Hosiya 13:10 - Xitsonga (Bibele)

¹⁰ Yi kwihi hosi ya wena? A yi ku hanyise emitini hinkwayo ya wena! Ni vaavanyisi va wena va kwihi? Kasi hi lava u nga vula ha vona, u ku: “Ndzi nyike hosi ni tindhuna!”

BIBELE Mahungu Lamanene

¹⁰ Xana hosi leyi nga ta mi ponisa yi kwihi, ni varhangeri lava nga ta mi biyelela, va kwihi xana? Ndzi vula vona lava mi nga te: “Hi nyike hosi ni varhangeri!”

Hosiya 13:10 Referans Kwoze

Hosiya 8:4

Vona va vekile tihosi, kambe ku nga ri hi ku lerisa ka mina; va veke tindhuna, kasi a ndzi swi tivi. Hi nsuku wa vona, ni silivhere ya vona va tiendlele swifaniso, va kondza va herisiwa.

Hosiya 10:3

Sweswi, va ta ku: “A hi na hosi, hikuva ni loko a ri Yehovha, a hi n'wi chavanga, kutani hosi yi nga hi endlela yini?”

Yohane 1:49

Nataniele a hlamula, a ku eka yena: “Rabi, u N'wana wa Xikwembu, u Hosi ya Israele.”

Zakariya 14:9

Yehovha u ta va hosi ya misava hinkwayo hi siku rolero Yehovha u ta va un'we ni vito ra yena ri va rin'we.

Hosiya 13:4

Kasi mina Yehovha, ndzi Xikwembu xa wena, ka ha ri loko u hume etikweni ra Egipta; kutani handle ka mina u nga ka u nga tivi Xikwembu xin'wana, ni muhanyisi a nga kona, loko ndzi nga ri mina.

Yeremiya 8:19

Mbilu ya mina yi hela exifuveni xa mina. Yingisani rito ra swirilo ra n'wana wa tiko ra mina leri humaka etilweni leri nga ekule; ri ku: “Xana Yehovha a nga ha ri kona eSiyoni xana? Xana hosi ya yena a ya ha ri kona-ke?” “Va ndzi karihisela yini hi swifaniso swa vona leswi vatliweke, byi nga vuhava bya matiko?”

Yeremiya 2:28

Swi kwihi swikwembu swa wena leswi u tiendleleke swona? A swi yime swi ku pfuna hi siku ra khombo; hikuva wena Yuda, nhlayo ya swikwembu swa wena yi fana ni ya miti ya wena!

Esaya 43:15

Hi mina Yehovha, Muhlawuleki wa n'wina, Muendli wa Israele, Hosi ya n'wina!”

Esaya 33:22

Hikuva Yehovha i muavanyisi wa hina; Yehovha i mulawuri wa hina; Yehovha i hosi ya hina; u ta hi hlayisa!

Pisalema 149:2

Israele a a tsakele muvumbi wa yena, Vana va Siyoni a va tsakele hosi ya vona!

Pisalema 89:18

Hikuva xitlhangu xa hina i Yehovha, Mukwetsimi wa Israele i Hosi ya hina.

Pisalema 74:12

Xikwembu i Hosi ya nga ku sukela emikarhini ya khale, Xona lexi ponisaka la emisaveni.

Pisalema 44:4

Oho Xikwembu! U hosi ya mina: Lerisa ku ponisa ka Yakobo!

Pisalema 10:16

Yehovha i hosi hi masiku, hilaha ku nga heriki; Vamatiko va herisiwa emisaveni ya yena.

2 TIHOSI 17:4

Hosi ya Asiriya yi vona leswaku Hoxeya a endle makungu ku yi pfuka, hikuva a a rhumile tintsumi eka So, hosi ya Egipta; na swona a nga ha rhumelanga hosi ya Asiriya ndzuvo kukotisa hi malembe. Kutani hosi ya Asiriya yi n'wi pfalela, yi n'wi boha ekhotsweni.

1 TIHOSI 12:20

Vaisraele hinkwavo, kuteloko va twile leswaku Yerobuwamu u vuyile, va rhuma, va n'wi vita enhlengeletanweni, kutani va n'wi veka hosi ehenhla ka va Israele hinkwavo. Nyimba ya Yuda ntsena yi landza yindlu ya Davhida.

Hosiya 3:4

Hikuva hi masiku lamanyingi, vana va Israele va ta tshama va nga ri na hosi ni tihosana, va nga ri na magandzelo ni xifaniso, va nga ri na efodi na “titerafi”.

Hosiya 7:7

Hinkwavo va hisa tanihi xitiko, va dya vaavanyisi va vona; tihosi ta vona hinkwato ta lova; a nga kona eka vona la vitanaka eka mina.

1 SAMIELE 8:7

Kavaloko Samiele a khongela Yehovha; kutani Yehovha a ku eka Samiele: “Yingisa rito ra tiko etimhakeni hinkwato leti va ku byelaka tona, hikuva a hi wena va ku tshikaka, kambe va tshika mina, leswaku ndzi nga tshuki ndzi va fuma.

Swirilo 4:20

Loyi a nga va ku hefemula ka hina, a ri muhlawuriwa wa Yehovha, U phasiwile erindzini ra vona, A ri loyi, a hi ku: “Hi ta hanya endzhutini wa yena exikarhi ka matiko.”