Hosiya 11:4 - Xitsonga (Bibele)

⁴ A ndzi va koka hi mapindza ya vanhu, hi swiboho swa rirhandzu. Ndzi ri tanihi loyi a tshunxaka joko etinhlayeni ta vona, a ndzi ri karhi ndzi va tshinelela hi musa ku va phamela.

BIBELE Mahungu Lamanene

⁴ Ndzi va fambisile hi moya wa ntwelavusiwana ni tintswalo, kutani eka vona ndzi hundzukile mupfuni loyi a va vevukiselaka mpingu; ndzi titsongahatile ndzi ta eka vona, ndzi ta va phamela swakudya.

Hosiya 11:4 Referans Kwoze

Yohane 12:32

Kutani mina, kutakuloko ndzi ta va ndzi tlakusiwile emisaveni, ndzi ta kokela vanhu hinkwavo eka mina.”

Levhitika 26:13

Hi mina Yehovha, Xikwembu xa n'wina lexi mi humeseke etikweni ra Egipta, leswaku mi nga ha tshuki mi va makhumbi kona. Ndzi fayile mpingu wa joko ra n'wina, ndzi mi fambisile mi yimisa tinhamu.

2 Vakorinto 5:14

Hikuva rirhandzu ra Kriste ri hi bohile, hi ringanisa leswaku, leswi un'we a feleke hinkwavo, hinkwavo va file,

Hosiya 2:8

“Kambe a a nga tivi leswaku hi mina loyi ndzi n'wi nyikaka koro, ni vhinyo, ni mafurha, ndzi n'wi andziselaka silivhere, ni nsuku lowu va wu humeselaka Baali.

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Risimu ra Tinsimu 1:4

Ndzi koke, hi ta ku landzela hi le ndzhaku! Hosi a yi ndzi tise etindlwini ta yona; Hi ta tsaka, hi tsakela wena, Hi ta dzunisa rirhandzu ra wena leri tlulaka vhinyo; Va ku rhandza hakona, lava ku rhandzaka.

Pisalema 105:40

Kuteloko va kombele, u va nyike switsatsatsa, Kutani a va xurhisa hi vuswa bya tilo.

2 SAMIELE 7:14

Ndzi ta va tatana eka yena, na yena u ta va n'wana wa mina, kungakuloko a endla leswo biha, ndzi ta n'wi laya hi nkhavi wa vanhu ni makhombo ya vana va vanhu;

Eksoda 16:32

Kutani Muxe a ku: “Mhaka leyi lerisiweke hi Yehovha hi leyi: A ku hlayisiwe homere leyi teleke hi manna exikarhi ka tinxaka ta n'wina ti ta vona vuswa lebyi ndzi mi phameleke byona emananga loko ndzi mi humesa etikweni ra Egipta.”

Duteronoma 32:12

I Yehovha ntsena la fambiseke tiko ra yena, Xikwembu xin'wana a xi nga ri na yena.

Duteronoma 32:14

Hi mafurha ya tihomu, ni ntswamba wa timbuti, Hi mafurha ya swinyimpfana, Ni ya makhuna la tswariweke Baxani, ni ya swiphongo, Hi mapa ya ku saseka ya koro. U nwile vhinyo yo nandziha, yi ri ngati ya xidzumba.