Hosiya 9:10 - Xitsonga (Bibele)

¹⁰ Ndzi kume Israele a ri eka mina kukotisa mihandzu ya vhinya leyi kumiwaka emananga; ndzi vonile vatata wa n'wina kukotisa swirhangana swa nkuwa lowu sungulaka ku veka. Kasi vona va ye Baala-Peyori, va tihlawulela leswa tingana, va va va hundzuka manyala kukotisa swigangu swa vona.

BIBELE Mahungu Lamanene

¹⁰ N'wina va tiko ra Israele, ndzi mi kumile mi fana ni mirhi ya vhinya emananga; vatata wa n'wina, ndzi va vonile va fana ni matatana; kambe loko va fika eBaala-Peyori, va sungurile ku tinyiketa eka Baali, va tithyakisa ku fana ni xilo lexi a va xi rhandza xo khomisa tingana.

Hosiya 9:10 Referans Kwoze

Hosiya 4:14

Ndzi nga ka ndzi nga tshinyi vanhwanyana va n'wina, loko va tiendla swigangu, ni vasati va n'wina loko va oswana; hikuva n'wina mi ya hitlhelo ni vasati va mbiri, kutani mi endla magandzelo, n'wina, ni tinghwavava. Tiko leri a ri na ku twisisa; ra lahleka.

Yeremiya 11:13

Hikuva, wena Yuda, nhlayo ya swikwembu swa wena yi ringana ni miti ya wena! Kambe nhlayo ya tialitari ta tingana, ti nga tialitari leti ku hiseriwaka Baali mirhi ya risuna, yi fana ni nhlayo ya mitsendzele ya Yerusalema.’

Mikiya 7:1

Yo mina! Ndzi kotisa nsimu loko ku tshoveriwe mihandzu ya yona, ni nsimu ya tivhinya leyi nkun'hurisiweke; a ka ha ri na xidzumba xa vhinya lexi nga dyiwaka, ni swingana swa nkuwa leswi rhandziwaka hi moya wa mina.

Hosiya 2:15

Hilaha ndzi nga ta n'wi vuyisela masimu ya yena ya vhinya, ndzi n'wi nyika ni nkova wa Akora (dzolonga) yi va nyangwa ya ku tshemba; kutani kwalaho u ta hlamula kukotisa emasikwini ya vuntshwa bya yena, ni kukotisa esikwini leri a nga huma ha rona loko a suka etikweni ra Egipta.

Ezekiele 20:8

“Kambe va tiarisa eka mina, va nga pfumeri ku ndzi yingisa, hambi a ri un'we wa vona a nga tshikanga ku homboloka ka mahlo ya yena, hambi ku fularhela swifaniso swa Egipta, kutani ndzi ku, ndzi ta chulula vukari bya mina ehenhla ka vona, ni ku hetisa vukari bya mina ehenhla ka vona etikweni ra Egipta.

Amosi 4:5

Magandzelo ya n'wina ya mikhenso mi endla ni comela; mi lerisa ni mihlengo leyi humesiwaka hi ku tirhandzela ka munhu, hikuva hi leswi mi swi rhandzaka, n'wina, vana va Israele,” ku vula Hosi Yehovha.

Hosiya 11:1

Israele loko a ha ri ntsongwana, ndzi n'wi rhandzile, ndzi vita n'wananga a huma eEgipta.

Yeremiya 31:2

Ku vula Yehovha: “Tiko leri siyiweke hi matlhari, ri vonile tintswalo emananga, A hi yeni, hi ta nyika Israele ku wisa.

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

Esaya 28:4

xi ta fana ni xiluva lexi vuneke, vubombi bya vona enhlohlorhini ya nkova lowu noneke, xi ta fana ni kuwa ro rhangela ximumu; kakuloko muhundzi a ri vona, a tshambuluta voko, a kha, a ri mita.

Pisalema 81:12

Hi laha ndzi va tshikeke eku tiariseni ka timbilu ta vona, Va landzela switsundzuxo leswi nga swa vona ...

1 TIHOSI 16:31

A nga kolwanga ku endla swidyoho leswi endliweke hi Yerobuwamu, n'wana Nebati, kambe a engeta a teka Yezabele, n'wana Eti-Baali, hosi ya Vasidoni, kutani a ya tirhela Baali, a khinsama emahlweni ka yena.

Vaavanyisi 6:32

Hi siku rero, Gidiyoni a thyiwa Yerubaali (Baali a a tilwele), va ku: “Baali a a tilwele leswi va nga mbundzuxa alitari ya yena.”

Duteronoma 32:17

Va gandzerile mademona ku nga ri Xikwembu, Ni swikwembu leswi va nga swi tivangiki, Swi ri leswintshwa, leswi fikeke sweswi, Leswi vatata wa n'wina va nga swi chavangiki.

Duteronoma 32:10

“U n'wi biyerile, u n'wi wundlile, U n'wi hlayisile kukota xanga ya tihlo ra yena,

Duteronoma 4:3

“Mahlo ya n'wina ma vonile leswi Yehovha a swi endleke hikwalaho ka Baala-Peyori; hikuva munhu un'wana ni un'wana la landzeke Baala-Peyori, Yehovha, Xikwembu xa wena, xi n'wi herisile xikarhi ka n'wina.

Tinhlayo 15:39

Swi va eka n'wina xilo lexi vonakaka; kutakuloko mi xi languta, mi ta anakanya milawu hinkwayo ya Yehovha ku yi endla, mi nga tshuki mi lahleka hi ku landza timbilu ta n'wina ni mahlo ya n'wina, kasi swirho leswi swi mi koka evuoswini.

Varhoma 6:21

Emikarhini yoleyo a mi tshovela yini xana? Mi khomisiwa tingana ha swona sweswi, hikuva makumu ya swona i rifu.

Pisalema 115:8

Lava swi vumbaka va fana na swona, Ni hinkwavo lava swi tshembaka.

Yeremiya 3:24

Tingana ti dyile nyuku wa vatata wa hina ku sungula evuntshweni bya hina, tinyimpfu ta vona ni tihomu ta vona, ni vana va vona va xinuna ni va xisati.

Yeremiya 24:2

Xirhundzu xin'wana a xi ri ni makuwa yo nandziha, kukotisa makuwa ya swirhangana, xirhundzu xin'wana xi ri ni makuwa yo biha ngopfu, lama nga dyekiki hi ku biha ka wona.

Hosiya 4:18

Ku nwa ka vona ku borile; va oswa ni ku oswana; lava nga switlhangu eka vona, va rhandza swa tingana.

Tinhlayo 18:13

Swirhangana hinkwaswo swa leswi milaka etikweni ra vona leswi va nga ta swi tisa eka Yehovha, swi ta va swa wena. Un'wana ni un'wana la tengeke endlwini ya wena, u ta swi dya.

2 TIHOSI 17:11

Va hisile mirhi ya risuna eswitsungeni hinkwaswo, kukotisa matiko lawa Yehovha a ma suseke emahlweni ka vona; va endlile swilo leswo biha ku pfuka Yehovha.

Risimu ra Tinsimu 3:6

I mani loyi a humelelaka emananga Ku fana ni hunguva ya musi, La nun'hwelaka hi mirha ni mirhi ya risuna, Ni maakha hinkwawo ya vaxavisi xana?

Yeremiya 3:25

Hi funengerile tingana ta hina, hi ambarile xisandzu xa hina; hikuva hi dyohele Yehovha, Xikwembu xa hina, hina ni vatata wa hina, ku sungula evuntshweni bya hina ku fika siku leri, kambe a hi yingisanga rito ra Yehovha, Xikwembu xa hina.”

Hosiya 13:5

Mina, ndzi ku tivile emananga, etikweni leri omeke.