Hosiya 12:13 - Xitsonga (Bibele)

¹³ Yakobo u chavile etikweni ra Aramu; Israele u tirhele wansati, ku kuma nsati a tiendle murisi.

BIBELE Mahungu Lamanene

¹³ HOSI Xikwembu xi tirhisile muprofeta ku humesa Vaisraele etikweni ra Egipta, xi tlhele xi tirhisa yena ku va biyelela.

Hosiya 12:13 Referans Kwoze

Pisalema 77:20

U fambisile tiko ra wena tani hi ntlhambi, Hi voko ra Muxe ni ra Aroni.

Mikiya 6:4

Ndzi hlamule! Ndzi ku humesile etikweni ra Egipta, ndzi ku kutsurile endlwini ya vukhumbi, ndzi ku rhangele emahlweni ha va Muxe, na Aroni, na Meriyamu.

Eksoda 13:3

Kutani Muxe a ku eka tiko: “Anakanyani siku leri mi humesiweke ha rona Egipta, endlwini ya vukhumbi; hikuva Yehovha u mi humesile kona hi voko ra matimba; kambe mi nga tshuki mi dya leswi dzungaka hi siku lero.

1 SAMIELE 12:8

“Kuteloko Yakobo a nghenile eEgipta, ni loko vatata wa n'wina va huwelele eka Yehovha, Yehovha a rhuma Muxe na Aroni, kutani va humesa vatata wa n'wina eEgipta, va va akisa exivandleni lexi.

Eksoda 14:19

Ntsumi ya Xikwembu leyi rhangeleke mavandla ya Israele yi suka, yi famba endzhaku ka vona; kutani ku nembelela ka papa ku suka emahlweni ka vona ku ya yima endzhaku ka vona exikarhi ka nyimpi ya Vaegipta ni ya Vaisraele.

Tinhlayo 12:8

ndzi vulavula na yena hi nomu, ndzi tikombisa eka yena kunene, ku nga ri hi xifaniso, kutani a vona xivumbeko lexinene xa Yehovha. A mi chavanga ha yini ku hleva nandza wa mina, Muxe xana?”

Hosiya 2:15

Hilaha ndzi nga ta n'wi vuyisela masimu ya yena ya vhinya, ndzi n'wi nyika ni nkova wa Akora (dzolonga) yi va nyangwa ya ku tshemba; kutani kwalaho u ta hlamula kukotisa emasikwini ya vuntshwa bya yena, ni kukotisa esikwini leri a nga huma ha rona loko a suka etikweni ra Egipta.

Hosiya 11:1

Israele loko a ha ri ntsongwana, ndzi n'wi rhandzile, ndzi vita n'wananga a huma eEgipta.

Genesa 28:2

Pfuka u ya Padani-Aramu, eka Betuwele, tata wa mana wa wena, u titekela kona nsati exikarhi ka vanhwana va Labani, makwavo wa mana wa wena.

Genesa 29:20

Kutani Yakobo a tirhela Rahele hi malembe ya ntlhanu na mambirhi; ma va eka yena masiku ma nga ri mangani, hikuva a a n'wi rhandza.

Duteronoma 26:5

Kutani u ta vulavula emahlweni ka Yehovha, Xikwembu xa wena, u ku: ‘Tatana a a ri Muaramu, a lave ku fa, kutani a xikela eEgipta a ri ni vanhu lava nga talangiki, a tshama kona a ri muluveri; kambe a hundzukela kona tiko lerikulu, leri nga ni matimba, ni vanhu lavo tala.