Hosiya 8:1 - Xitsonga (Bibele)

¹ Veka nanga enon'wini wa wena. Xirha xi haha kukotisa gama, xi wela ehenhla ka yindlu ya Yehovha hikuva va tlule ntwanano wa mina va hundzukele milawu ya mina.

BIBELE Mahungu Lamanene

¹ Bana mhalamhala! Valala va lava ku juma tiko ra Israele ku fana ni magama; hikuva vanhu va tshovile ntwanano wa mina, va tlula ni nawu wa mina.

Hosiya 8:1 Referans Kwoze

Hosiya 6:7

Kambe vona va tlule ntwanano kukotisa Adama; laha, va ndzi endlele vuntswaka.

Duteronoma 28:49

“Yehovha u ta ku pfuxela tiko leri nga ekule, ri nga emakun'wini ya misava, tiko leri fanaka ni gama loko ri haha, tiko leri u nga ka u nga twisisi ririmi ra rona;

Hosiya 5:8

Yimbani mhalamhala eGibeya, mi yimba nanga eRhama; banani nkosi eBeta-Avene: Xirha xi le ndzhaku ka wena, Benjamini!

Yeremiya 4:13

Langutani muonhi u tlhandluka kukotisa mapapa; tigolonyi ta yena ti kotisa xidzedze; tihanci ta yena ti tlula makoti hi ku tsutsuma; khombo ri le ka hina, hikuva ha borisiwa!

Habakuku 1:8

Tihanci ta rona ti vevuka ku tlula tiyingwe, ti tsutsuma ngopfu ku tlula timhisi ta madyambu; vakhandziyi va rona va famba hi ku tikurisa; vakhandziyi va rona va pfa hi le kule va haha kukotisa koti leri tilunghiselaka ku wela swakudya swa rona.

1 Vakorinto 15:52

hi nkarhinyana lowu fanaka ni ku copeta ka tihlo, hi mhalamhala ya makumu; hikuva mhalamhala yi ta biwa, kutani vafi va ta pfuka va ri lava nga ha boriki, na hina hi ta hundzuka.

Matewu 24:28

Hikuva laha ntsumbu wu nga kona, hilaha makoti ma nga ta hlengeletana kona.

Zakariya 11:1

Wena, Lebanoni, pfula tinyangwa ta wena, ndzilo wu ta hisa tikedari ta wena!

Zakariya 9:14

Yehovha u ta humelela a tlakuka ehenhla ka vona, nseve wa yena wu ta copiwa kukota rihati. Hosi Yehovha u ta yimba nanga, u ta famba a ri exidzedzeni lexi humaka edzongeni.

Sofoniya 1:16

I siku ra mhalamhala ni ra nkosi lowu tlhavelaka miti leya makhokholo ni ya marhangu layo tlakuka.

Amosi 9:1

Ndzi vonile Hosi yi yimile ekusuhi ni alitari, yi ku: “Bana xihlungwana xa yindlu, ku ninginika ni marimba ya nyangwa; u swi tshovela henhla ka tinhloko ta vona hinkwavo. Lava seleke ndzi ta va dlaya hi fumu; ku nga ka ku nga vi na un'we eka vona la nga ta baleka, ni loko a ri un'we la nga ta pona.

Amosi 8:3

Tinsimu ta yindlu ya vuhosi, ti ta hundzuka swirilo hi siku rero,” ku vula Hosi Yehovha. “Ku ta tala mitsumbu, yi ta cukumetiwa hinkwako, ku miyeriwile.”

Amosi 3:6

Nanga loko yi yimbiwa emutini, xana vanhu a va tshuki hinkwavo xana? Xana khombo ri nga humelela emutini ri nga humesiwi hi Yehovha?

Yuwele 2:1

Yimbani timhalamhala eSiyoni, mi yimba tinanga entshaveni ya mina leyo kwetsima! Vaaki hinkwavo va tiko a va rhurhumele, hikuva siku ra Yehovha ra ta, ri fikile,

Hosiya 9:15

Vumbabva bya vona hinkwabyo byi le Giligala; hikuva hi kona ndzi va vengeke, Hikwalaho ka ku biha ka ku famba ka vona, ndzi ta va hlongola endlwini ya mina. A ndzi nga ha tshami ndzi va rhandza, tihosi ta vona hinkwato i vatiarisi.

Hosiya 4:6

Vanhu va mina va hela hi ku pfumala ku tiva. Leswi wena u sandzeke ku tiva, ndzi ta ku sandza, u nga ha vi muprista wa mina; leswi u riveleke nawu wa Xikwembu xa wena, na mina ndzi ta rivala vana va wena.

Ezekiele 16:59

“Hikuva ku vula Hosi, Yehovha: Ndzi ta ku endla hilaha u endleke hakona, kasi u sorile ku hlambanya ka wena loko u onhile xinakulobye.

Ezekiele 7:14

Va tlhavile mukhosi, va lunghisile hinkwaswo, kambe a ku na loyi a humaka nyimpi, hikuva vukari bya mina byi le henhla ka vunyingi hinkwabyo bya vona.

Yeremiya 51:27

“Yimisani mujeko etikweni, mi yimba nanga ematikweni, mi n'wi pfuxela matiko, mi hlengeleta ku fuma ka Ararata, ni ka Mini, ni ka Axikenazi ku lwa na yena, mi veka tindhuna ta nyimpi; tshinetani tihanci, ti tlhandluka kukota tinjiya ta dyandza.

Yeremiya 48:40

Hikuva ku vula Yehovha: “Vona, u haha kukota gama, u dlamula timpapa ta yena tlhelo ra Mowabu.

Yeremiya 31:32

Ku nga ri kukota ntwanano lowu ndzi wu endleke na vatata wa vona siku ndzi va khomaka hi voko ku va humesa etikweni ra Egipta, va nga lava nga tshova ntwanano wa mina, kasi a ndzi ri n'wini wa vona, ku vula Yehovha.

Yeremiya 6:1

“Vana va Benjamini, balekani exikarhi ka Yerusalema, mi yimba nanga eTekowa, yimisani xikombiso eBeta-Hakereme, hikuva khombo ri huma etlhelo ra n'walungu, ni ku onha lokukulu.

Yeremiya 4:5

“Byelani Yuda, mi tivisa Yerusalema, mi ku: ‘Yimbani mhalamhala etikweni, huwelelani,’ mi bongosa, mi ku: ‘Hlengeletanani, hi nghena emitini ya makhokholo.’

Esaya 58:1

“Huwelela hi matimba, u nga feleri rito ra wena, ri tlakuse tanihi nanga ku tivisa tiko ra mina e vudyoho bya rona, ni yindlu ya Yakobo swivi swa yona!

Esaya 24:5

Misava yi onhiwe hi vaaki va yona, hikuva va tlule milawu, va dyohele ku lerisa va tshikile xinakulobye lexi nga heriki.

Esaya 18:3

N'wina hinkwenu lava akeke ematikweni hinkwawo, na n'wina vanhu va misava, kutakuloko mujeko wu yimisiwe ehenhla ka tintshava, langutani! Kutakuloko nanga yi yimbiwa, mi yingisela!

2 TIHOSI 18:27

Rhabi-Xake a ku eka vona: “Xana hosi yanga yi ndzi rhumile eka hosi ya wena ni ka wena ku vula marito lawa xana? A hi ka vanhu lava tshameke erirhangwini lava nga ta dya thyaka ra vona, ni ku nwa mitsamakiso ya vona na n'wina xana!”

Yuwele 2:15

Yimbani timhalamhala eSiyoni, mi lerisa ku titsona swakudya, mi rhamba nhlengeletano.

Yeremiya 34:18

Ndzi ta nyiketa vanhu lava tshoveke ntwanano lowu va wu endleke emahlweni ka mina hi rhole leri va tshamaka va ri xeka hi le xikarhi,

Yeremiya 49:22

Vonani, wa tlhandluka kukota gama, u haha, u andlala timpapa ta yena hitlhelo ra Bosira, kutani hi siku lero timbilu ta tinhenha ta Edomu ti ta kota mbilu ya wansati la velekaka.”

Ezekiele 17:3

u ku: Ku vula Hosi Yehovha: Gama lerikulu leri nga ni timpapa letikulu, leto leha, timpapa leti nga ni tinsiva ta mavalavala, ri tile eLebanoni, ri tshovile makumu ya rhavi ra Kedari.

Ezekiele 11:4

Hikwalaho profeta ehenhla ka vona u bvumbha, wena n'wana wa munhu.”