Hagayi 2:3 - Xitsonga (Bibele)

³ ‘I mani eka n'wina la seleke eka lava nga vona yindlu leyi, eku kwetsimeni ka yona loko sungula xana? Kasi sweswi, mi yi vonisa ku yini xana? A hi nchumu emahlweni ya n'wina loko mi yi ringanisa na yona xana?

BIBELE Mahungu Lamanene

³ Xana wa ha ri kona exikarhi ka n'wina munhu loyi a voneke yindlu leyi eku sunguleni loko ya ha sasekile xana? Mi yi vonisa ku yini sweswi xana? Xana a mi yi voni leswaku a ya ha ri nchumu ke?

Hagayi 2:3 Referans Kwoze

Ezra 3:12

Kutani vaprista lavo tala ni Valevhi, ni vakulukumba va vatatana, swi nga swikoxa, lava nga vona yindlu ya khale yi ri emasungulweni ya yona, va rila, va kolola loko va vona yindlu yoleyo; kambe van'wana lavo tala, va huwelela hi ku tsaka;

Ezekiele 7:20

Va tibombisa hi nsuku ni masindza ya vona; va foroma hi swona swifaniso swa tingana ni swikwembu swa vona hikwalaho ndzi swi endle thyaka eka vona.

Hagayi 2:9

Ku kwetsima ka yindlu ya le ndzhaku ku ta tlula ka leyo sungula, ku vula Yehovha wa mavandla; exivandleni lexi, ndzi ta veka ku rhula, ku vula Yehovha wa mavandla.’ ”

1 TIKRONIKA 22:5

Hikuva Davhida a a ku: “N'wana wa mina, Solomoni, wa ha ri lontshwa, a pfumala matimba, kutani yindlu leyi fanelaka ku akeriwa Yehovha, yi fanele ku tlakuka ngopfu hi ku twala ni ku dzunisiwa ematikweni hinkwawo; ndzi rhandza ku n'wi lunghisela mitirho.” Kutani Davhida a lunghisa leswo tala, a nga si fa.

Ezra 3:11

Kutani va pfumelelana, va dzunisa, va vonga Yehovha, va ku: “Kunene u ni vunene, hikuva nsovo wa yena eka Israele hi lowu nga heriki.” Kutani tiko hinkwaro ri endla huwa leyikulu ku dzunisa Yehovha, hikuva ku sunguriwa masungulo ya yindlu ya Yehovha.

Esaya 64:10

Miti ya wena leyi hlawulekeke yi hundzukile mananga; Siyoni u hundzukile mananga, Yerusalema, i rhumbi.