Hosiya 4:12 - Xitsonga (Bibele)

¹² Tiko ra mina ri vutisa mirhi ya rona, kutani nkhavi wa rona wu ri tsundzuxa; hikuva moya wa vuoswi wu va hundzuluxile va oswa ekule ni Xikwembu xa vona.

BIBELE Mahungu Lamanene

¹² Vanhu va mina va vutisa timhaka emhandzeni, nhonga ya vona i mutsundzuxi wa vona! Moya wa vunghwavava wu va lahlekisile ndlela, va ndzi tshikile mina Xikwembu xa vona va landza swikwembu swin'wana.

Hosiya 4:12 Referans Kwoze

Hosiya 5:4

Swiendlo swa vona a swi va pfumeleli ku tlhelela eka Xikwembu xa vona, hikuva moya wa vuoswi wu le xikarhi ka vona, kutani Yehovha, a va n'wi tivi.

Yeremiya 2:27

va nga lava nge eka murhi: ‘U tatana,’ ni ka ribye va ku: ‘Hi velekiwe hi wena.’ Hikuva va ndzi kombile xikosi, wu nga ri mombo hambi siku va humeleriwaka hi khombo, va ku: ‘Yima, u hi ponisa!’

Habakuku 2:19

U ni khombo la nge eka ntsandze: “Pfuka!” ni ka ribye ra mbheveve: “Yima!” Xana ku ta dyondzisa rona-ke? Vonani, ri namarhetiwe hi nsuku ni silivhere; a ku na moya eka rona.

Duteronoma 31:16

Yehovha a ku eka Muxe: “Waswivo, u ta ya etlela ni vatata wa wena; kambe tiko leri ri ta pfuka ri ya oswana ni swikwembu swin'wana swa misava leyi ri nga ta nghena eka yona; ri ta ndzi tshika, kutani ri ta tlula ntwanano wa mina lowu ndzi wu endleke na rona.

Tinhlayo 15:39

Swi va eka n'wina xilo lexi vonakaka; kutakuloko mi xi languta, mi ta anakanya milawu hinkwayo ya Yehovha ku yi endla, mi nga tshuki mi lahleka hi ku landza timbilu ta n'wina ni mahlo ya n'wina, kasi swirho leswi swi mi koka evuoswini.

Mikiya 2:11

Loko munhu a ri kona la fambelaka swahava, u xisa, a ku: “Ndzi ta ku bvumbhela vhinyo ni byalwa!” Muprofeta loyi a nga va yena la lulamelaka tiko leri.

Hosiya 9:1

U nga tsaki, Israele, hi ku tsakisisa kukotisa matiko, hikuva u sukele Xikwembu xa wena hi ku oswana kutani u rhandzile hakelo ya vuoswi eswivuyeni hinkwaswo swa koro.

Ezekiele 21:21

Oho fumu, u hlanganisa u tlhava eka lera xinene; angamela, u tlhava eka le ra ximatsi, ematlhelo hinkwawo laha ku kongomekaka kona.

Yeremiya 10:8

Hinkwavo va hungukile va rivele; dyondzo ya swifaniso swa vona i murhi ntsena, ni silivhere leyi furiweke leyi pfaka Tarxixi, ni nsuku lowu humaka eUfazi;

Pisalema 73:27

Hikuva, waswivo lava tshinelaka ekule na wena va ta fa. U herisa hinkwavo lava ku fularhelaka.

2 TIKRONIKA 21:13

kambe u fambile etindleleni ta tihosi ta Israele, u kuceterile va Yuda ni vaaki va Yerusalema, evuoswini, hilaha yindlu ya Akabu yi endleke hakona, kambe u dlayile ni vamakwenu va yindlu ya tata wa wena, lava ku tluleke hi vunene,

Levhitika 20:5

mina ndzi ta languta hi vukari munhu loyi ni yindlu ya yena, ndzi n'wi susa etikweni ra yena, swin'we ni hinkwavo lava tinyiketaka vuoswi kukotisa yena, hi ku oswana na Moloko.

Levhitika 17:7

Va nga ha humesi magandzelo ya vona eka swikwembu leswi va oswanaka na swona. Wu va eka vona nawu lowu nga heriki etinxakeni ta tinxaka.’

Pisalema 106:39

Na vona va tichela hi thyaka hi mitirho ya vona, Ni mitirho ya vuoswi bya vona.

Hosiya 14:3

Vaaxuru va nga ka va nga hi hanyisi; tihanci, hi nga ka hi nga ti khandziyi, kutani ntirho wa mavoko ya hina, a hi nga ha wu viti swikwembu swa hina, hikuva eka wena, xisiwana xi vona tintswalo.”

Vaavanyisi 18:5

Va ku eka yena: “Wa nga vutisa Xikwembu, hi ta swi tiva loko kunene riendzo ra hina ri ta kateka xana?”

2 TIHOSI 17:7

Hikuva vana va Israele a va dyohele Yehovha, Xikwembu xa vona, loyi a va humeseke etikweni ra Egipta, ehansi ka voko ra Faro, hosi ya Egipta, kutani va chavile swikwembu swin'wana.

Yeremiya 23:13

“Ndzi tshama ndzi vona vuphukuphuku bya vaprofeta va Samariya, a va profeta ha Baali, a va hambukisa tiko ra mina ra Israele.

Ezekiele 20:32

Swi nga ka swi nga vi kona leswi taka etimbilwini ta n'wina, loko mi ku: ‘Hi ta fana ni matiko man'wana ni tinxaka ta matiko man'wana, ku luvela ntsandze ni ribye.’

Hosiya 6:10

Endlwini ya Israele, ndzi vone leswo chavisa; kona ku oswana Efrayimi! Israele wa tinyamisa!