Hosiya 5:4 - Xitsonga (Bibele)

⁴ Swiendlo swa vona a swi va pfumeleli ku tlhelela eka Xikwembu xa vona, hikuva moya wa vuoswi wu le xikarhi ka vona, kutani Yehovha, a va n'wi tivi.

BIBELE Mahungu Lamanene

⁴ Swiendlo swa vanhu lava swi va sivela ku tlhelela eka Xikwembu xa vona. Moya wa vunghwavava wu va nghenile hi matimba, kutani a va ha vuli nchumu hi HOSI.

Hosiya 5:4 Referans Kwoze

Hosiya 4:12

Tiko ra mina ri vutisa mirhi ya rona, kutani nkhavi wa rona wu ri tsundzuxa; hikuva moya wa vuoswi wu va hundzuluxile va oswa ekule ni Xikwembu xa vona.

Yohane 16:3

Va ta mi endla hinkwaswo leswi, hikuva a va tivi Tatana na mina.

Yohane 8:55

kasi a mi n'wi tivanga, kambe mina, ndza n'wi tiva; loko ndzi nga vula ndzi ku: A ndzi n'wi tivi, ndzi nga kotisa n'wina, ndzi va ni vunwa; kambe ndza n'wi tiva, kutani ndzi hlayisa rito ra yena.

Hosiya 4:6

Vanhu va mina va hela hi ku pfumala ku tiva. Leswi wena u sandzeke ku tiva, ndzi ta ku sandza, u nga ha vi muprista wa mina; leswi u riveleke nawu wa Xikwembu xa wena, na mina ndzi ta rivala vana va wena.

Hosiya 4:1

Twanani rito ra Yehovha, n'wina vana va Israele! Hikuva Yehovha u tengisa vaaki va tiko, hikuva a ku na vunene, ni ku tsetselela, ni ku tiva Xikwembu etikweni.

Yeremiya 50:38

Dyandza a ri ve ehenhla ka mati ya yena; leswaku ma phya; hikuva i tiko ra swifaniso leswi vatliweke, kutani va huhela swikwembu swa vona.

Yeremiya 24:7

Ndzi ta va nyika timbilu leti tivaka leswaku ndzi Yehovha; ri ta va tiko ra mina, mina ndzi va Xikwembu xa vona hikuva va ta hundzukela ka mina hi timbilu hinkwato ta vona.

Yeremiya 9:24

kambe la tidzunisaka a a tidzunisele emhakeni leyi: hileswaku u ni ku twisisa ni vutlhari bya ku ndzi tiva, hikuva hi mina Yehovha ndzi endlaka hi musa, ni mfanelo, ni lexi lulameke emisaveni; hikuva ndzi tsakisiwa hi swona,” ku vula Yehovha.

Yeremiya 9:6

U akile exikarhi ka lavo homboloka; hi mano ya vona va ala ku ndzi tiva,” ku vula Yehovha.

Pisalema 78:8

Va nga tshuki va fana ni vatata wa vona, Rixaka ra ku tiarisa, ro dzumadzuma, Rixaka leri nga fambiki hi mbilu yo tiya, Leri moya wa rona, wu nga tshembiki Xikwembu.

Pisalema 9:10

Lava tivaka vito ra wena va titshembisa ha wena; Hikuva wena Yehovha, a ku tshiki lava ku lavaka.

1 SAMIELE 2:12

Vana va Heli a va ri vana va Beliyali (lavo biha); a va nga tivi Yehovha.

Hosiya 4:14

Ndzi nga ka ndzi nga tshinyi vanhwanyana va n'wina, loko va tiendla swigangu, ni vasati va n'wina loko va oswana; hikuva n'wina mi ya hitlhelo ni vasati va mbiri, kutani mi endla magandzelo, n'wina, ni tinghwavava. Tiko leri a ri na ku twisisa; ra lahleka.

Hosiya 7:11

Efrayimi u fana ni tuva lero rivala; a nga na ku anakanya. Va ka Efrayimi va vita Vaegipta, va rhumela eka Vaaxuru.

Hosiya 13:13

Ku vaviseka ka mbeleko ku ta n'wi humelela. Yeloyi i n'wana wa xihunguki, hikuva a nga tihumelerisi enkarhini wa kona, leswaku a tswariwa.

Hosiya 4:11

Vooswi, ni vhinyo, ni byalwa swi herisa miehleketo.

Hosiya 8:11

Hikuva Efrayimi u tiyisile ku aka tialitari hi ku dyoha, tialitari ti ta n'wi dyohisa.