Hosiya 13:14 - Xitsonga (Bibele)

¹⁴ Ndzi ta va kutsula exivandleni xa vafi ndzi va lamulela eku feni. Wena, rifu, ndzhombo wa wena wu kwihi? Wena, sirha, ku hlula ka wena ku kwihi? A ndzi voni hilaha ndzi nga hundzukaka hakona!

BIBELE Mahungu Lamanene

¹⁴ Xana ndzi nga va kutsula ematimbeni ya xivandla xa vafi xana? Xana ndzi nga va ponisa eka rifu xana? We rifu, mintungu ya wena yi kwihi, we xivandla xa vafi, ndzhombo wa wena wu kwihi ke? Sweswi a ndza ha ri na ku twela vusiwana.

Hosiya 13:14 Referans Kwoze

Esaya 25:8

U ta lovisa rifu hilaha ku nga heriki: Hosi, Yehovha u ta hlangula mihloti emimombyeni hinkwayo; u ta sula tingana ta tiko ra yena hinkwaro, hikuva Yehovha u vurisile.

Nhlavutelo 21:4

Xikwembu xi ta hlangula mihloti hinkwayo emahlweni ya vona, kutani rifu a ri nga ha vi kona, a ku nga ha vi na nkosi, hambi ku ri ku kolola, kumbe ku vaviseka, hikuva leswo sungula swi hundzile.”

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

Esaya 26:19

Vafi va wena a va tlhele va hanya! Mitsumbu ya mina a yi pfuke! Pfukani n'wina, tsakisisani, n'wina lava etleleke entshurini! Hikuva mberha ya wena i mberha ya vurhonga, kutani misava yi ta tlhela yi veleka lava feke!

Pisalema 49:15

Kambe Xikwembu xi ta kutsula moya wa mina exivandleni xa vafi, Hikuva xi ta ndzi tekela eka xona.

Pisalema 30:3

Yehovha, u humesile moya wa mina exivandleni xa vafi, U ndzi hanyisile exikarhi ka lava xikelaka esirheni.

Ntirho 33:24

Xikwembu xi n'wi tsetselela, xi ku eka yona: ‘N'wi lamulele, a nga ti tshuka a xikela esirheni; Ndzi kumile lexi nga n'wi kutsulaka.

Varhoma 11:29

hikuva ku nyika ka Xikwembu, ni ku vitana ka xona, a ku na ku hundzuka.

Pisalema 86:13

Hikuva vunene bya wena eka mina, byikulu, U ponisile moya wa mina exivandleni xa vafi.

Pisalema 16:10

Hikuva u nga ka u nga tshiki moya wanga exivandleni xa vafi; U nga ka u nga pfumeri leswaku muhlawuriwa wa wena a vona ku bola.

1 SAMIELE 15:29

Loyi a nga ku tshemba loku tiyeke ka Israele a nga hembi ni ku tilandzula, hikuva a hi munhu leswaku a nga tilandzula.”

Nhlavutelo 20:13

Lwandle ri tlherisa vafi va rona; rifu ni xivandla xa vafi, swi humesa vafi lava ngi va ri eka swona; kutani un'wana ni un'wana a avanyisiwa hi mitirho ya yena.

1 Vatesalonika 4:14

Hikuva loko hi pfumela leswaku Yesu a file a tlhela a pfuka, na kona, hi fanele ku pfumela leswaku lava etleleke, Xikwembu xi ta va pfuxa ha Yesu, xi va vuyisa na yena.

2 Vakorinto 5:4

Hikuva hina va ntsonganyana lowo, hi rila hi ku tikeriwa, hikuva a hi rhandzi ku funungula, kambe ku ri ku ambala, leswaku leswi nga ta hela, swi va swi munyiwa hi vutomi.

Varhoma 11:15

Hikuva loko ku tshiketiwa ka vona ku hundzukile ku hlanganisiwa ka misava, ku amukeriwa ka vona ku ta va yini, loko ku nga ri ku pfuka ka lava feke xana?

Malakiya 3:6

“Hikuva mina Yehovha a ndzi hundzukanga, hikwalaho n'wina, vana va Yakobo mi nga ka mi nga herisiwi.

Hosiya 6:2

Loko ku hele masiku mambirhi, u ta hi hanyisa; hi ra vunharhu, u ta hi yimisa leswaku hi hanya emahlweni ka yena.

Pisalema 71:20

U hi nghenisile emakhombyeni ya ku tala ni le ku vavisekeni; Kambe u ta tlhela u hi hanyisa, U ta tlhela u hi humesa emakheleni ya misava.

Tinhlayo 23:19

Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

Vafilipiya 3:21

la nga ta hundzuluxa miri wa hina lowu solekaka, a wu endla xivumbeko xin'we ni miri wa yena lowo kwetsima, hilaha a nga ni matimba ya ku tivekela hinkwaswo ehansi ka yena.

Yeremiya 15:6

U ndzi sukerile, ku vula Yehovha, kutani u tlherile hi le ndzhaku; hikwalaho ndzi tshalambuteke voko ra mina ehenhla ka wena, leswaku ndzi ku herisa: ndzi karhele ku ku tsetselela.

Nhlavutelo 6:8

Ndzi languta, kutani ndzi vona hanci ya ribungwanyana; loyi a yi khandziyeke a a vuriwa Rifu, a a landzeriwa hi xivandla xa vafi; kutani a nyikiwa matimba ehenhla ka tlhelo ra vumune ra misava, ku ya dlaya vanhu hi tlhari ni ndlala, ni rifu ni hi swivandzana swa misava.

Yeremiya 20:16

Munhu yeloyi a a kotise miti leyi Yehovha a yi mbundzuxeke, a nga yi tsetseleri; a a yingise mikosi ka hari mixo, ni mukhosi ninhlekanhi.

Yeremiya 31:35

Hikuva, ku vula Yehovha, la vekeke dyambu leswaku ku va ku vonakala ninhlekanhi, la vekeke n'weti ni tinyeleti leswaku ti voninga vusiku, la pfuxaka lwandle kutani magandlati ya rona ma va ma pfuma: Yehovha wa mavandla, hi rona vito ra yena.

Ezekiele 37:9

Kutani a ku eka mina: “Profetela moya, u profeta, wena, n'wana wa munhu, u ku eka moya: Ku vula Hosi Yehovha, a ku: Vuya hi timheho ta mune, wena moya, u hunga ehenhla ka vanhu lava feke lava, a va hanye kutani!”

Ntirho 41:22

Matimba ma tiakele enhan'wini ya yona, Kutani ku chava ku famba emahlweni ka yona.

Pisalema 49:16

U nga chavi loko munhu a andzisa rifuwo ra yena, Loko ku kwetsima ka yindlu ya yena ku engeteleka;

Hosiya 7:10

Ku tikukumuxa ka Israele i vumbhoni bya xidyoho xa yena emahlweni ka yena kambe, hambiswiritano, a va tlhelelanga eka Yehovha, Xikwembu xa vona; ni ku n'wi lava, a va n'wi lavanga.