Hagayi 1:2 - Xitsonga (Bibele)

² “Ku vula Yehovha wa mavandla, leswaku: Vanhu lava va ri: Nkarhi a wu si fika; a hi wona nkarhi lowu yindlu ya Yehovha yi nga akiwaka ha wona!”

BIBELE Mahungu Lamanene

² leri humeke eka HOSI ya matimba hinkwawo, hi leri nge: “Vanhu lava va vula leswaku a hi wona nkarhi wo ta va ta pfuxa yindlu ya mina.

Hagayi 1:2 Referans Kwoze

Ezra 4:23

Kuteloko marito ya papila ra hosi Ataserkisi ma hlayiwile emahlweni ka Rehumi, na Ximixayi, mutsari ni vanakulobye va hatlisa va ya eka Vayuda eYerusalema, va va yimisa hi matimba ya mavoko.

Nehemiya 4:10

Kambe Vayuda va ku: “Matimba ya varhwari ma tsana, kasi ntshuri wu tele, wu ta hi tsandza ku heta rirhangu.”

Eklesiasta 11:4

La xiyaka moya a nga ka a nga byali, ni la langutaka mapapa a nga ka a nga tshoveri.

Eklesiasta 9:10

Hinkwaswo leswi voko ra wena ri nga swi kumaka ku tirha, swi tirhe hi matimba ya wena hikuva exivandleni xa vafi laha u yaka kona, a ka ha ri na ntirho, hambi makungu, ni ku tiva, hambi vutlhari.

Tinhlayo 13:31

Kambe vavanuna lava yeke na yena, a va ku: “Hi nga ka hi nga swi koti ku ya hlasela tiko leri hikuva ra hi tlula hi matimba.”

Swivuriso 29:25

Ku chava vanhu ka rhiya ntlhamu, Kambe la tshembaka Yehovha u le ku tlakukeni.

Swivuriso 22:13

Lolo ri ri: “Nghala yi kona ehandle! Ndzi nga dlayiwa erivaleni!”

Hagayi 1:1

Hi lembe ra vumbirhi ra ku fuma ka hosi Dariyosi, hi n'hweti ya vuntlhanu na yin'we, hi siku ro sungula ra n'hweti, rito ra Yehovha ri ta hi muprofeta Hagayi eka Zerubabele, hosana ya Yuda n'wana Salatiele, ni ka Yoxuwa, muprista lonkulu, n'wana Yosadaki, ri ku:

Hagayi 1:3

Kutani rito ra Yehovha ri ta hi muprofeta Hagayi, ri ku:

2 TIHOSI 12:7

Kutani hosi Yowasi a vitana Yehoyada, muprista, ni vaprista van'wana, a ku eka vona: “Xana a mi sivi ha yini timfa ta yindlu? Sweswi, mi nga tshuki mi teka mali ya varikwenu, kambe mi ta yi nyika ku lunghisa yindlu.”

Eklesiasta 3:3

Nkarhi wu kona wa ku dlaya, wu kona nkarhi wa ku horisa; nkarhi wu kona wa ku hlanhla, wu kona nkarhi wa ku aka.