Hosiya 12:6 - Xitsonga (Bibele)

⁶ Yehovha i Xikwembu xa tinyimpi, Yehovha hi rona vito ra yena.

BIBELE Mahungu Lamanene

⁶ Hi sweswo ke na n'wina, Xikwembu xa n'wina xi ta mi pfuna ku tlhelela eka xona; tinyiketeleni ku rhandza van'wana ni ku avanyisa hi ku lulama, mi nga karhali ku langutela Xikwembu xa n'wina.

Hosiya 12:6 Referans Kwoze

Mikiya 6:8

Wena munhu u tivisiwile leswi lulameke, ni leswi Yehovha a swi lavaka eka wena; hileswaku u endla leswi lulameke, u rhandza tintswalo, ni ku famba hi ku titsongahata emahlweni ka Xikwembu xa wena.

Mikiya 7:7

Loko ndzi ri mina, ndzi ta languta eka Yehovha, ndzi languta eka Xikwembu xa ku hlayiseka ka mina: Xikwembu xa mina xi ta ndzi yingisa!

Hosiya 14:1

Israele, tlhelela eka Yehovha, Xikwembu xa wena, hikuva u wile hikwalaho ka ku dyoha ka wena.

Zakariya 7:9

“Yehovha wa tinyimpi u ri: Avanyisani hi ku avanyisa lokunene, mi endla hi tintswalo ni nsovo, un'wana ni un'wana eka makwavo;

Yakobo 2:13

Hikuva ku avanyisa ku nga ka ku nga vi na tintswalo eka loyi a nga endlangiki hi tintswalo; kambe tintswalo ti tidzunisa henhla ka ku avanyisa.

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Timhaka 2:38

Petro a ku eka vona: “Hundzukani, kutani un'wana ni un'wana a khuvuriwa hi vito ra Yesu Kriste, eku khomeriweni ka swidyoho; kutani mi ta amukela nyiko wu nga Moya lowo Kwetsima.

Zakariya 8:16

Kambe leswi mi faneleke ku swi endla hi leswi: Un'wana ni un'wana a vula leswi tiyeke eka warikwavo; avanyisani swinene hi ku rhula etihubyeni ta n'wina;

Zakariya 1:3

U nge eka vona: Yehovha wa tinyimpi u ri: Tlhelelani eka mina, ku vula Yehovha wa tinyimpi, kutani ndzi ta tlhelela eka n'wina, ku vula Yehovha wa tinyimpi.

Sofoniya 3:8

“Hikwalaho, ndzi languteleni,” ku vula Yehovha, “esikwini lero ndzi nga ta yima ha rona ku phanga, hikuva ndzi kanerile ku hlengeleta matiko ni ku hlanganisa ku fuma, ndzi ta chela ehenhla ka wona vukari bya mina, ni ku pfurha hinkwako ka vukari bya mina; hikuva misava hinkwayo yi ta hisiwa hi ndzilo wa rilondzo ra mina.

Habakuku 2:3

hikuva hlavutelo leyo ya ha tshamele nkarhi wa kona, kambe yi ta hatlisa eku heteleleni, yi nga ka yi nga xisi. Hambi yi nga hlwela, u yi langutela, hikuva yi ta endlakala swinene, yi nga ka vi nga hlweri.

Amosi 5:24

kambe ku avanyisa a ku khuluke tanihi mati, ni ku lulama tanihi nambu lowu nga phyiki.

Yuwele 2:13

Handzulani timbilu ta n'wina, ti nga ri tinguvu,” mi tlhelela eka Yehovha, Xikwembu xa n'wina, hikuva u ni tintswalo ni nsovo, wa hlwela ku kariha, u tele musa, wa vaviseka loko a vavisa munhu.

Hosiya 10:12

Mi tibyalela hi ku lulama, mi tshovela hi vunene; mi tirimela vuhalulo lebyintshwa; hikuva i nkarhi wa ku lava Yehovha, a kondza a ta, a mi nisela ku lulama.

Hosiya 4:1

Twanani rito ra Yehovha, n'wina vana va Israele! Hikuva Yehovha u tengisa vaaki va tiko, hikuva a ku na vunene, ni ku tsetselela, ni ku tiva Xikwembu etikweni.

Yeremiya 22:15

Xana u ri, u ta fuma hikuva u tipfalela hi kedari xana? A ndzi ku, ni tata wa wena a a tshama a dya a nwa xana? Kambe a endla hi ku avanyisa ni ku lulama; a ri ni ku rhula hakona.

Esaya 58:6

Ku titsona swakudya loku ndzi tsakisaka a hi kuloku xana: Ku susa tiketana ta lunya, ku tshunxa mapindza ya vukhumbi, ku tlherisa lava xanisiwaka va tshunxiwile, ni ku tshova mpingu wihi ni wihi?

Esaya 40:31

kambe lava tshembaka Yehovha va engeta va kuma matimba lamantshwa. Va ta haha tanihi magama, va ta tsutsuma va nga karhali; va ta famba va nga tsani!

Esaya 31:6

Hundzulekani eka yena loyi mi n'wi fularheleke swonghasi, n'wina, vana va Israele!

Esaya 30:18

Hikwalaho Yehovha u ta mi langutela ku mi tsetselela, u ta tshinela a mi tsetselela, hikuva Yehovha i Xikwembu lexi lulameke, xi katekisa hinkwavo lava xi tshembaka!

Esaya 8:17

Ndzi tshembile Yehovha la fihlelaka yindlu ya Yakobo mombo wa yena, ndzi langutela eka yena.

Esaya 1:16

Hlambani, mi tibasisa; susani emahlweni ka mina mitirho leyo biha ya n'wina; tshikani ku endla swo biha.

Swivuriso 21:3

Ku endla leswinene ni leswo lulama, Swi tsakisa Yehovha ku tlula magandzelo.

Swivuriso 1:23

Hundzukani hi ku tshinya ka mina! Maswivo, ndzi ta mi chelela moya wa mina, Ndzi mi dyondzisa timhaka ta mina.

Pisalema 123:2

Vonani! Tanihi mahlo ya malandza lama langutaka voko ra n'wini va wona, Tanihi mahlo ya nandza wa wansati lama langutaka voko ra n'wini wa yena, Mahlo ya hina ma langutisa sweswo eka Yehovha, Xikwembu xa hina, A kondza a hi twela vusiwana.

Pisalema 37:7

Miyela emahlweni ka Yehovha, u langutela yena; U nga kariheli munhu la katekeke endleleni ya yena, La hetisaka makungu layo biha ya yena.

Pisalema 27:14

Langutela Yehovha, u tshama u tiya; Mbilu ya wena a yi tiye! U titshembela Yehovha!

Genesa 49:18

“Yehovha, ndzi langutele ku kutsuriwa hi wena!

Ezekiele 18:30

Hikwalaho ndzi ta mi avanyisa, un'wana ni un'wana hi tindlela ta yena, wena, yindlu ya Israele, ku vula Hosi Yehovha. Tisoleni, mi hundzuka eku dyoheni ka n'wina hinkwako, leswaku ku homboloka ka n'wina ku nga mi lovisi.

Yuwele 2:12

“Hambi ku ri namuntlha,” ku vula Yehovha, “vuyani eka mina hi timbilu ta n'wina hinkwato, mi titsona swakudya, mi rila, mi tiba swifuva.

Eksoda 3:15

Xikwembu xi engeta xi ku eka Muxe: “U ta va byela, u ku: ‘Yehovha, Xikwembu xa vatata wa n'wina, Xikwembu xa Abrahama, Xikwembu xa Isaka, Xikwembu xa Yakobo, xi ndzi rhumile eka n'wina.’ Hi rona vito ra mina hilaha ku nga heriki; hi xona xitsundzuxo xa mina etinxakeni ta tinxaka.

Amosi 4:13

Hikuva vona, la tumbuluxeke tintshava, la endleke moya, la tivisaka munhu leswi anakanyiweke hi yena, la hundzulaka nhlekanhi munyama, la fambaka eswivandleni leswi tlakukeke swa misava, vito ra yena i Yehovha, Xikwembu xa mavandla.