Hagayi 1:8 - Xitsonga (Bibele)

⁸ Tlhandlukelani entshaveni, mi neha timhandze, mi aka yindlu, kutani ndzi ta yi tsakela, ndzi va ndzi yi twarisa, ku vula Yehovha.

BIBELE Mahungu Lamanene

⁸ Khandziyani ntshava, mi ya rhwala timhandze, mi ta pfuxa yindlu ya mina, kutani ndzi ta tsaka ha yona, ni ku komba ku dzuneka ka mina eka yona; ndzi vula sweswo mina HOSI.

Hagayi 1:8 Referans Kwoze

Ezra 3:7

va humesela swivatli swa maribye ni swa timhandze mali; va nyika Vasidoni ni Vatiri swakudya ni swakunwa, ni mafurha, leswaku va tisa eYopa, hi le lwandle, mirhi ya kedari ya Lebanoni, hilaha va pfumeleriweke hakona hi Korexe, hosi ya Peresi.

2 TIKRONIKA 7:16

hikuva sweswi, ndzi hlawurile, ndzi va ndzi kwetsimisa yindlu leyi, leswaku vito ra mina ri va kona hi masiku, ni leswaku mahlo ya mina ni mbilu ya mina yi va kona hilaha ku nga heriki.

Hagayi 2:7

Ndzi ta tsekatsekisa ni matiko hinkwawo kutani leswi rhandzekaka swa matiko hinkwawo swi ta ta kwala, ndzi va ndzi tata yindlu leyi hi ku kwetsima, ku vula Yehovha wa mavandla.

1 TIHOSI 9:3

Yehovha a ku eka yena: “Ndzi yingisile xikhongelo xa wena ni ku kombela loku u ku humeseke emahlweni ka mina: Ndzi hlawurile Yindlu leyi u yi akeke, ku veka vito ra mina kona hilaha ku nga heriki; mahlo ya mina ni mbilu ya mina swi ta va kona hi masiku.

Eksoda 29:43

Ndzi ta hlengeletana kona ni vana va Israele, yindlu leyi yi ta endliwa leyi hlawuriweke hi ku vonakala ka mina;

Hagayi 2:9

Ku kwetsima ka yindlu ya le ndzhaku ku ta tlula ka leyo sungula, ku vula Yehovha wa mavandla; exivandleni lexi, ndzi ta veka ku rhula, ku vula Yehovha wa mavandla.’ ”

Esaya 66:11

leswaku mi ta dya, mi va mi xurha hi mafi ya ku chavelela ka yena; leswaku mi ta tsakela hi ku tlurisa, ku tala ka ku twala ka yena.”

Esaya 60:13

Ku twala ka Lebanoni, ni kipresi, ni nkuhlu, ni n'wambula, swi ta ta swin'we ka wena, ku bombisa xivandla xa mina xa ku kwetsima, kutani ndzi ta twarisa xivandla lexi milenge ya mina yi yimaka ka xona.

Esaya 60:7

Mitlhambi hinkwayo ya Kedari, yi ta hlengeletana ka wena, tinyimpfu ta Nebayoto ti ta ku tirhela, ti ta humesiwa egandzelweni ra mina tanihi nhlengo lowu khensiwaka, kutani ndzi ta twarisa yindlu ya ku twala ka mina.

Ezra 6:4

Yi va ni tinxaxa tinharhu ta maribye lamakulu, ni yin'we ya timhandze letintshwa; mali yo hakela yi ta huma endlwini ya hosi.

1 TIHOSI 6:1

Hi lembe ra 480 ra ku huma eka vana va Israele etikweni ra Egipta hi lembe ra vumune ra ku fuma ka Solomoni ehenhla ka Israele, hi n'hweti ya Zifi (i n'hweti ya vumbirhi), Solomoni a aka Yindlu ya Yehovha.

Hagayi 1:7

“Yehovha wa mavandla u ri: Langutisani tindlela ta n'wina etimbilwini ta n'wina.

1 TIKRONIKA 22:19

Sweswi lavani Yehovha, Xikwembu xa n'wina, hi timbilu hinkwato ta n'wina ni mimoya hinkwayo ya n'wina; pfukani, mi aka vukwetsimelo bya Yehovha Xikwembu, mi ta tisa areka ya ntwanano wa Yehovha, ni swigotso leswi hlawuriweke swa Xikwembu, endlwini leyi nga ta akeriwa vito ra Yehovha.”