Hosiya 3:1 - Xitsonga (Bibele)

¹ Kutani Yehovha a ku eka mina: “Engeta u ya u rhandza nsati wa vuoswi la rhandziwaka hi xigangu xa yena hi laha Yehovha a rhandzaka vana va Israele, hambi vona va hundzukela eka swikwembu swin'wana, va va va rhandza swidzumba swa mihandzu ya vhinya.”

BIBELE Mahungu Lamanene

¹ Kutani HOSI Xikwembu xi ku ka mina: “Tlhela u ya rhandzana ni wansati wa muoswi loyi a tsakeriwaka hi xigangu xa yena. Leri hi rona rirhandzu leri mina HOSI ndzi rhandzaka vanhu va tiko ra Israele ha rona, hambileswi vona va ndzi dyohelaka hi ku landza swikwembu swin'wana, va tsakela ni swimbhundzwa swa mihandzu ya vhinya leyi omisiweke.”

Hosiya 3:1 Referans Kwoze

Yeremiya 31:20

“Xana Efrayimi i n'wana la rhandziwaka eka mina xana, kumbe n'wana loyi ndzi n'wi tsakelaka xana? Hikuva hi masiku loko ndzi n'wi vula, ndzi anakanya yena hi ku tlurisa; hikwalaho marhumbu ya mina ma pfumaka hikwalaho ka yena; kunene ndzi ta n'wi tsetselela, ku vula Yehovha.

Esaya 45:22

Hundzulekani eka mina, mi va mi ponisiwa, n'wina hinkwenu va le emakun'wini ya misava, hikuva ndzi Xikwembu, ku hava xin'wana.

Mikiya 7:7

Loko ndzi ri mina, ndzi ta languta eka Yehovha, ndzi languta eka Xikwembu xa ku hlayiseka ka mina: Xikwembu xa mina xi ta ndzi yingisa!

Hosiya 11:8

Xana ndzi nga ku lahla, Efrayimi! Ndzi ku tshika, wena Israele! Xana ndzi nga ku lahla, kukotisa muti wa Adama, ndzi ku endla ku fana na Seboyimi! Kambe e-e, mbilu ya mina yi hundzuka endzeni ka mina, mitsetselelo ya mina hinkwayo yi pfukile.

1 Petro 4:3

Hikuva swi ringene loko hi endlile leswi rhandziwaka hi vamatiko, emikarhini leyi hundzeke ya ku hanyaka hina loko ha ha tifambela hi vumbhisa ni ku navela, ni ku pyopyiwa, ni madyo, ni rinwo, ni ku gandzela hi mukhuva lowo biha swikwembu swahava.

Zakariya 1:16

Hikwalaho, ku vula Yehovha, ndzi vuyela eka Yerusalema, hi tintswalo, yindlu ya mina yi ta tlhela yi akiwa kona, ku vula Yehovha wa tinyimpi, kutani ngoti ya ku pima yi ta tshambulutiwa ehenhla ka Yerusalema.

Yeremiya 3:20

Kambe kukotisa wansati la dyelelaka nakulobye hi ririmi, mi ndzi dyelele hi mukhuva wolowo, n'wina va yindlu ya Israele, ku vula Yehovha.’ ”

Pisalema 123:2

Vonani! Tanihi mahlo ya malandza lama langutaka voko ra n'wini va wona, Tanihi mahlo ya nandza wa wansati lama langutaka voko ra n'wini wa yena, Mahlo ya hina ma langutisa sweswo eka Yehovha, Xikwembu xa hina, A kondza a hi twela vusiwana.

1 Vakorinto 10:21

Mi nga ka mi nga nweri xinwelo xa Hosi ni xinwelo xa mademona. Mi nga ka mi nga dyeri etafuleni ra Hosi ni le tafuleni ra mademona.

Amosi 6:6

va nwa vhinyo emikambaneni, va tola mafurha ya oli, kutani a va twisiwi ku vava hi mbanga ya Yosefa.

Amosi 2:8

kutani va etlela etingubyini leti tekiweke hikwalaho ka nandzu emahlweni ka tialitari hinkwato, va nwa vhinyo ya miriho endlwini ya swikwembu swa vona.

Nehemiya 9:31

Kambe hi mitsetselelo ya wena ya ku tala, a ku va hetanga, a ku va fularhelanga, hikuva u Xikwembu xa tintswalo ni vunene.

2 TIHOSI 13:23

Kambe Yehovha a twela Vaisraele vusiwana, a va endla hi tintswalo, a va hundzukela hi mombo, hikwalaho ka ntwanano wa yena na Abrahama, na Isaka, na Yakobo a nga rhandzangi ku va heta, ni ku fika sweswi a nga va cukumetangi ekule ni mombo wa yena.

2 SAMIELE 6:19

kutani a avela swakudya eka tiko hinkwaro vunyingi hinkwabyo bya Israele va ri vavasati ni vavanuna; a nyika un'wana ni un'wana xinkwa xin'we, ni nhluvi wa nyama, ni buwu ra mihandzu ya vhinya. Kavaloko tiko hinkwaro ri muka, un'wana ni un'wana endlwini ya yena.

Vaavanyisi 10:16

Kwalaho, va tshika swikwembu swa matiko leswi ngi swi ri exikarhi ka vona, va tirhela Yehovha; Yehovha a tsetselela Vaisraele hikwalaho ka khombo ra vona.

Vaavanyisi 9:27

Kutani va humela ehandle va tshovela masimu ya yona ya vhinya, va khuvuta mihandzu ya yona, va titsakela, va nghena endlwini ya xikwembu xa vona, va dya, va nwa, va rhuketela Abimeleke.

Eksoda 32:6

Kutani va pfuka ka ha ri mixo, va humesa magandzelo lama hisiwaka, ni magandzelo ya ku khensa; kutani tiko ri tshama hansi, ri dya, ri nwa, kutani va suka va cina.

1 Vakorinto 10:7

Kambe mi nga tshuki mi hundzuka lava khongelaka swifaniso, kukota van'wana exikarhi ka vona, hilaha ku tsariweke leswaku: “Tiko ri tshamele ku dya ni ku nwa, kutani ri yima ri cina.”

Matewu 26:50

Yesu a ku eka yena: “U tele yini halenu, nakulorhi?” Kutani va n'wi tshinelela, va yisa mavoko eka Yesu, va n'wi khoma.

Hosiya 7:5

Hi siku ra nkhuvo wa hosi ya hina, tindhuna ti tivabyisa hi vukari bya vhinyo, yena a tshambuluta voko ra yena eka lava hlekisaka.

Hosiya 4:11

Vooswi, ni vhinyo, ni byalwa swi herisa miehleketo.

1 TIKRONIKA 16:3

Kutani a avela Vaisraele hinkwavo, vavanuna ni vavasati, un'wana ni un'wana xinkwa, ni nhluvi wa nyama ni buwu ra mihandzu ya vhinya.

Risimu ra Tinsimu 2:5

Ndzi tiyiseni hi swimbundzu swa vana va vhinya, Mi ndzi tsakisa hi maapula hikuva ndza vabya hi rirhandzu.

Hosiya 2:5

Hikuva mana wa vona a a ri ni vuoswi; loyi a va velekeke u tiendlile tingana; hikuva u te: ‘Ndzi ta landzela varhandziwa va mina lava nga ndzi nyika vuswa bya mina ni mati ya mina, ni voya bya mina bya tinyimpfu, ni ntsembyana wa mina, ni mafurha ya mina, ni swo nwa swa mina.’