Hosiya 13:11 - Xitsonga (Bibele)

¹¹ Ndzi ku nyikile hosi evukarini bya mina, kutani ndzi ta yi susa eku kariheni ka mina.

BIBELE Mahungu Lamanene

¹¹ Ndzi mi nyikile tihosi hi ku hlundzuka, kutani ndzi tlhela ndzi ti susa, loko mi ndzi karihisile.

Hosiya 13:11 Referans Kwoze

1 SAMIELE 10:19

Kambe n'wina, namuntlha, mi sandzile Xikwembu xa n'wina, xona lexi nga mi ponisa emakhombyeni hinkwawo ya n'wina, ni le ku xanisekeni ka n'wina, kutani mi te eka xona: ‘Kunene, u ta veka hosi ehenhla ka hina!’ Sweswi humelelani emahlweni ka Yehovha hi tinyimba ta n'wina ni madzanadzana ya n'wina.”

Hosiya 10:3

Sweswi, va ta ku: “A hi na hosi, hikuva ni loko a ri Yehovha, a hi n'wi chavanga, kutani hosi yi nga hi endlela yini?”

Swivuriso 28:2

Loko tiko ri ngheniwile hi ku onhaka, tihosi ti tele, Kambe ku fuma ku tiyisiwa hi wanuna wa ku twisisa ni wa vutivi.

1 SAMIELE 16:1

Yehovha a ku eka Samiele: “U ta rila Sawulo ku yisa kwihi-ke, loko mina ndzi n'wi cukumetile leswaku a nga ha fumi Israele? Tata rimhondzo ra wena hi mafurha, u famba; ndza ku rhuma eka Yese wa Betlehema hikuva ndzi vonile exikarhi ka vana va Yese loyi a faneleke ku va hosi.”

1 SAMIELE 12:13

Sweswi hosi leyi mi nga yi hlawula, leyi mi yi kombeleke, hi leyi; Yehovha u yi vekile hosi ehenhla ka n'wina.

Hosiya 10:7

Ku hele Samariya; hosi ya kona yi kotisa mavatlo lama yaka ehenhla ka mati!

1 SAMIELE 10:17

Kutani Samiele a hlengeleta tiko emahlweni ka Yehovha eMispa;

1 SAMIELE 15:26

Samiele a ku eka Sawulo: “Ndzi nga ka ndzi nga tlheri ndzi muka na wena, hikuva u cukumetile rito ra Yehovha, na yena Yehovha u ku cukumetile leswaku u nga ha vi hosi ya Israele.”

Hosiya 3:4

Hikuva hi masiku lamanyingi, vana va Israele va ta tshama va nga ri na hosi ni tihosana, va nga ri na magandzelo ni xifaniso, va nga ri na efodi na “titerafi”.

Hosiya 8:4

Vona va vekile tihosi, kambe ku nga ri hi ku lerisa ka mina; va veke tindhuna, kasi a ndzi swi tivi. Hi nsuku wa vona, ni silivhere ya vona va tiendlele swifaniso, va kondza va herisiwa.

1 SAMIELE 12:1

Samiele a ku eka Vaisraele hinkwavo: “Maswivo, ndzi yingisile marito ya n'wina etimhakeni hinkwato leti mi ndzi byeleke tona, ndzi vekile hosi ehenhla ka n'wina,