Hosiya 12:5 - Xitsonga (Bibele)

⁵ A lwa ni ntsumi, a va a yi hlula, a ri karhi a rila, a yi khongela. A yi kuma eBetele, kutani kona yi vulavula na hina.

BIBELE Mahungu Lamanene

⁵ Hi yona HOSI, Xikwembu xa matimba hinkwawo, vito ra xona i HOSI.

Hosiya 12:5 Referans Kwoze

Eksoda 3:15

Xikwembu xi engeta xi ku eka Muxe: “U ta va byela, u ku: ‘Yehovha, Xikwembu xa vatata wa n'wina, Xikwembu xa Abrahama, Xikwembu xa Isaka, Xikwembu xa Yakobo, xi ndzi rhumile eka n'wina.’ Hi rona vito ra mina hilaha ku nga heriki; hi xona xitsundzuxo xa mina etinxakeni ta tinxaka.

Esaya 42:8

Hi mina Yehovha, hi rona vito ra mina, ndzi nga ka ndzi nga nyiki un'wana ku vonakala ka mina, ni swifaniso ku vongiwa ka mina.

Pisalema 135:13

Yehovha! Vito ra wena ri tshama hi laha ku nga heriki, Yehovha! Wa tsundzukiwa etinxakeni ta tinxaka.

Genesa 32:30

Yakobo a thya xivandla xexo vito ra Penuwele (mombo wa Xikwembu); hikuva a a ku: “Ndzi vone Xikwembu emombyeni, kambe vutomi bya mina byi hlayisekile.”

Genesa 28:16

Kavaloko Yakobo a sisimuka evurhongweni bya yena, a ku: “Kunene Yehovha u kona exivandleni xexi, kasi a ndzi nga swi tivi!”

Pisalema 30:4

Yimbelelani Yehovha, n'wina lava n'wi rhandzaka, Mi dzunisa vito ra yena leri kwetsimaka, mi ri tsundzuka.

Genesa 35:9

Xikwembu xi engeta xi tikombisa eka Yakobo loko a ri karhi a vuya hi le Padani-Aramu, xi n'wi katekisa.