Hosiya 10:12 - Xitsonga (Bibele)

¹² Mi tibyalela hi ku lulama, mi tshovela hi vunene; mi tirimela vuhalulo lebyintshwa; hikuva i nkarhi wa ku lava Yehovha, a kondza a ta, a mi nisela ku lulama.

BIBELE Mahungu Lamanene

¹² Tibyaleleni ku lulama hi n'wexe, kutani mi ta tshovela mihandzu ya tintswalo ta n'wina; rimani masimu lawa mi ma tshetsheke, hikuva hi wona nkarhi wa ku lava HOSI Xikwembu leswaku xi ta ta xi ta mi nisela minkateko.

Hosiya 10:12 Referans Kwoze

Yakobo 3:18

Kutani mihandzu ya ku lulama yi byariwa eku rhuleni, eka lava endlaka mitirho ya ku rhula.

Esaya 45:8

N'wina matilo, humesani mberha ya n'wina leyi humaka ehenhla! Wena misava, handzuka, u humesa ku hanya, u veleka ku lulama hi nkarhi wu ri wun'we! Mina, Yehovha, ndzi tumbuluxe swilo sweswo.

Swivuriso 11:18

Lowo biha, u tirha mitirho leyi kanganyisaka, Kambe la byalaka ku lulama u ni hakelo leyi tiyeke.

Esaya 55:6

“Lavani Yehovha loko a ha kumeka; huwelelani eka yena, loko a ha ri ekusuhi!

Hosiya 6:3

A hi tiveni Yehovha, a hi chivirikeni ku n'wi tiva! Ku humelela ka yena ku tiyile kukotisa vurhonga; u ta hi tela kukotisa mpfula, kukotisa mpfula ya xirimo leyi nonisaka misava.”

Esaya 44:3

Hikuva ndzi ta chela mati emisaveni leyi nga ni torha, ni swinambyana emisaveni leyi omeke: ndzi ta chela moya wa mina erixakeni ra wena, ni ku kateka ka mina ehenhla ka hluke ra wena.

Eklesiasta 11:6

Byala mbewu ya wena ka ha ri mixo; mavoko ya wena u nga tshuki u ma nyiketa nkarhi nimadyambu hikuva a ku tivi leswaku ku ta mila yihi, kumbe leyi, kumbe liya, kumbe loko ti ta mila ha timbirhi.

Pisalema 105:4

Lavani Yehovha ni matimba ya yena, Mi lava mombo wa yena hi masiku!

Luka 13:24

A ku eka vona: “Endlani hi matimba ku nghena hi nyangwa leyo khuma, hikuva ndzi ri eka n'wina: Lavo tala va ta rhandza ku nghena, kambe va ta tsandzeka.

Amosi 5:15

Vengani leswo biha, mi rhandza leswinene, mi tiyisa leswi lulameke ehubyeni, kumbexana Yehovha, Xikwembu xa tinyimpi a nga tsetselela masalela ya Yosefa.

Amosi 5:6

Lavani Yehovha, mi ta hanya, leswaku a nga tshuki a wela yindlu ya Yosefa tanihi ndzilo, kutani ndzilo wolowo wu herisa Betele, ku nga ri na munhu la wu timaka.

Esaya 31:1

Khombo eka lava rilelaka Egipta ku lava ku pfuniwa, va titiyisa hi tihanci, va tshemba tigolonyi, hikuva ti tele va tshemba vakhandziyi va tihanci hikuva va ni matimba kasi a va languti Mukwetsimi wa Israele, a va lavi Yehovha!

Amosi 5:4

Hikuva Yehovha u te eka yindlu ya Israele: “Ndzi laveni, kutani mi ta hanya.

Hosiya 12:6

Yehovha i Xikwembu xa tinyimpi, Yehovha hi rona vito ra yena.

Amosi 5:8

kasi hi yena la endleke Xirimela ni Nhlahle; la hundzuluxaka munyama wu endla ku vonakala ka mixo, ninhlekanhi wu hundzuka munyama; u vitana mati ya lwandle, kutani u ma chululela ehenhla ka misava; Yehovha i vito ra yena.

Hosiya 8:7

Va byala moya, kambe va ta tshovela xidzedze. Mavele, wona, a ma nga vi kona; nchocho wu nga ka wu nga veki swakudya, ni loko wu nga veka, swi ta dyiwa hi vamatiko.

Timhaka 2:18

Hi masiku lawa, ndzi ta chela malandza ya mina ya xinuna ni ya xisati hi Moya wa mina, kutani va ta bvumbha.

Ezekiele 34:26

Vona ni va le matlhelweni ya xintshabyana xa mina, ndzi ta va endlela ku kateka; ndzi ta nisa mpfula hi nkarhi wa yona; ku ta va ni ku tsakama ka ku kateka kona.

Esaya 32:20

Ku katekile n'wina mi byalaka hinkwako laha ku cheleriweke hi mati, lava nga bohiki milenge ya homu ni mbhongolo!

Esaya 30:23

Enkarhini wolowo u ta nisela timbewu leti mi nga ta byala emasin'wini kutani swakudya swa tinhlampfu leti mirisiweke hi misava swi ta va leswi noneke leswi xurhisaka. Enkarhini wolowo mitlhambi ya n'wina yi ta dyela emadyelweni lama ahlameke.

Yeremiya 50:4

Emikarhini yoleyo ni le nguveni yoleyo, ku vula Yehovha, vana va Israele va ta ta ni vana va Yuda, kutani va ta ya va ri karhi va rila, va lava Yehovha, Xikwembu xa vona.

Esaya 5:6

Ndzi ta yi endla fusi yi nga ha hlakuriwi, yi nga ha rimiwi, ku ta mila mitwa ni swigatlu ntsena; kutani ndzi ta lerisa mapapa leswaku ma nga ha tshami ma nisa mpfula ehenhla ka yona.

Swivuriso 18:21

Ku fa ni ku hanya swi kota hi ririmi, Lava ri rhandzaka va ta dya mihandzu ya rona.

Pisalema 72:6

Yi ta fana ni mpfula loko yi na emadyelweni, Yi kotisa mberha leyinene leyi tsakamisaka misava.

2 Vakorinto 9:10

La tsetselelaka mubyari hi mbewu, ni vuswa bya ku dya, u ta mi tsetselela, u ta mi tatela hi leswi byariwaka, u ta mi engetelela mihandzu ya ku lulama ka n'wina;

Esaya 48:18

Mawako! Loko ngi u yingisa milawu ya mina! Ku rhula ka wena ku ta va tanihi nambu, ku lulama ka wena ku ta fana ni magandlati ya lwandle, vatukulu va wena va ta fana ni sava,

Hosiya 14:1

Israele, tlhelela eka Yehovha, Xikwembu xa wena, hikuva u wile hikwalaho ka ku dyoha ka wena.

Esaya 54:14

U ta tiyisiwa hi ku lulama; tshineta ekule na wena mahlomulo, hikuva a ku faneri ku chava nchumu, ni ku tshuka, hikuva leswi chavisaka swi nga ka swi nga ku tshineleri.