Hagayi 1:13 - Xitsonga (Bibele)

¹³ Kutani Hagayi, murhumiwa wa Yehovha, a vulavula ni vanhu hi ku lerisa ka Yehovha, a ku: “Ndzi na n'wina, ku vula Yehovha.”

BIBELE Mahungu Lamanene

¹³ Kutani Hagayi murhumiwa wa HOSI Xikwembu a byela vanhu leswi xi n'wi leriseke swona, a ku: “HOSI Xikwembu xi vurisa sweswo, xi ri: ‘Ndzi na n'wina.’ ”

Hagayi 1:13 Referans Kwoze

Esaya 43:2

Loko u pela mati, ndzi ta va na wena, ni milambu yi nga ka yi nga ku nwerisi. Loko u famba endzilweni u nga ka u nga tshwi, ni langavi ri nga ka ri nga ku hisi.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina hi masiku hinkwawo, ku ko ku hela misava.”

Varhoma 8:31

Xana hi ta ku yini etimhakeni teto xana? Loko Xikwembu xi hi yimela, i mani la nga lwaka na hina xana?

Malakiya 3:1

Vonani, ndzi ta rhuma ntsumi ya mina, yi ta lunghisa ndlela emahlweni ka mina; kutani xikan'we, Hosi leyi mi yi lavaka yi ta nghena etempeleni ya yona, yi nga ntsumi ya ntwanano lowu mi wu navelaka. Vonani, wa ta, ku vula Yehovha wa mavandla.

Hagayi 2:4

Kutani sweswi, tiyisela, Zerubabele; ku vula Yehovha; tiyisela, na wena Yoxuwa, muprista lonkulu, n'wana Yosadaki! Tiyisani, na n'wina hinkwenu vanhu va tiko leri, ku vula Yehovha, mi va mi tirha; hikuva ndzi na n'wina, ku vula Yehovha wa mavandla;

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Pisalema 46:11

Yehovha wa tinyimpi u na hina, Xikwembu xa Yakobo i xichavelo xa hina lexi tlakukeke.

2 Timotiya 4:17

Kambe Hosi yi ndzi yimerile, yi ndzi tiyisile leswaku ku dyondzisa ku tiyisiwa ha mina, vamatiko hinkwavo va ta ku twa, kutani ndzi damurhutiwile enon'wini wa nghala.

Matewu 18:20

Hikuva laha vambirhi, kumbe vanharhu va hlengeletanaka kona hi vito ra mina, ndzi kona exikarhi ka vona.”

Matewu 1:23

“Maswivo, wanhwana u ta tika nyimba, u ta veleka n'wana wa wandzisanyana vito ra yena, u ta churiwa Emanuwele”; loko va hlamusela hileswaku: “Xikwembu xi na hina.”

Malakiya 2:7

Hikuva milomu ya muprista yi fanekela ku hlayisa ku tiva, nawu wu ta laviwa enon'wini wa yena, hikuva i ntsumi ya Yehovha wa mavandla.

Yeremiya 30:11

Hikuva, ndzi na wena ku ku ponisa, ku vula Yehovha; hikuva ndzi ta heta hinkwako matiko hinkwawo lawa ndzi ku hangalaseke ka wona; kambe wena ndzi nga ka ndzi nga ku herisi, ndzi ta ku laya hi ku lulama, a ndzi nga ku tshiki ntsena u nga avanyisiwanga.

Yeremiya 20:11

Kambe Yehovha u le ka mina kukotisa nhenha leya matimba; hikwalaho, lava ndzi xanisaka va ta khunguvanyeka, kutani va nga ka va nga hluri nchumu; va ta khomisiwa tingana ngopfu hikuva a va tlharihanga; ti ta va tingana leti nga heriki, leti nga riki na ku rivariwa.

Yeremiya 15:20

Kambe wena ndzi ta ku endla etikweni leri leswaku u va rirhangu ra koporo lero tiya. Va ta ku pfuka, kambe va nga ka va nga ku hluri, hikuva ndzi ta va na wena ku ku ponisa ni ku ku sirheleta,” ku vula Yehovha.

Pisalema 46:7

Yehovha wa mavandla u na hina, Xikwembu xa Yakobo i xichavelo xa hina lexi tlakukeke!

2 TIKRONIKA 32:8

Voko ra nyama ri na yena, kambe Yehovha, Xikwembu xa hina, u na hina ku hi pfuna ni ku lwa nyimpi ya hina.” Kutani tiko ri tiyisiwa hi marito ya Hezekiya, hosi ya Yuda.

2 TIKRONIKA 20:17

A hi n'wina lava mi nga ta lwa emhakeni leyi; humani, mi va kona, kutani mi ta vona ku pona ka Yehovha, la nga na n'wina.’ N'wina, va Yuda ni va Yerusalema, mi nga chaveni, mi nga heli timbilu! Mundzuku, humani, mi ya hlangana na vona, Yehovha u ta va na n'wina.”

Ezekiele 3:17

“N'wana wa munhu, ndzi ku endla mulanguteri wa yindlu ya Israele. U ta yingisa rito leri nga ta huma enon'wini wa mina, kutani u ta va tlharihisa hi vito ra mina.

Esaya 44:26

Kambe ndzi tiyisa rito ra nandza wa mina, ndzi hetisa makungu ya tintsumi ta mina; ndzi vula ehenhla ka Yerusalema, ndzi ku: ‘Vanhu va ta hanya kona,’ ni le henhla ka miti ya Yuda: ‘Yi ta akiwa kambe kutani ndzi ta pfuxa marhumbi ya yona.’

2 Timotiya 4:22

Hosi Yesu Kriste a yi ve ni moya wa wena! Tintswalo a ti ve na n'wina!

2 Vakorinto 5:20

Hi tintsumi ta Kriste, kutani va nga ku, i Xikwembu lexi mi khongotelaka ha hina; ha mi khongotela hikwalaho ka Kriste, hi ri:

Esaya 42:19

Lowo fa mahlo i mani, loko a nga ri nandza wa mina; la feke tindleve i mani loko yi nga ri ntsumi ya mina leyi ndzi yi rhumaka? I mani lowo fa mahlo tanihi la rhandziweke hi Xikwembu, i mani lowo fa mahlo tanihi nandza wa Yehovha?

2 TIKRONIKA 15:2

kutani a humelela emahlweni ka Asa, a ku eka yena: “Wee Asa, ni va Yuda hinkwenu, ni va Benjamini, ndzi yingiseni! Yehovha u na n'wina loko mi ri na yena; kungakuloko mi n'wi lava, u ta pfumela ku kumiwa hi n'wina; kambe loko mi n'wi tshika, u ta mi tshika.

Vaavanyisi 2:1

Kutani ntsumi ya Yehovha yi suka eGiligala yi tlhandlukela eBokimi, yi ku: “Ndzi te ndzi ta mi humesa eEgipta, ndzi mi tisa etikweni leri ndzi hlambanyeke leswaku ndzi ta ri nyika vatata wa n'wina; a ndzi te, ndzi nga ka ndzi nga onhi ni siku ni rin'we ntwanano wa mina lowu ndzi wu endleke na n'wina.

1 TIKRONIKA 28:20

Davhida a engeta a ku eka Solomoni, n'wana wa yena: “Tiya mbilu u tiya, u endla hakona! U nga chavi, u nga heli mbilu, hikuva Yehovha, Xikwembu, Xikwembu xa mina, u ta va na wena, a nga ka a nga ku tshiki, a nga ka a nga ku rivali, mitirho hinkwayo ya ntirho wa yindlu ya Yehovha yi ko yi hela.