Hosiya 11:7 - Xitsonga (Bibele)

⁷ Tiko ra mina ri tiyiserile ku ndzi hundzukela, ni loko va vitiwela ehenhla, a ku na un'we la yimiselaka mbilu ya yena kona.

BIBELE Mahungu Lamanene

⁷ Vanhu va mina va ni ntolovelo wa ku ndzi fularhela, hikokwalaho va rhwexiwile mpingu, ku hava loyi a nga ta va rhula wona.

Hosiya 11:7 Referans Kwoze

Yeremiya 8:5

Tiko leri ra Yerusalema, ri hambuka hikwalaho ka yini hi ku hambuka loku nga heriki xana? Va titiyisa hi mano ya vona ha yini, kutani va alela yini ku hundzuka xana?

Hosiya 14:4

Ndzi ta horisa vuhundzuki bya vona ndzi va rhandza hi mbilu hinkwayo ya mina; hikuva vukari bya mina byi sukile eka vona.

Hosiya 11:2

Kakuloko vaprofeta va va vita, ku va laha va va fularhelaka; va tlhavela va Baali, va hisela swifaniso magandzelo.

Hosiya 7:16

Va tlhela, kambe ku nga ri ku ya eka La nge henhla. Va fana ni nseve lowu nga tshembekiki. Tihosi ta vona ti ta wisiwa hi tlhari hikwalaho ka ku tidzunisa ka tindzimi ta vona. Va ta sandziwa hakona etikweni ra Egipta.

Yeremiya 3:11

Yehovha a ku eka mina: “Israele muhundzuki yena u lulamile ku hundza la nga tshembekangiki.

Swivuriso 14:14

Wa mbilu leyi tidyelelaka u ta phiriwa hi mikhuva ya yena, Kambe la lulameke u ta xurha hi leswi nga embilwini ya yena.

Pisalema 81:11

“Kambe tiko ra mina a ri yingisanga rito ra mina, Israele a nga ndzi yingisanga.

Hosiya 4:16

Hikuva Israele wa tiarisa u fana ni thokazi leri nga xitlalu. Sweswi, Yehovha u ta va risa ku fana ni xinyimpfana emananga.

Yeremiya 14:7

“Loko milandzu ya hina yi va ni vumbhoni bya ku hi hehla, oho Yehovha tirha hikwalaho ka vito ra wena hikuva milandzu ya hina yi tele; hi ku dyoherile.

Esaya 26:10

Loko mudyohi o rivaleriwa, a nga dyondzi swo lulama etikweni lero lulama, u ta endla swo biha, a nga ka a nga hlayi vukulukumba bya Yehovha.

Yeremiya 2:19

U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

Yeremiya 7:25

Ka ha ri mpfhuka ndzi humesa vatata wa n'wina va khale etikweni ra Egipta ku fika ni namuntlha, ndzi mi rhumela malandza ya mina hinkwawo va nga vaprofeta, ndzi ri karhi ndzi pfuka ka ha ri mixo hi siku rin'wana ni rin'wana ku va rhuma.

Yeremiya 7:26

Kambe a va yingisanga, ni loko ku ri ku rhiya tindleve, kambe va tinonon'hwisile tinhamu, va dyohile ku tlurisa vatata wa vona.