Hosiya 8:6 - Xitsonga (Bibele)

⁶ Hikuva lero ri hume eka Israele; ri endliwe hi mufuri, a hi Xikwembu; rhole ra Samariya ri ta pfotlotiwa.

BIBELE Mahungu Lamanene

⁶ Rhole ra kona ri endliwile hi mavoko ya vanhu va Israele; rhole leri ra Samariya, a hi xikwembu, ri ta fayeteriwa!

Hosiya 8:6 Referans Kwoze

Timhaka 19:26

kutani ma swi vona, ni ku swi twa leswaku Pawulo loyi, u khorwisile vanhu lavo tala, ku nga ri eEfesa ntsena, kambe swi lava ku va etikweni ra Asiya hinkwaro, a va hambukisa, a ku: ‘Swikwembu leswi endliweke hi mavoko a hi swikwembu.’

Timhaka 17:29

Kutani leswi hi nga rixaka ra Xikwembu, a hi fanelanga ku anakanya leswaku vukwembu byi fana ni nsuku, hambi ntsopfu, kumbe ribye, yi nga mitirho ya vutlhari ni miehleketo ya vanhu.

Habakuku 2:18

Xifaniso lexi vatliweke xi pfuna yini leswi muvatli wa xona a xi vatleke; ni xifaniso lexi chuluriweke, lexi dyondzisaka vunwa, leswaku muvatli a titshembela eka lexi vatliweke hi yena, a ta swi endla swikwembu leswi nga vulavuriki?

Hosiya 10:2

Timbilu ta vona ti ni mano; kutani va ta hlayeriwa milandzu. Xikwembu xi ta mbundzuxa tialitari ta vona, xi herisa swifaniso swa vona.

Yeremiya 50:2

“Tivisani sweswo exikarhi ka matiko, mi ti twarisa, mi yimisa mujeko; va byeleni, mi nga fihli, mi ku: ‘Babilona u khomiwile, Bele u khomisiwe tingana, Merodaka u tshoviwile; swifaniso swa yena swi khomisiwile tingana, swikwembu swa yena swi tshoviwile.’

Yeremiya 10:14

Munhu un'wana ni un'wana u hungukile hi ku pfumala ku tiva; kutani munyukisi un'wana ni un'wana a khomisiwa tingana hi xifaniso xa yena, hikuva xifaniso xa yena i vunwa ntsena, a ku na ku hefemula ka xona.

2 TIKRONIKA 31:1

Swilo hinkwaswo leswi, kuteloko swi herile, Vaisraele hinkwavo lava ngi va ri kona va suka ku ya emitini ya Yuda, va ya faya swifaniso, va tsema swihlahla swa swifaniso swa Axera va mbundzuxa tindhawu leti tlakukeke ni tialitari ta tiko hinkwaro ra Yuda ni ra Benjamini, ni ra Efrayimi na Manase va ko va heta. Kutani vana va Israele hinkwavo va tlhelela emitini ya vona, un'wana ni un'wana endzhakeni ya yena.

2 TIHOSI 23:19

Yosiya a susa ni tindlu hinkwato ta switsunga leti ngi ti ri emitini ya tiko ra Samariya, leti endliweke hi tihosi ta Israele ku pfuka Yehovha; a endla ha tona hinkwaswo leswi a swi endleke eBetele.

2 TIHOSI 23:15

Hambi yi ri alitari leyi nga eBetele, ni xitsunga lexi endliweke! Yerobuwamu, n'wana Nebati, la dyohiseke Israele, a mbundzuxa alitari yoleyo ni xitsunga; a hisa yindlu ya xitsunga, a yi endla ntshuri, a hisa ni xifaniso xa Axera.

Yeremiya 48:13

Mowabu u ta khomisiwa tingana hi Kemoxi, kukota loko yindlu ya Israele yi tshama yi khomisiwa tingana hi Betele, ku tshemba ka vona.

Hosiya 13:2

Kambe ni sweswi, va ha tiyisela ku dyoha; hi silivhere ya vona va tiendlela swifaniso leswi chuluriweke, swi nga swifaniso swa swikwembu hilaha va tianakenyeleke hakona; hinkwaswo leswi, i mitirho ya vafuli. Hikwalaho ka swona va ku: Lava yisaka magandzelo a va ntswontswe marhole!

Hosiya 14:3

Vaaxuru va nga ka va nga hi hanyisi; tihanci, hi nga ka hi nga ti khandziyi, kutani ntirho wa mavoko ya hina, a hi nga ha wu viti swikwembu swa hina, hikuva eka wena, xisiwana xi vona tintswalo.”

2 TIKRONIKA 13:8

Sweswi mi ehleketa ku kuma matimba emahlweni ka vuhosi bya Yehovha, lebyi nga emavokweni ya vana va Davhida; mi vunyingi lebyikulu, kutani mi ni marhole ya nsuku lawa Yerobuwamu a mi endleleke ku va swikwembu swa n'wina.

Mikiya 1:7

Swifaniso hinkwaswo swa yena leswi vatliweke swi ta fayeteriwa, ni tinyiko leti nga amukeriwa hi yena ti ta hisiwa, ndzi va ndzi onha swifaniso swa yena hinkwaswo; hikuva u tilavele swona hi hakelo ya vumbhisa, swi ta tlhela swi hundzuka hakelo ya mbhisa.