Hosiya 14:2 - Xitsonga (Bibele)

² Tekani marito, kutani mi tlhelela eka Yehovha mi ku eka yena: “Susa swidyoho hinkwaswo, u hi amukela swinene, kutani hi ta ku tlangela hi magandzelo ya tindzimi ta hina.

BIBELE Mahungu Lamanene

² Fambani mi ri ni lexi mi nga ta xi vula, mi tlhelela eka HOSI Xikwembu; mi fika mi ku ka xona: “Hi rivalele milandzu ya hina hinkwayo; lexinene lexi hi nga ku humeselaka xona, i marito lama humaka emilon'wini ya hina; ma amukele!

Hosiya 14:2 Referans Kwoze

Vaheveru 13:15

Hikwalaho, a hi humeseni hi masiku eka Xikwembu ha Yesu, magandzelo ya ku dzunisa, yi nga mihandzu ya milomu leyi vulaka vito ra yena.

Ntirho 7:21

A ku ndzi khomeri ku dyoha ka mina ha yini, U va u susa ku homboloka ka mina-ke? Hikuva ndzi ya etlela entshurini, U ta ndzi lava, kutani ndzi ta pfumaleka.”

1 Yohane 3:5

Kambe ma swi tiva leswaku yena u humelerile leswaku a susa swidyoho swa hina; na swona a ku na ku dyoha eka yena.

1 Petro 2:5

na n'wina, kukota maribye lama hanyaka, ma akiwa, mi va yindlu ya moya leswaku mi ta va vaprista lavo kwetsima ku ta humesa magandzelo ya moya lama tsakisaka Xikwembu ha Yesu Kriste.

2 Timotiya 1:9

lexi hi hanyiseke, kutani xi hi vitanile hi ku vitana loku kwetsimaka, ku nga ri hikwalaho ka mitirho ya hina, kambe hi ku tirhandzela ka xona, ni tintswalo leti hi ti nyikiweke ha Yesu Kriste, mikarhi yi nga si va kona,

Luka 18:13

Kambe muluvisi a a yime ekule, a chava ni ku tlakusela mahlo ya yena etilweni; kambe a tiba xifuva, a ku: ‘Xikwembu, ndzi twele vusiwana, mina ndzi nga mudyohi.’

Yuwele 2:17

Ni vaprista lava tirhelaka Yehovha, a va be nkosi exikarhi ka rikupakupa ni alitari, va ku: “Oho! Yehovha, tsetselela tiko ra wena; u nga nyiketi ndzhaka ya wena eku soriweni, yi tseketseriwa hi vamatiko! Xana ku nga vuriwela yini exikarhi ka matiko, va ku: ‘Xi kwihi-ke, Xikwembu xa vona?’ ”

2 SAMIELE 24:10

Kuteloko Davhida a hlayile tiko, ripfalo ra yena ri n'wi tlhava. Kutani Davhida a ku eka Yehovha: “Ndzi dyohile ngopfu eku endleni ka mina! Sweswi, oho Yehovha, wanga susa ku dyoha ka nandza wa wena, hikuva kunene ndzi hungukile.”

2 SAMIELE 12:13

Kutani Davhida a ku eka Natani: “Ndzi dyohele Yehovha.” Kutani Natani a ku eka Davhida: “Yehovha u hundzisile xidyoho xa wena; u nga ka u nga fi;

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Vaheveru 10:4

hikuva ngati ya tinkunzi ni ya swiphongo yi tsandzeka ku susa xidyoho.

Varhoma 11:27

“kutani hi wona ntwanano lowu ndzi nga ta va tiyisela wona, siku ndzi susaka swidyoho swa vona.”

Yohane 1:29

Siku leri tlhandlamaka, Yohane loko a vona Yesu a ta eka yena, a ku: “Vonani Xinyimpfana xa Xikwembu, lexi susaka xidyoho xa misava.

Luka 11:13

Kutani-ke, leswi n'wina mi nga lavo biha mi tivaka ku nyika vana va n'wina leswo nandziha, Tatana la nga etilweni u ta tlurisa swonghasi ku nyika Moya lowo Kwetsima eka lava wu kombelaka eka yena?”

Matewu 7:11

Kasi n'wina va tihanyi, loko mi tiva ku nyika vana va n'wina swilo leswinene, ngopfungopfu Tata wa n'wina wa le matilweni, a ta nyika leswinene eka lava kombelaka eka yena.

Zakariya 3:4

Ntsumi yi ahlamisa nomu, yi byela lava yimeke ekusuhi na yona, yi ku: “N'wi hluvuriseni tinguvu ta thyaka.” Kutani yi ku eka yena: “Vona, ndzi cukumete ku biha ka wena kule na wena, ndzi ku ambexa tinguvu leto saseka.”

Esaya 6:7

Kutani yi khumba nomu wa mina hi rona, yi ku: “Vona, kala leri, ri khumbile milomu ya wena, hikwalaho ku homboloka ka wena ku susiwile, xidyoho xa wena xi rihiwile.”

1 Yohane 1:7

Kambe kungakuloko hi famba eku vonakaleni, kukota xona xi nga eku ku vonakaleni, hi ni ku hlangana swin'we, kutani ngati ya Yesu Kriste, N'wana wa xona, ya hi hlantswa, yi susa swidyoho hinkwaswo swa hina.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Pisalema 50:14

Humesela Xikwembu ku vonga ri nga gandzelo ra wena, U va u riha ku hlambanya ka wena eka La nge henhlahenhla.

Pisalema 51:16

Hikuva a ku tsakeli magandzelo, ingi ndzi ku humesele wona; Kambe a ku tsakeri tiholokosta.

Pisalema 51:17

Magandzelo ya Xikwembu i moya lowu tshovekeke; Oho Xikwembu! A ku soli mbilu leyi tshovekeke, leyi nga enhlomulweni.

Pisalema 119:108

Oho Yehovha! Amukela gandzelo leri humaka enon'wini wa mina, U ndzi dyondzisa milawu ya wena!

Hosiya 6:6

Hikuva ndzi rhandza tintswalo, ku nga ri magandzelo, ni ku tiviwa ka Xikwembu ku tlurisa tiholokosta.

Yonasi 2:9

Lava tinyiketaka eka leswa hava, va titsonela tintswalo.

Esaya 44:22

Ndzi hlangurile milandzu ya wena tanihi papa, ni swidyoho swa wena tanihi hunguva; vuyela eka mina, hikuva ndzi ku kutsurile!”

Yeremiya 3:12

Yana, u ya vulavula marito lawa tlhelo ra n'walungu, u ku: ‘Tlhela, Israele muhundzuki, ku vula Yehovha, ndzi nga ka ndzi nga ku khwanyaleri mombo, hikuva mina ndzi ni musa, ku vula Yehovha, ndzi nga ka ndzi nga dyisi mbitsi hi masiku.

Hosiya 5:5

Ku tikurisa ka Israele ku endle vumbhoni bya xivi xa yena emahlweni ka yena; Israele na Efrayimi va ta khunguvanyeka hi ku homboloka ka vona; ku ta khunguvanyeka na Yuda swin'we na vona.

Hosiya 12:7

Kambe loko u ri wena, tlhelela eka Yehovha, u hlayisa tintswalo ni ku lulama, u titshembela Xikwembu xa wena hi masiku.