Hagayi 1:5 - Xitsonga (Bibele)

⁵ Kutani sweswi, ku vula Yehovha wa mavandla: Langutisisani tindlela ta n'wina etimbilwini ta n'wina: Mi byarile ngopfu, kambe mi tshoverile switsanana;

BIBELE Mahungu Lamanene

⁵ Hikokwalaho, mina HOSI ya matimba hinkwawo ndzi ri, tikambeni mi xiyisisa leswi humelelaka evuton'wini bya n'wina.

Hagayi 1:5 Referans Kwoze

Swirilo 3:40

A hi lavisiseni tindlela ta hina, hi va hi tianakanya, Kutani hi tlhelela eka Yehovha.

2 Vakorinto 13:5

Tianakanyeni mi ri n'wina, mi ta vona loko mi ri eku pfumeleni; tikambeleni mi ri n'wina, a mi swi anakanyi leswaku Yesu Kriste u le ka n'wina xana? Loko swi nga ri leswaku kumbexana mi ri lava nga tiki amukeriwaka.

Hagayi 1:7

“Yehovha wa mavandla u ri: Langutisani tindlela ta n'wina etimbilwini ta n'wina.

Luka 15:17

Ku va laha a tiehleketaka, a ku: ‘Malandza layo tala swonghasi ma kona eka tatana, ma ni vuswa lebyo tala; kasi mina halenu, ndza fa hi ndlala.

Vagalatiya 6:4

kambe un'wana ni un'wana a a ringe ntirho lowu nga wa yena, kutani hi kona a nga ta va ni nkarhi wa ku tidzunisa emianakanyweni ya yena, ku nga ri ku tifanisa ni van'wana;

Eksoda 9:21

Kambe lava nga xiyangiki rito ra Yehovha, va tshike malandza ya vona ni swifuwo swa vona enhoveni.

Daniele 10:12

Kutani a ku eka mina: “U nga chavi, Daniele; hikuva ra ha ri siku ro sungula lero u phikeleleke embilwini ya wena ku twisisa ni ku titsongahata emahlweni ka Xikwembu xa wena, marito ya wena ma yingisiwile, kutani mina ndzi tile hikwalaho ka marito walawo ya wena.

Daniele 6:14

Hosi, kakuloko yi twa mhaka yoleyo yi tela hi nhlomulo ngopfu, kutani yi tsundzuka hi mbilu ya yona ku lamulela Daniele, yi va yi ringeta ku n'wi ponisa, dyambu ri ko ri lava ku pela.

Ezekiele 40:4

Kutani wanuna yeloyi a ku eka mina: “N'wana wa munhu, languta hi mahlo ya wena, u yingisela hi tindleve ta wena, u xiya hinkwaswo leswi ndzi nga ta ku byela swona; hikuva loko u tisiwile haleno, hileswaku ndzi ku komba swona, u ta byela yindlu ya Israele hinkwaswo leswi u swi voneke.”

Ezekiele 18:28

Loko a hanyanya, a tshika swidyoho swa yena hinkwaswo leswi a swi endleke, kunene u ta hanya, a nga ka a nga fi.

Pisalema 48:13

Langutisisani rirhangu ra wona, Mi kambisisa tindlu ta wona ta vuhosi, Mi ta ambela rixaka leri nga ta ta.

Eksoda 7:23

Faro a tlhela, a ya endlwini ya yena, a nga vekanga mbilu ya yena eka mhaka leyi.

Hagayi 1:4

“Xana eka n'wina i nkarhi wo aka tindlu ta n'wina leti sasekisiweke hi mapulangi, kasi yindlu leyi, i rhumbi?

Hagayi 1:6

ma dya, kambe a mi xurhi, ma nwa, kambe a mi kolwi; ma funengela, kambe a mi kufumeli; la tirhelaka hakelo, u yi tirhela ku yi nghenisa exikhwameni lexi boxekeke.