Hosiya 2:12 - Xitsonga (Bibele)

¹² Ndzi ta onha masimu ya yena ya vhinya ni ya makuwa, lawa a nga ku: ‘I hakelo leyi ndzi yi nyikiweke hi swigangu swa mina!’ Kambe ndzi ta ma hundzula xihlahla lexi nga ta dyiwa hi swiharhi swa le handle.

BIBELE Mahungu Lamanene

¹² Ndzi ta herisa mirhi ya yena ya vhinya ni ya makuwa, yi nga leyi a nga te: ‘Leyi i hakelo ya mina, ndzi nyikiwile yona hi swigangu swa mina.’ Ndzi ta yi hundzula xihlahla, swiharhi swa nhova swi ta yi dya swi heta.

Hosiya 2:12 Referans Kwoze

Esaya 7:23

Etinguveni teto, emasin'wini hinkwawo ya mirhi ya vhinya ya khume ra madzana, leyi ringanaka macheleni ya khume ra madzana, ku ta mila swigatlu ni mitwa.

Esaya 5:5

Sweswi, ndzi nga mi tivisa lexi ndzi nga ta xi endla eka vhinya ya mina: ndzi ta simula rihlampfu ra yona, ndzi yi endla madyelo, ndzi mbundzumuxa rirhangu ra yona kutani yi ta kandziyeriwa.

Hosiya 13:8

Ndzi ta tiwisela ehenhla ka vona ku fana ni bere leyi lahlekeriweke hi vana va yona, ndzi handzula swifuva swa vona, ndzi va dyela kona ku fana ni nghala ya ntswele; swivandzana swa nhova swi ta va handzula.

Hosiya 2:5

Hikuva mana wa vona a a ri ni vuoswi; loyi a va velekeke u tiendlile tingana; hikuva u te: ‘Ndzi ta landzela varhandziwa va mina lava nga ndzi nyika vuswa bya mina ni mati ya mina, ni voya bya mina bya tinyimpfu, ni ntsembyana wa mina, ni mafurha ya mina, ni swo nwa swa mina.’

Mikiya 3:12

Hikwalaho ka nandzu wa n'wina, Siyoni u ta rimiwa kukota nsimu, Yerusalema, u ta kotisa nhulu ya maribye, ni ntshava ya yindlu ya Yehovha yi hundzuka ntshava leyi teleke hi mirhi.

Hosiya 9:1

U nga tsaki, Israele, hi ku tsakisisa kukotisa matiko, hikuva u sukele Xikwembu xa wena hi ku oswana kutani u rhandzile hakelo ya vuoswi eswivuyeni hinkwaswo swa koro.

Yeremiya 26:18

“Mikiya wa Morexeta u tshama a profeta enkarhini wa Hezekiya, hosi ya Yuda, a byela tiko hinkwaro ra Yuda, a ku: ‘Ku vula Yehovha wa mavandla: Siyoni u ta rimiwa kukota nsimu, Yerusalema, a va nhulu ya maribye, ntshava ya Tempele yi va mananga ya swihlahla.’

Yeremiya 8:13

“Ndzi ta va heta,” ku vula Yehovha, “leswaku ku ta pfumariwa mihandzu evhinyeni, ni loko ma ri makuwa enkuweni, ni matluka ma ta oma, kambe lexi ndzi va nyikeke xona xi ta va phonyomukela.”

Esaya 29:17

Vonani, ku nga ri kungani Lebanoni u ta hundzuka nsimu ya mirhi leyi tswalaka, kutani yona nsimu yi ta vuriwa xihlahla.

Pisalema 80:12

Xana u hahlulele yini rihlampfu ra yona, Leswaku yi ta tshoveriwa hi vahundzi hinkwavo,

Yeremiya 5:17

Ri ta dya mavele ya wena ni vuswa bya wena; ri ta dya vana va wena va xinuna ni va xisati; ri dya tinyimpfu ta wena ni tihomu ta wena; ri dya vhinya ya wena ni mikuwa ya wena, ri ta heta hi fumu miti ya wena ya makhokholo leyi u yi tshembeke.

Yeremiya 13:26

Kutani mina ndzi ta ku tlakusela swiambalo ku fika emombyeni wa wena, leswaku ku voniwa tingana ta wena.

Hosiya 5:14

Hikuva ndzi tanihi nghala eka Efrayimi, ni tanihi nghalanyana eka yindlu ya Yuda. Mina, mina hi xiviri, ndzi ta handzula kutani ndzi tifambela; ndzi ta teka lexi ndzi xi phangeke, kambe a ku na la nga xi kutsulaka.