Hosiya 13:15 - Xitsonga (Bibele)

¹⁵ Ni loko Efrayimi a veka mihandzu exikarhi ka vamakwavo, moya wa vuxa wu hunga, mheho ya Yehovha yi pfa emananga: ku ta phya xihlovo xa yena, miseledyana ya yena yi ta oma. Ku ta phangiwa xuma xa mitirho hinkwayo ya yena leyi pfumariwaka.

BIBELE Mahungu Lamanene

¹⁵ Hambi va nga tsaka ku fana ni mavele ya khava, moya wa le vuxeni wa HOSI Xikwembu wu ta hunga wu huma emananga; swihlovo swa vona swi ta phya, swinambyana swa vona swi ta oma; moya lowu wu ta herisa swilo swa vona hinkwaswo swa nkoka.

Hosiya 13:15 Referans Kwoze

Ezekiele 19:12

Kambe yi susiwile hi vukari, yi cukumetiwile ehansi; mheho ya le vuxeni yi omise mihandzu ya yona, marhavi ya yona layo tiya ma omile, ma tshoviwile: kutani ma hisiwa hi ndzilo.

Ezekiele 17:10

Vona, wu byariwile, xana wu ta kula xana? Loko moya wa le vuxeni wu ta hunga, xana wu nga ka wu nga omeli makumu xana? Laha wu nga kula kona, wu ta oma kona.”

Yeremiya 4:11

Enguveni yoleyo ku ta byeriwa tiko leri na Yerusalema, leswaku moya lowu hisaka wu huma eswitsungeni swa xivandzawulo, wa hungela endleleni ya nhwanyana wu tiko ra mina; ku nga ri ku peperha, ni loko ku ri ku hlungula.

Genesa 49:22

“Yosefa i rhavi ra murhi lowu vekaka, I rhavi ra murhi lowu vekaka, lowu nga ekusuhi ni xihlovo, Marhavi ya wona ma tlula ehenhla ka rihlampfu.

Genesa 41:52

Lowa ndzisana a n'wi thya vito ra Efrayimi (mbhandzu wa vumbirhi), a ku: “Hikuva Xikwembu xi ndzi tatisele etikweni ra nhlomulo wa mina.”

Nahume 2:9

Phangani silivhere, mi phanga ni nsuku. A swi na ku hela exumeni xa swilo leswi hlayisiweke; i tinyandzanyandza ta mitirho hinkwayo leyi navetaka.

Hosiya 10:1

Israele i vhinya leyi kuleke ngopfu; mihandzu ya yona yi n'wi ringanile. Mihandzu ya yena loko yi ri karhi yi engeteleka, hilaha a engetaka ku aka tialitari; hikuva hilaha tiko ra yena ri nga riki rinene, hi kona a engetaka ku bombisa swifaniso.

Hosiya 9:11

Ku vonakala ka Efrayimi ku ta hahela kwale kukotisa nyanyana; a ku nga ha vi mutswari, ni loko a ri mutiki, ni la an'wisaka.

Hosiya 4:19

Xidzedze xi va tekela etimpapeni ta xona; va ta tlhaviwa hi tingana hikwalaho ka magandzelo ya vona.

Daniele 11:8

Kutani u ta yisa eEgipta swikwembu swa vona, ni swifaniso swa swona swa nsimbhi swin'we ni mitirho ya nkoka ya vona ya nsuku ni ya silivhere, kutani ku ta hundza malembe man'wana lawa a nga ta hlula hosi ya le n'walungwini ha wona.

Yeremiya 51:36

Hikwalaho ku vula Yehovha, a ku: “Vonani, ndzi ta ku yimelela ehubyeni kutani ndzi ta ku rihisela; ndzi ta omisa lwandle ra yena, ndzi phyisa xihlovo xa yena;

Yeremiya 20:5

Kambe ndzi ta nyiketa vukosi hinkwabyo bya muti lowu, ni mitirho hinkwayo ya wona, ni malondzoko hinkwawo lama tiyeke ya wona, ni vukosi hinkwabyo bya tihosi ta Yuda, ndzi byi nyiketa emavokweni ya valala va vona, va ta swi tlakula, va famba na swona, va swi yisa eBabilona.

Esaya 41:16

u ta swi hlela, moya wu va wu swi susa, kutani xihuhuri xi swi hangalasa; kambe wena u ta titsakela eka Yehovha, u ta tidzunisa eka Muhlawuleki wa Israele.

Esaya 17:13

Matiko ma pfuma kukotisa mati lamakulu! Xikwembu xi ma tshinya kutani ma balekela ekule; ma hangalasiwa hi moya tanihi mungu etintshaveni, tanihi ntsutsungwana emahlweni ka xidzedze.

Esaya 14:21

Lunghiselani vana va yena ku dlawa hikwalaho ka ku dyoha ka vatata wa vona! Va nga ti tshuka va pfuka ku fuma misava, ni ku tata misava hi miti ya vona!”

Pisalema 109:13

Vatukulu va yena a va lovisiwe, vito ra vona a ri love erixakeni leri tlhandlamaka!

Pisalema 1:4

A swi tano ka lavo homboloka: Va fana ni mungu lowo hungiwaka hi mheho.

Ntirho 18:16

Ehansi, timitsu ta yena ta oma, Ehenhla, marhavi ya yena ma tsemiwa.

Duteronoma 33:17

Nkunzi ya yena ya mativula i ku kwetsima ka yena, Timhondzo ta yona i timhondzo ta nyarhi; U ta tlhava ha tona matiko hinkwawo swin'we, Ku ya fika emakun'wini ya misava. Hi byona vunyingi bya Efrayimi, Hi wona madzanadzana ya Manase.”

Genesa 48:19

Kambe tata wa yena a ala, a ku: “Ndza swi tiva, n'wananga, ndza swi tiva; na yena u ta va tiko, na yena, u ta va nkulukumba, hambi swi ri sweswo, ndzisana u ta va lonkulu eka yena, ni vatukulu va yena va ta endla vunyingi bya matiko.”

Genesa 41:6

a tlhela a vona min'oko ya ntlhanu na mimbirhi leyi chochiweke, leyi tshweke hi mheho ya le vuxeni, yi mirile ya timbakarhi.

Esaya 27:8

U n'wi bile hi mpimo hi ku n'wi hlongola, u n'wi hlungule hi moya wa yena lowu hungaka hi matimba, tanihi siku ra xidzedze xa vuxa.

Yeremiya 4:12

Moya lowa matimba lama tlurisaka wu ta humesiwa hi mina; sweswi ndzi ta va byela ku avanyisa ka mina ehenhla ka vona.

Yeremiya 51:1

Yehovha u ri: Vona, ndza ha pfuxela Babilona ni vaaki va le tikweni ra Kalediya, moya lowu onhaka;

Hosiya 2:3

Loko swi nga ri tano, ndzi ta n'wi tlomulela, a famba ntsena, ndzi n'wi endla tanihi siku leri a nga velekiwa ha rona, ndzi n'wi vita a va tanihi mananga, ndzi n'wi veka tanihi tiko leri omeke, ndzi n'wi dlaya hi torha.

Yonasi 4:8

Kutani kakuloko dyambu ri huma, Xikwembu xi hungisa mheho leyo hisa ya vuxa, dyambu ri va ri hisa nhloko ya Yonasi, kutani Yonasi a titivala, a kombela ku fa, a ku: “Eka mina, ku hanya ku tlula hi ku fa!”

Genesa 41:23

ndzi va ndzi vona ni min'oko ya ntlhanu na mimbirhi ya timbakarhi, leyi swinyeke, leyi tshweke hi moya wa vuxa, yi hume ndzhaku ka yin'wana.