Hosiya 2:14 - Xitsonga (Bibele)

¹⁴ “Hikwalaho, vonani, ndzi ta n'wi khorwisa, ndzi n'wi yisa emananga, ndzi vulavula leswi nga ta khorwisa mbilu ya yena.

BIBELE Mahungu Lamanene

¹⁴ “Sweswi ndzi ta ya bula na yena, ndzi n'wi teka ndzi ya na yena emananga, ndzi ya n'wi byela leswi swi nga ta n'wi tsakisa.

Hosiya 2:14 Referans Kwoze

Nhlavutelo 12:6

Kutani wansati a balekela emananga, laha a lunghiseriweke vutshamo hi Xikwembu, leswaku a phameriwa kona hi masiku ya 1 260.

Esaya 30:18

Hikwalaho Yehovha u ta mi langutela ku mi tsetselela, u ta tshinela a mi tsetselela, hikuva Yehovha i Xikwembu lexi lulameke, xi katekisa hinkwavo lava xi tshembaka!

Nhlavutelo 12:14

Kutani wansati a nyikiwa timpapa timbirhi ta gama lerikulu, leswaku a hahela emananga exivandleni xa yena, laha a phameriwaka kona hi nkarhi wun'we, ni mikarhi mimbirhi, ni hafu ya nkarhi, a ri ekule ni nyoka.

Genesa 34:3

Kutani mbilu ya yena yi namarhela na Dina, n'wana Yakobo, a rhandza lowa nhwanyana, a lava ku n'wi yenga hi marito yakwe.

Yohane 6:44

A ku na munhu la nga taka eka mina, loko a nga kokiwi hi Tatana la ndzi rhumeke, kutani mina ndzi ta n'wi pfuxa hi siku ra makumu.

Hosiya 2:3

Loko swi nga ri tano, ndzi ta n'wi tlomulela, a famba ntsena, ndzi n'wi endla tanihi siku leri a nga velekiwa ha rona, ndzi n'wi vita a va tanihi mananga, ndzi n'wi veka tanihi tiko leri omeke, ndzi n'wi dlaya hi torha.

Ezekiele 20:10

“Ndzi vuya ndzi va humesa etikweni ra Egipta, ndzi va yisa emananga.

Yeremiya 16:14

“Hikwalaho, maswivo, ku ta masiku lawa, ku vula Yehovha, va nga ha tiki tshama, va ku: ‘Yehovha wa hanya, la humeseke vana va Israele etikweni ra Egipta,’

Yeremiya 2:2

“Yana u ya huwelela etindleveni ta Yerusalema, u ku: ‘Ku vula Yehovha a ku: “Ndzi karhi ndzi anakanya ku lulama ka vuntshwa bya wena, ni rirhandzu ra ku teka ka wena, loko u ri karhi u ndzi landza endzhaku emananga, etikweni leri nga rimiwangiki.

Risimu ra Tinsimu 1:4

Ndzi koke, hi ta ku landzela hi le ndzhaku! Hosi a yi ndzi tise etindlwini ta yona; Hi ta tsaka, hi tsakela wena, Hi ta dzunisa rirhandzu ra wena leri tlulaka vhinyo; Va ku rhandza hakona, lava ku rhandzaka.

Vaavanyisi 19:3

Kutani nuna wa yena a suka, a n'wi landzela ku ya vulavula na yena hilaha mbilu ya yena yi swi rhandzaka hakona, a ta n'wi tlherisa; a famba ni nandza wa yena ni timbhongolo timbirhi. Kutani nsati yeloyi a n'wi amukela endlwini ya tata wa yena, kuteloko tata wa wansati a n'wi vona, a ya hlangana na yena hi ku tsaka.

Yohane 12:32

Kutani mina, kutakuloko ndzi ta va ndzi tlakusiwile emisaveni, ndzi ta kokela vanhu hinkwavo eka mina.”

Ntirho 36:16

Xi ta ku ponisa na kona emin'waleni ya masangu, Xi ku veka endhawini laha u nga kamanyetiwiki, Swakudya leswi xawulaka swi ta vekiwa etafuleni ra wena.

Ezekiele 20:33

Ndza hanya, ku vula Hosi Yehovha, hi xandla lexi nga ni matimba, ni voko leri tshalambutiweke, ni vukari lebyi chuluriweke, ndzi ta fuma ehenhla ka n'wina.

Mikiya 4:10

Khuna, u twa ku vaviseka, n'wana Siyoni, kukotisa muveleki; hikuva u ta huma emutini, u ta tshama enhoveni, u ya fika ni le Babilona. Hi kona u nga ta tshunxiwa, Yehovha u ta ku kutsula emavokweni ya valala va wena.

Esaya 5:5

Sweswi, ndzi nga mi tivisa lexi ndzi nga ta xi endla eka vhinya ya mina: ndzi ta simula rihlampfu ra yona, ndzi yi endla madyelo, ndzi mbundzumuxa rirhangu ra yona kutani yi ta kandziyeriwa.

Yeremiya 45:4

U ku eka yena: Ku vula Yehovha, a ku: Waswivo, leswi ndzi swi akeke ndzi ta swi mbundzuxa, ni leswi ndzi swi byaleke, ndzi ta swi tsuvula; swi tano emisaveni hinkwayo.

Mikiya 1:7

Swifaniso hinkwaswo swa yena leswi vatliweke swi ta fayeteriwa, ni tinyiko leti nga amukeriwa hi yena ti ta hisiwa, ndzi va ndzi onha swifaniso swa yena hinkwaswo; hikuva u tilavele swona hi hakelo ya vumbhisa, swi ta tlhela swi hundzuka hakelo ya mbhisa.