuxeni. Siku hinkwaro u andzisa vunwa ni ku onhaka. Va endle xinakulobye na Asiriya, kutani va yisa mafurha eEgipta.

Yeremiya 15:1

Kambe Yehovha a ku eka mina: “Hambiloko Muxe na Samiele va nga yima emahlweni ka mina, mbilu ya mina a yi nga tlheri eka tiko leri. U ri hlongola emahlweni ka mina, ri suka.